Janguba 1:17 - Ala Ya Salatikan Kula Kitabu

¹⁷ Fen ɲuma ni sɔlifen dafanin suu bɛ yi bɔla Fa Ala le fɛlɔ sanma, min na sangbolokɔnɔ mɛnɛnfennu ladanna. A tɛ jɛlɛmana ka bɔ a kɛɲa ma, ado aa kɛnɛya tɛ se nɔla divi bolo.

Janguba 1:17 ပူးပေါင်းရင်းမြစ်များ

Matiyu 7:11

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo y'a dailibalu sɔla fen ɲumalu le la!

Luka 11:13

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo yi Nii Sɛnɛyanin dila a dailibalu ma!»

Yohana 1:9

Kɛnɛya bɛlɛbɛlɛ min yi kɛnɛya dila bɛ ma, wo tɛɛ nala dunuɲa.

Yohana 3:27

Yaya k'ai javi, a vɛɛ: «Mɔɔ tɛ se foi sɔlɔnna ni Ala ma min di i ma.

Yohana 3:3

Isa k'a javi, a vɛɛ: «Ǹ'i tuɲa fɔ i yɛ, ni mɔɔ min ma sɔlɔn kula kɛ, wo tii tɛ se Ala ya masaya yena.»

Yohana 8:12

Isa k'a fɔ jama yɛ kɔtunun, a vɛɛ: «Ǹe le dunuɲa kɛnɛya le. Ni mɔɔ min ka bila ǹ kɔ, wo tii tɛnala taamana divi lɔ butu, mafɔ a kɛtɔ kɛnɛya sɔlɔnna min yi niimaya dila.»

Kɛkolu 11:18

Ai ka kuma wo mɛn mingɛ, ai k'aiya sɔsɔyali dabila ka Ala tanu, ai vɛɛ: «Tuɲa le, Ala vɛ diɲa a ma ko siboloma gbɛlɛ mɔɔlu fana y'ai dajoo mafalin, fɔsa ai yi niimaya sɔlɔn.»

Kɛkolu 5:31

Ala n'a kɔlɔtala k'a lasii a bolokini fannɔ, k'a kɛ Ɲamɔɔ ni Lakisilikɛba le, fɔsa Bani Isilankalu y'a ɲa sɔlɔn k'ai dajoo mafalin aiya julumbulu lɔkotoko lɔ.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

1 Kolɛntikalu 4:7

Kamasɔlɔn jene n'ài lafisala dɔlu le? Fen mindɛ le ài bolo, ni a dinin tɛ ài ma? Ni a diyine ài ma, mindɛ lɔ ài y'ài wasola k'a kɛ iwo a dinin tɛ ài ma?

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 2:8

Kamasɔlɔn ài na kisila Ala ya nɛɛma lɔ limaniya le fɛ. Àilu gbu senko tɛ wo le dɛ, mafɔ Ala ya sɔli.

Filipikalu 1:29

Kamasɔlɔn Ala ya nɛɛma ma kɛ ài yɛ k'a fɔ ko ài yi limaniya Masa Tɔɔmasenin ma dein, mafɔ ài yi tɔlɔya masɔlɔn fana ka bɛn a ma,

1 Timote 6:16

Ale kelenpesa le Masa sabali le, min makɛya nɔɔlɔ walanin haan fɔɔ mɔɔ tɛ se i madonna a la. Mɔɔ mɔɔ ɲa ma la ba a kan bene, ado mɔɔ tɛ se a yena. Buɲali ni seetiiya y'a yɛ habadan. Amiina.

Hebululu 13:8

Masa Tɔɔmasenin Isa tɛɛ min ne kunun, a yi wo le le bi, a do totɔ ten ne habadan.

Janguba 1:5

Ni ài dɔ dɛsɛnin ka kɛ hangilimaya la, wo tii yi Ala dali, a do yi hangilimaya dile wo tii ma. Ale le bolo fɔlinnin bɛ sɔko lɔ, makumali tɛ min nɔ.

Janguba 3:15

Hangilimaya suu wo tɛ bɔla haijɛnɛ, mafɔ dunuɲa jan. Adamaden jɛlɛlalu ta le wo le, ani jinalu.

Janguba 3:17

Kɛɛ hangilimaya min yi bɔla haijɛnɛ, wo yi nala sɛnɛyali le le kunfɔlɔ le, ka josolajii tuun wo la, ani sɔniyali ni nɔya. Henandeya y'a lɔ, a do kɛkolu ɲumayanin kosɛvɛ. A do tɛ lafisayali ni filangafoya kɛla.

1 Yohana 1:5

Mɔ na samakan min mɛnna Isa da, m'i wo le lasena ài ma yi ne, ko: Ala yi kɛnɛya le le, divi pa tɛ a lɔ.

1 Yohana 4:10

Kanundeya bɛlɛbɛlɛ le min ne: A tɛ k'a fɔ ko mɔ na Ala kanula, kɛɛ ale le na mɔ kanula ka a Denkɛ lana, k'a kɛ maa julumbulu lɔkoto salaka le.

Ko Lankɛnɛmayanin 21:23

So wo mako tɛ tele kɛnɛya la, niwotɛ kalo kɛnɛya, kamasɔlɔn Ala nɔɔlɔ le yi kɛnɛya dila a ma, ado Saa Bolan ne yi so wo fitina le.

Ko Lankɛnɛmayanin 22:5

Su tɛnala kola butu. Ai mako tɛnala kɛla fitina kɛnɛya la, niwotɛ tele kɛnɛya, kamasɔlɔn ai Tii Ala gbu le kɛtɔ kɛla aiya kɛnɛya le. Ai do kɛtɔ masaya kɛla waate bɛ ani habadan.