Hebululu 7:3 - Ala Ya Salatikan Kula Kitabu

³ A fa lɔnnin tɛ, a ba lɔnnin tɛ, kumatɛ a jilijaalu ma, ado foi lɔnnin tɛ ka bɛn a sɔlɔnko ma, niwotɛ a sako. A kɛyine iwo Ala Denkɛ, kamasɔlɔn a toyine salakalasebaya la kudein.

Hebululu 7:3 ပူးပေါင်းရင်းမြစ်များ

Matiyu 4:3

Soitana k'i madon a la k'a fɔ a yɛ, a vɛɛ: «Ni Ala Denkɛ le i le, i y'a fɔ kawakulun minu yɛ ko ai yi jɛlɛma ka kɛ bulu le.»

Hebululu 4:14

Komi salakalase kuntiiba yi mɔ bolo min vɛ jɛlɛ haan fɔɔ sangbolo dingilalu lɔ, min kɛnin Ala Denkɛ Isa le, wo lɔ, ài m'i mɔ bolo kɛ maa limaniya la kpekpe, mɔ lɔnin min na.

Hebululu 7:1

Mɛlikizɛdɛki min tɛɛ Salɛmu so masa le, ani Masa Taala ya salakalaseba, wo le ka taa Nabi Ibulahima labɛn ka duwawu kɛ a yɛ, a seikɔ waate ka bɔ masakɛlu siyasaya lɔ.

Hebululu 7:17

Kamasɔlɔn seleya min dinin ka bɛn a ma kitabu kɔnɔ, ko: «I yi salakalaseba le le kudein iwo Mɛlikizɛdɛki tɛɛ teme.»

Hebululu 7:2

Ibulahima ka aa kɛlɛkɔlɔfennu bɛ jaa bɔ k'a di a ma. Mɛlikizɛdɛki tɔɔ kɔlɔ le ko «Masa Telenmande.» A do yi «Josolajii Masa» le le fana, kamasɔlɔn Salɛmu kɔlɔ le ko: «josolajii».

Hebululu 7:6

Mɛlikizɛdɛki tɛɛ tɛ Levi bɔzɔn dɔ le, wo bɛ n'a kɛ, a ka jaa mina Ibulahima la ka duwawu kɛ a yɛ, Ala tɛɛ vɛ lahedi ta min yɛ.