Janguba 1:1 - Ala Ya Salatikan Kula Kitabu

¹ Ǹe Janguba min yi Ala ni mɔ Tii Masa Tɔɔmasenin Isa ya jɔn ne, ǹ'i sɛvɛli min lataala Bani Isilanka kabila tan ni fila (12) le ma, minu jɛzɛnnin dunuɲa fan bɛ lɔ. Ǹ'ài fola.

Janguba 1:1 ပူးပေါင်းရင်းမြစ်များ

Matiyu 10:3

ani Filipe ni Batolomu, ani Tomasi ni Matiyu min tɛɛ niisɔɔnminaba le, ani Alife denkɛ Janguba, ani Tade,

Matiyu 13:55

Jilisaba den ne tɛ ve? A ba le tɛ Mɔyamu le? A dɔɔkɛ le tɛ Janguba ni Jusufu ni Simɔn ni Jude le?

Matiyu 19:28

Isa vɛɛ a yɛ: «Ǹ'i tuɲa fɔ i yɛ, dunuɲa vɛ kɛla a kula le, Mɔɔnivin Tanin siitɔ aa masayasiifen nɔɔlɔnin nɔ. Àilu minu bilanin ǹ kɔ, àilu fana siitɔ masayasiifen tan ni fila (12) lɔ ka Bani Isilankalu ya kabila tan ni fila (12) ya kiti tɛɛ.

Malɛkɛ 3:18

Andele, Filipe, Batolomu, Matiyu, Tomasi, Alife denkɛ Janguba, Tade, Fasokanuba Simɔn,

Luka 22:30

fɔsa ài yi dɔnni kɛ ani k'ài min ǹ fɛ ǹa masaya lɔ, ani k'ài sii masayasiifennu lɔ ka Bani Isilankalu ya kabila tan ni fila (12) ya kiti tɛɛ.»

Luka 6:15

Matiyu ni Tomasi, Alife denkɛ Janguba ni Simɔn (ai y'a fɔla min ma ko Fasokanuba),

Yohana 12:26

Ni mɔɔ min y'a fɛ ka baale kɛ ǹ yɛ, fɔ wo tii yi bila ǹ kɔ, ado m̀'ɛ kɛla tɛɛminja, ǹa bɔiden fana kɛtɔ je le. Ni mɔɔ min ka baale kɛ ǹ yɛ, ǹ Fa kɛtɔ wo tii buɲala.»

Yohana 7:35

Jahudiya kuntiilu k'a fɔ i ɲɔɔ yɛ, ai vɛɛ: «Kɛ́ min taatɔ min ne, k'a fɔ ko mɔ tɛnala a yena? Jalasa a a fɛ ka taa maa mɔɔlu ma minu siinin Gɛlɛki solu la, ka Gɛlɛkikalu kalan?

Kɛkolu 1:13

Ai donnin so kɔnɔ, ai ka taa sangaso sanmabon na, ai jiyanin tɛɛ tɛɛminja. Ai tɔɔlu le ne: Piyɛli, Yohana, Janguba, Andele, Filipe, Tomasi, Batolomu, Matiyu, Alife denkɛ Janguba, Fasokanuba Simɔn, ani Janguba denkɛ Judasi.

Kɛkolu 12:17

Kɛɛ Piyɛli k'a bolo jate ai yɛ fɔsa ai yi jeden, ka ban k'a ɲafɔ ai yɛ mɔ Tii na a labɔla kaso la teme. A do vɛɛ: «Ài yi wo bɛ lase Janguba ni mɔ badenma tɔlu ma.» Wo kɔ, a ka bɔ je ka taa dingila gbɛlɛ lɔ.

Kɛkolu 15:13

Pɔli ni Baanabasi wɔlinin kumala, Janguba ka kuma ta, a vɛɛ: «M̀ badenmalu, ài y'ài tolomalɔ ǹ na.

Kɛkolu 15:21

Kamasɔlɔn seliya min dinin Nabi Musa ma, ka ta waate jaan ma, ai yi wo kalanna Aladalibonnu la Nɔningɛlon bɛ, ani a kumakan la yi sena so kelenkelenna bɛ la.»

Kɛkolu 15:23

Ai ka sɛvɛ don wolu bolo ko ai yi taa a le. A sɛvɛnin tɛɛ ko: «Ǹu keladennu ni ɲamɔɔlu, ài badenmalu koni, m'i lɛtɛlɛ min lataala siboloma gbɛlɛ limaniyamɔɔlu ma Antiyɔsi so kɔnɔ ni Siliya ni Silisiya jamanalu lɔ. M'ài fola.

Kɛkolu 2:5

Wo k'a talan, Jahudiya siyama jiyanin tɛɛ Jelusalɛmu, minu tɛɛ Alaɲasiyanɲɛmɔɔlu le ka bɔ dunuɲa jamana bɛ lɔ.

Kɛkolu 21:18

Wo kɛnɛbɔlon, ǹu ni Pɔli ka taa bɔ Janguba ma, ado ɲamɔɔlu bɛ ladɛnnin tɛɛ je.

