Hebululu 8:3 - Ala Ya Salatikan Kula Kitabu

³ Komi salakalase kuntiiba kelenkelenna bɛ la yi siila niilifen ni kolofen salakabɔko le lɔ, wo lɔ, ale fana tɛɛ ka kan ka fen dɔ sɔlɔn, a yi min bɔ salaka le.

Hebululu 8:3 ပူးပေါင်းရင်းမြစ်များ

Yohana 6:51

Ǹe le niimaya bulu le min jiinin ka bɔ haijɛnɛ. Ni mɔɔ min ka bulu min dɔ dɔn, wo tii totɔ niimaya le lɔ kudein. Ado ǹ kɛtɔ bulu min dila fɔsa dunuɲa yi niimaya sɔlɔn, wo le ǹ falikolo le.»

Lɔmukalu 4:25

Isa donnin tɛɛ saya bolo ka bɛn maa julumbulu le ma, ka ban k'i wuli kɔtunun fɔsa m'i jate telenmande le Ala ɲakɔlɔ.

Lɔmukalu 5:6

A waate bɛlɛ ka se mingɛ, ka mɔ to fangandanya lɔ, Masa Tɔɔmasenin ka sa Alaɲasiyanɲɛbalilu yɛ.

Lɔmukalu 5:8

Kɛɛ Ala na aa kanundeya jiyala mɔ la teme, wo le ne: Ka mɔ to julumbutɔya boloma, Masa Tɔɔmasenin ka sa mɔ yɛ.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 2:17

Wo le n'a kɛla, fɔ a tɛɛ kɛ a badenmalu ɲɔɔzii le ko bɛ lɔ, fɔsa a yi kɛ salakalase kuntiiba lanande ni henande le Ala ya baale lɔ, ani ka kɛ mɔɔlu ya julumbulu lɔkotoko sabu le.

Hebululu 3:1

Wo lɔ saa, m̀ badenma sɛnɛyaninnu, minu kilinin Ala bolo iwo ǹu, ài m'i mili Isa ma, mɔ lɔnin a la ko Ala na min kelayala k'a lasii salakalase kuntiibaya la.

Hebululu 5:1

Salakalase kuntiiba suu suu tanin ka bɔ mɔɔlu tɛma, wo lasiiyine ka kɛ mɔɔlu ɲa le Ala ya baaleko lɔ, a vɛ niilifennu ni salakalu bɔla ka bɛn julumbulu ma.

Hebululu 7:27

A mako t'a la iwo dɔ salakalase kuntiibalu y'a kɛla teme, ka kolofen salaka bɔ tele o tele ka bɛn ai jɛlɛkanu ya julumbulu ma kunfɔlɔ le, jani ai y'a dɔ bɔ jama ya ko lɔ, kamasɔlɔn a na wo kɛla siɲa kelen ne le ka ban, a na a jɛlɛ bɔla salaka le waate min nɔ.

Hebululu 8:4

Ni a tɛɛ kɛ dunuɲa, a tɛɛ tɛnala kɛla salakalaseba le feu, kamasɔlɔn a dɔlu yi je, minu yi salaka bɔla ka bɛn Nabi Musa ya seliya ma.

Hebululu 9:14

Kɛɛ Masa Tɔɔmasenin min k'a jɛlɛ bɔ Ala yɛ salaka bɛlɛbɛlɛ le habadan Nii Sɛnɛyanin sabu la, a jeli fanga wo le yi mɔ josokun lasɛnɛyala feu, ka mɔ bɔ mɔ kɛkolu ma minu yi saya lasena mɔ ma, fɔsa m'i Ɲɛnɛmayatii Ala bato.