Janguba 1:2 - Ala Ya Salatikan Kula Kitabu

² M̀ badenmalu, ni tɔlɔya suu suu k'ài masɔlɔn, ài yi wo bɛ jate kɔnɔlɔdiyako le.

Janguba 1:2 ပူးပေါင်းရင်းမြစ်များ

Kɛkolu 5:41

Wo kɛ, keladennu ka bɔ kititɛɛjama ɲakɔlɔ sawa le, kamasɔlɔn ai lafeyako ka bɛn Isa tɔɔ ma, ailu ni wo le kaannin.

Lɔmukalu 5:3

K'a dɔ la wo kɔkan, m'i sawala hali maa tɔlɔyalu lɔ, kamasɔlɔn mɔ k'a lɔn ko tɔlɔya yi nala sawali le le.

Filipikalu 1:29

Kamasɔlɔn Ala ya nɛɛma ma kɛ ài yɛ k'a fɔ ko ài yi limaniya Masa Tɔɔmasenin ma dein, mafɔ ài yi tɔlɔya masɔlɔn fana ka bɛn a ma,

Filipikalu 2:17

Ài limaniyanin teme Ala ma k'àiya ko bɛ di a ma, wo kɛyine iwo salaka min la yi sena Ala ma. Tumadɔ fɔ ǹe gbu jeli yi bɔn àiya salaka kɔkan, iwo fen min yi niila. Wo vɛ kɛla, ǹ kɔnɔ kɛtɔ diyala, ado ǹ'i sawale ài fɛ.

Filipikalu 2:18

Àilu fana y'ài kɔnɔlɔdiya ka sawa ǹ fɛ.

Kɔlɔsikalu 1:24

Wo lɔ saa, ǹ kɔnɔlɔdiyayine ka bɛn ǹa tɔlɔyalu ma àiya ko lɔ, kamasɔlɔn Masa Tɔɔmasenin ya tɔlɔya tɔ min tonin, ǹ'i wo le dafala ǹ falikolo lɔ limaniyajama yɛ, min kɛnin a falikolo le.

Hebululu 10:34

Ài n'ài fɛ bilala kasodennu ya tɔlɔyalu la. Ai ka ài halala bɛ jaso ài tɛɛ la mingɛ, ài ka wo mina ài ma kɔnɔlɔdiya boloma, kamasɔlɔn ài tɛɛ k'a lɔn ne ko a fisamandeya ta le y'ài bolo, min tonin ài bolo.

Janguba 1:12

Mɔɔ min y'a sawalila lɔsumani lɔ, wo tii yi duwawuden ne le, kamasɔlɔn a vɛ lɔsumani manɔla, a kɛtɔ niimaya fula sɔlɔnna, min lahedi tanin Ala bolo a kanundelu yɛ.

Janguba 1:16

Ǹ diyanan badenmalu, ài kà diɲa ài la yi fili.

Janguba 1:19

Ǹ diyanan badenmalu, ài y'a lɔn ko ài kelenkelenna bɛ y'a lateleja a tolomalɔla, k'a kunsuma kuma fɔko lɔ, ani k'a kunsuma mɔnɛla.

Janguba 5:11

Ài y'a ye, mɔɔ minu n'ai sawalila, m'i wolu jatela duwawudennu le teme. Ài na Sedina Ayuba ya sawali mangutu mɛnna, ani ài k'a lɔn mɔ Tii ka labanko ɲuma min di a ma. Kamasɔlɔn mɔ Tii ya henandeya ni aa maɲumandeya walayine bubale.

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.