Hebululu 5:2 - Ala Ya Salatikan Kula Kitabu

² A do yi sene ka kolɔnbalilu ni mɔɔ filininnu lɔmina sɔniyali boloma, kamasɔlɔn ale gbu y'ai ɲɔɔzii fangandan ne le.

Hebululu 5:2 ပူးပေါင်းရင်းမြစ်များ

Luka 22:32

Kɛɛ m̀'ɛ Ala dali i yɛ, fɔsa iya limaniya kana koli. Ni ile do ka seikɔ m̀ ma, i i badenmalu sɛmɛdon.»

2 Kolɛntikalu 11:30

Ni ǹ ka kan ka ǹ jɛlɛ matɔɔ, fɔ ǹ'i ǹ jɛlɛ matɔɔ ǹa fangandanyako le lɔ.

2 Kolɛntikalu 12:5

Wo lɔ, ǹ'i sene ka ǹ jɛlɛ matɔɔ mɔɔ suu wo ya ko lɔ, kɛɛ ǹ tɛnala ǹ jɛlɛ matɔɔla ǹa ko suu suu lɔ, mafɔ ǹa fangandanyako.

Galatiyakalu 4:13

Ài k'a lɔn ǹa jangaloko le ka kɛ sabu le kunfɔlɔ le, ǹ ka se ài fɛlɔ ka Samakan Kein lase ài ma.

Ɛfɛsikalu 4:18

Aiya koɲaye lɔdiviyine, k'ai majaan Ala ya niimaya la, ka bɛn aiya kolɔnbaliya ni aiya josokunja ma.

1 Timote 1:13

Waate lɔ, ǹ tɛɛ a jɛvɛla ka aa mɔɔlu jangata kafaya boloma. Kɛɛ wo bɛ n'a kɛ, a na henandeya jiyala ǹ na, kamasɔlɔn ǹ tɛɛ ko suu wolu kɛla kolɔnbaliya ni limaniyabaliya le lɔ.

Hebululu 12:13

ka siya telenninu ladan ài sennu yɛ, fɔsa minu yi jiila ai tɔɔ ma, wolu sen kana mua, mafɔ ka basi.

Hebululu 2:17

Wo le n'a kɛla, fɔ a tɛɛ kɛ a badenmalu ɲɔɔzii le ko bɛ lɔ, fɔsa a yi kɛ salakalase kuntiiba lanande ni henande le Ala ya baale lɔ, ani ka kɛ mɔɔlu ya julumbulu lɔkotoko sabu le.

Hebululu 2:18

Komi ale gbu ka tɔlɔya aa manɛɛli waate, wo lɔ, a yi sene mɔɔlu madɛmɛnna minu bilanin manɛɛli lɔ.

Hebululu 4:15

Kamasɔlɔn salakalase kuntiiba min tɛ se henala mɔ la maa fangandanya lɔ, wo suu tɛ mɔ bolo, mafɔ maa salakalase kuntiiba fana ma vɛ nɛɛ boloɲa suu bɛ dɔ ma iwo ǹu, kɛɛ a do ma julumbu ta.

Hebululu 7:28

Nabi Musa ya seliya yi adamadennu lasiila salakalase kuntiibaya la, ailu ni aiya fangandanya bɛ, kɛɛ Ala ya kalinnikan min fɔnin seliya wo kɔ, wo le k'a Denkɛ lasii salakalase kuntiibaya la, min ya ko vɛ dafa habadan!

Hebululu 9:7

Kɛɛ salakalase kuntiiba kelenpesa le tɛɛ donna a kɔnɔla filana lɔ siɲa kelen ne san kɔlɔ. A do tɛɛ tɛ donna je ni a ma na kolofen jeli le, fɔsa a tɛɛ wo bɔ salaka le ka bɛn a jɛlɛkanu ya julumbulu ma, ani jama talu, ai na minu tala k'a talan ai m'a lawulilama.

Janguba 5:19

M̀ badenmalu, ni ài dɔ ka fili k'i majaanya tuɲa siya la, ni mɔɔ dɔ k'a laseikɔ k'a bila tuɲa siya kɔkan,

1 Piyɛli 2:25

Kamasɔlɔn ài kɛyine tɛɛ iwo saa tununninu, kɛɛ ài la vɛ seikɔ yi ne saakunnasiiba ma, min y'ài nunakili kunmafɛlɛnba le.