Janguba 1:12 - Ala Ya Salatikan Kula Kitabu

¹² Mɔɔ min y'a sawalila lɔsumani lɔ, wo tii yi duwawuden ne le, kamasɔlɔn a vɛ lɔsumani manɔla, a kɛtɔ niimaya fula sɔlɔnna, min lahedi tanin Ala bolo a kanundelu yɛ.

Janguba 1:12 ပူးပေါင်းရင်းမြစ်များ

Matiyu 10:22

Ài gbeyatɔ mɔɔ bɛ yɛ ka bɛn ǹa ko ma. Kɛɛ ni mɔɔ min ka gbeleya mina a ma ka sii tɔlɔya laban na, wo tii yi kisile.

Matiyu 25:34

Wo kɔ, Masakɛ kɛtɔ a fɔla a bolokininɔ talu yɛ, a vɛɛ: ‹Ǹ Fa ya duwawudennu, ài yi na, ài yi don ǹ Fa ya masaya lɔ, min lɔbɛnnin tɛɛ ài yɛ ka ta dunuɲa dan waate ma.

Luka 6:22

«Duwawuden ne ài le, ni mɔɔlu k'ài lagbeyaɲɛ, k'i ban ài lɔ, k'ài nɛnin, ani k'ài tɔɔyon fɔ ka bɛn Mɔɔnivin Tanin ya ko ma.

Lɔmukalu 5:4

Ado sawali yi nala dajoo ɲuma le le, ani dajoo ɲuma yi nala jeisii le le.

Lɔmukalu 8:28

Mɔ do k'a lɔn ne ko, ko bɛ la yi banna a ɲuma le ma Ala kanundelu yɛ, minu kilinin ka bɛn aa kolatɛɛnin ma.

1 Kolɛntikalu 2:9

Kɛɛ a sɛvɛnin kitabu kɔnɔ tan ne, ko: «Ɲa ma la ko minu ma, tolo ma ko minu mɛn, ado ko min miliya ma bila mɔɔ suu suu josokun nɔ, Ala na wolu le latɛɛla a kanundelu yɛ.»

1 Kolɛntikalu 8:3

Kɛɛ ni mɔɔ mɔɔ ka Ala kanu, Ala ka wo tii lɔn ne.

1 Kolɛntikalu 9:25

Mɔɔ minu yi bɔli suu wo kɛla, wolu bɛ le y'ai jɛlɛ lɔminala k'ai bolo bɔ ko bɛ lɔ, fɔsa ai yi jala sɔlɔn min yi tiɲata le. Kɛɛ ǹu do yi mɔ ta kɛla jala tiɲabali sɔlɔnko le lɔ.

2 Timote 2:15

I i lɔja ka kɛ baaleden ne, Ala diɲanin min ya baale ma, maloya tɛ min na aa baaledalu lɔ, min yi mɔɔlu kalanna tuɲa kuma la kobɛn.

2 Timote 4:8

Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

Hebululu 10:32

Ài y'ài hangili to lon timinninu lɔ, ài bɔ kɔ divi lɔ, ài na sɛɛ gbɛlɛn ni tɔlɔya manɔla waate min nɔ.

Hebululu 11:17

Ibulahima lɔ ka suma Ala bolo waate min nɔ, aa limaniya le ka kɛ sabu le, a ka diɲa Isiyaka bɔko ma salaka le. Lahedi tanin ale min yɛ, a tɛɛ a denkɛ kelenpesa bɔ bolo le ma salaka le,

Hebululu 12:5

Jalasa ài vɛ ɲina sɛmɛdon kuma wolu lɔ, Ala na minu fɔla ài yɛ iwo a dennu? A do vɛɛ: «Ǹ den, i kà jɔ i Tii ya makololi ma, i do falilɔ kà teeya ni a k'i makuma.

Hebululu 6:15

Ibulahima do k'a sawali haan fɔɔ a ka lahedi tanin sɔlɔn.

Janguba 2:5

Ài tolomalɔ, ǹ diyanan badenmalu! Jalasa Ala ma dunuɲa fandannilu ta fɔsa ai yi banaya limaniya lɔ, ani k'ai fɛ bila aa masaya la, a na min lahedi tala a kanundelu yɛ?

Janguba 5:11

Ài y'a ye, mɔɔ minu n'ai sawalila, m'i wolu jatela duwawudennu le teme. Ài na Sedina Ayuba ya sawali mangutu mɛnna, ani ài k'a lɔn mɔ Tii ka labanko ɲuma min di a ma. Kamasɔlɔn mɔ Tii ya henandeya ni aa maɲumandeya walayine bubale.

1 Piyɛli 3:14

Kɛɛ hali ni ài ka tɔlɔya masɔlɔn ka bɛn telenmandeya ma, ài kɛtɔ duwawuden ne le wo lɔ. Ài kà siyan mɔɔlu ɲa, ài do hangili kà ɲaami.

1 Piyɛli 4:13

Mafɔ, ài y'ài kɔnɔlɔdiya, kamasɔlɔn ài vɛ ài ta sɔlɔn Masa Tɔɔmasenin ya tɔlɔya lɔ, fɔsa ài kɔnɔlɔ yi diya kɔtunun bɛlɛbɛlɛ kɛ aa magbiliyali la vɛ nkɛnɛmayala lon min na.

1 Piyɛli 4:14

Ni ài ka jɛvɛli masɔlɔn ka bɛn Masa Tɔɔmasenin tɔɔ ma, wo vɛ kɛla, duwawuden ne ài le, kamasɔlɔn Nii nɔɔlɔnin, min kɛnin Ala Nii le, wo vɛ la ài kɔkan.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

1 Piyɛli 5:4

Wo vɛ kɛla, saakunnasii kuntiiba la vɛ nkɛnɛmayala lon min na, ài kɛtɔ masayafula nɔɔlɔnin sɔlɔnna min dalaya tɛnala banna tuun.

1 Yohana 4:19

Ǹu koni yi kanundeya kɛla, kamasɔlɔn Ala le na mɔ kanula kunfɔlɔ le.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.

Ko Lankɛnɛmayanin 3:19

Ǹ'i mɔɔ minu kanula, ǹ'i wolu le lalila k'ai makolo. Wo lɔ, i i sɛmɛdon k'i dajoo mafalin.

Ko Lankɛnɛmayanin 3:21

Ni mɔɔ min ka see sɔlɔn, ǹ kɛtɔ wo tii lasiila ǹ dafɛ ǹa masayasiifen nɔ, iwo ǹ na see sɔlɔnna teme ka ǹ sii ǹ Fa dafɛ aa masayasiifen nɔ.