Kɛkolu 23:26

«Ǹe Kulodi Lisiya le yi sɛvɛ min lataala jamanatii ba Felisi ma. Ǹ'i fola.

Kɛkolu 26:7

Maa kabila tan ni fila (12) yi wo mafako le makɔnɔna, ai vɛ ai gbaladonna Ala batoko le su ni tele. Masakɛ, ǹ jalakinin Jahudiyalu bolo ka bɛn jeisii wo le ma.

Kɛkolu 8:1

Ado Sawuli ka diɲa Etiyɛn faako ma. Wo lon kelen na, jangata ba k'i wuli limaniyajama kanma Jelusalɛmu so kɔnɔ. Wo lɔ, ai bɛ ka jɛzɛn Jude ni Samaliya koovilu fan bɛ lɔ. Keladennu le ma bɔ Jelusalɛmu dein.

Lɔmukalu 1:1

Ǹe Pɔli, Masa Tɔɔmasenin Isa ya jɔn ne yi lɛtɛlɛ min sɛvɛla, ǹe min kilinin ka ǹ kɛ keladen ne, ani ka m̀ bila ǹ ta fan Ala ya Samakan Kein yɛ.

Galatiyakalu 1:19

Kɛɛ m̀ ma ǹ ɲa la keladen dɔgbɛlɛ kɔkan, mafɔ mɔ Tii Isa dɔɔni Janguba.

Galatiyakalu 2:12

Kamasɔlɔn jani mɔɔ dɔlu tɛɛ na ka bɔ Janguba fɛlɔ, Piyɛli tɛɛ dɔnni kɛla siboloma gbɛlɛ mɔɔlu le fɛ. Kɛɛ mɔɔ wolu ka na feeya, a ka wo dabila k'a jɛlɛ mataa siboloma gbɛlɛ mɔɔ wolu la, kamasɔlɔn a tɛɛ siyanna Jahudiyalu ɲa minu fasanin kɛnɛkɛko ma.

Galatiyakalu 2:9

Janguba ni Piyɛli ni Yohana, ai tɛɛ minu yena ɲamɔɔ balu le koni, wolu k'a ɲaye ko Ala le na ǹ kilila keladenya kanma aa nɛɛma lɔ. Wo le k'a kɛ, ai k'ai bolo la ǹe ni Baanabasi tɛɛ la, k'a jiya ko mɔ bɛ yi baalekɛɲɔɔma le le. Mɔ do ka bɛn a ma ko m'i taa siboloma gbɛlɛlu fɛlɔ, ailu yi taa Jahudiyalu fɛlɔ.

Filipikalu 1:1

Ǹe Pɔli ni Timote le yi lɛtɛlɛ min sɛvɛla, ǹu minu kɛnin Masa Tɔɔmasenin Isa ya bɔiden ne. M'a lataala mumininnu ma minu kafonnin Masa Tɔɔmasenin Isa kɔkan Filipi so kɔnɔ, ani limaniyajama kunmafɛlɛnbalu ni ai makoɲabɔbalu.

2 Timote 4:21

I i lɔja, i yi na jani nɛnɛbɔ waate yi se. Yubulusi i fola, ani Pudɛn ni Linusi ni Kolodiya, ani mɔ badenma bɛ y'i fola.

Tite 1:1

Ǹe Pɔli le yi lɛtɛlɛ min sɛvɛla, ǹe min yi Ala ya bɔiden ne ani Masa Tɔɔmasenin Isa ya keladen. Ǹ tayine ka ǹ kelaya ko ǹ'i Ala ya mɔɔ taninnu madɛmɛn aiya limaniya lɔ, k'ai lalɔnni tuɲa la min y'ai taamaɲa bɛn Ala ɲakɔlɔ,

1 Piyɛli 1:1

Ǹe Piyɛli min yi Masa Tɔɔmasenin Isa ya keladen ne, ǹ'i lɛtɛlɛ min sɛvɛla Ala ya mɔɔ taninnu le ma minu siinin lonaya lɔ Pɔndu, Galatiya, Kapadɔsiya, Esiya, ani Bitiniya koovilu lɔ.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

Jude 1:1

Ǹe Jude, min yi Masa Tɔɔmasenin Isa ya bɔiden ne ani Janguba badenma, ǹ'i lɛtɛlɛ min sɛvɛla mɔ Fa Ala ya mɔɔ kilininnu le ma, a yi minu kanula, ani k'ai ladalo Masa Tɔɔmasenin Isa yɛ.

Ko Lankɛnɛmayanin 7:4

Tɔɔmase bilanin tɛɛ mɔɔ minu ten na, ǹ ka wolu kɔndɛ jate mɛn. Ai tɛɛ mɔɔ waa kɛmɛ ni mɔɔ waa binaani ni naani (144 000) le le, ka bɔ Bani Isilankalu ya kabila tan ni fila (12) lɔ.