Hebululu 5:9 - Ala Ya Salatikan Kula Kitabu

⁹ Aa ko da ka fa mingɛ boloɲa min ma, a ka kɛ habadan kisiko sabu le a kannabatobalu bɛ yɛ,

Hebululu 5:9 ပူးပေါင်းရင်းမြစ်များ

Matiyu 17:5

Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»

Luka 13:32

Kɛɛ Isa do k'ai javi, a vɛɛ: «Ài yi taa a fɔ jɛɛkani wo yɛ ko ǹ'i jinalu gbɛnna mɔɔlu lɔ, ani ka mɔɔlu lakɛnɛya bi ni sinin, ado tele sawana lon, ǹa baale dafatɔ.

Yohana 19:30

Isa ka gbɛ kumunnin wo dɔ min mingɛ, a vɛɛ: «Ko bɛ da vɛ fa.» Wo kɛ, a do k'a kun labilin k'a nii lasei.

Kɛkolu 3:15

Min yi niimayadiba le, ài na wo le faala, kɛɛ Ala n'a lawulila ka bɔ saya lɔ. Mɔ do vɛ kɛ wo sele le.

Kɛkolu 4:12

Mɔɔlu tɛ se kisila boloɲa gbɛlɛ ma, fɔ ale kelenpesa, kamasɔlɔn Ala ma tɔɔ gbɛlɛ fɔ adamadennu yɛ dunuɲa, m'i kisi min fɛ.»

Kɛkolu 5:32

M'i ko minu sele le le, ani Nii Sɛnɛyanin fana, Ala na min dila a kumakan labatobalu ma.»

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

Lɔmukalu 10:16

Kɛɛ mɔɔ bɛ ma ai bolo sii Samakan Kein kɔlɔ. Wo le n'a kɛla, Nabi Ezayi n'a fɔla, a vɛɛ: «Ǹ Tii, jene vɛ limaniya maa kawanili ma?»

Lɔmukalu 15:18

Ado ǹ tɛnala m̀ wakalila ka ko ko fɔ, mafɔ Masa Tɔɔmasenin na minu kɛla ǹ nɔ ka siboloma gbɛlɛ mɔɔlu kolo Ala yɛ ǹ kumakan ni ǹ kɛkolu fɛ,

Lɔmukalu 2:8

Kɛɛ do, mɔɔ minu gbalanin ai jɛlɛ kunko le ani minu tɛ tuɲandeya labatola, mafɔ ka telenbaliya labato, Ala ya mɔnɛya ni aa josolakuna wulitɔ mɔɔ suu wolu le kanma.

Lɔmukalu 6:17

M'i balika bɔla Ala yɛ, kamasɔlɔn àilu minu tɛɛ julumbu ya jɔn ne kɔlɔman ne, ài vɛ kalan min latelen ài josokun bɛ la, min dinin ai ma.

2 Kolɛntikalu 10:5

ani wasoko minu bɛ yi wulila ka dansii Ala lɔnko la. M'i miliya suu bɛ le ladonna Masa Tɔɔmasenin ya kuntiiya kɔlɔ a kannabatoko lɔ.

Filipikalu 2:12

Wo lɔ saa, ǹ diyananmɔɔlu, iwo ài deinin tɛɛ Ala kumakan labatola teme ǹ ɲakɔlɔ, wo boloɲa kelen ma, hali m̀ ma kɛ ài fɛlɔ yi ne, ài y'a labato kɔtunun k'a timin a kunfɔlɔ ta la, ka to aiya kisiko dafa ɲaɲininna siyan ni buɲali boloma.

2 Tɛsalonikakalu 1:8

A do kɛtɔ nala taamɛnɛn ne ka Alalɔnbalilu jangata, ani mɔɔ minu yi kolobaliya kɛla mɔ Tii Isa ya Samakan Kein na.

2 Tɛsalonikakalu 2:16

Mɔ Tii Masa Tɔɔmasenin Isa gbu ni mɔ Fa Ala, min na mɔ kanula ka habadan josolajii ni jeisii ɲuma di mɔ ma aa nɛɛma lɔ,

2 Timote 2:10

Wo lɔ, ǹ'i ko bɛ le minala m̀ ma ka bɛn Ala ya mɔɔ taninnu ya ko ma, fɔsa ailu fana yi kisi Masa Tɔɔmasenin Isa sabu la ka habadan magbiliyali sɔlɔn.

Hebululu 1:14

Wo lɔ saa, mɛlɛkalu bɛ tɛ fɔɲɛ le le ani Ala ya bɔidennu, minu kelayanin mɔɔ lakisininnu madɛmɛnko lɔ?

Hebululu 11:40

Kamasɔlɔn Ala tɛɛ vɛ ko jatesii mɔ yɛ min fisayanin, fɔsa mɔɔ wolu ya ko da kana fa ni mɔ fɛ t'a la.

Hebululu 11:8

Nabi Ibulahima ya limaniya le na kɛla sabu le, Ala k'a kili waate min nɔ ko a yi taa jamana dɔ lɔ min natɔ kɛla a kɛɛ le kɔfɛ, a ka Ala kumakan labato. A do ka siya mina ka taa, k'a talan a tɛɛ ma a taaya lɔn.

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

Hebululu 2:10

Fen bɛ bɔnin Ala min nɔ, ani fen bɛ yi je ale min yɛ, a tɛɛ a fɛ ka den siyama fɛ bila aa magbiliyali la. A ka bɛn a ma ka Isa ya ko dafa tɔlɔyalu lɔ, min kɛnin ɲabila le aiya kisiko lɔ.

Hebululu 2:3

ǹu do kɛtɔ mɔ gbanna di vɛ kolatɔn kunna, ni mɔ ka jɔ kisiko makawanin min suu ma? Kisiko min la ka se mɔ Tii bolo kunfɔlɔ le, wo do lamɛnbalu k'a lasawati mɔ yɛ,

Hebululu 9:12

Masa Tɔɔmasenin ma don Lɔhɔlɔma Dingila Bɛlɛbɛlɛ kɔnɔ ka bɛn bani ni nisi bolan jeli bɔnko ma, mafɔ a jɛlɛkanu jeli bɔnko ma, a na min kɛla siɲa kelenpesa le ka ban, ka wo kɛ mɔ kunmaka le kudein.

Hebululu 9:15

Wo le y'a ma, Isa le mɔɔwotɛlɔbɛnba le salatikan kula lɔ, fɔsa mɔɔ minu kilinin Ala bolo, wolu yi habadan balayi sɔlɔn min lahedi tanin. Kamasɔlɔn saya le kɛnin mɔɔlu kunmakako lɔ k'ai bɔ aiya hakɛlu lɔ, ai na minu tala salatikan kunfɔlɔ waate lɔ.

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

Jude 1:21

Ài yi to Ala ya kanundeya lɔ, ài vɛ mɔ Tii Masa Tɔɔmasenin Isa ya henandeya makɔnɔna min yi nala niimaya banbali le.