Hebululu 4:2 - Ala Ya Salatikan Kula Kitabu

² Tuɲa le, Samakan Kein la ka se mɔ ma, iwo a la ka se Bani Isilankalu ma teme fuwa lɔ. Kɛɛ ai ka samakan min mɛn, wo ma foi ɲia ai ma, kamasɔlɔn ai m'ai bolo sii a kɔlɔ limaniya boloma.

Hebululu 4:2 ပူးပေါင်းရင်းမြစ်များ

Kɛkolu 13:46

Wo kɛ, Pɔli ni Baanabasi k'ai javi josolagbeleya boloma, ai vɛɛ: «Ala kumakan la tɛɛ ka kan ka se àilu Jahudiyalu le ma kunfɔlɔ le. Komi ài v'i ban a lɔ, ani ka jate ko niimaya banbali bɛnnin tɛ ài ma, wo le n'a mɔ ɲa tiliminna siboloma gbɛlɛlu la.

Kɛkolu 3:26

Wo lɔ, Ala na aa bɔiden tala k'a lana ài ma kunfɔlɔ le, fɔsa a yi balaka don ài lɔ, k'ài kelenkelenna bɛ bɔ àiya siya yonnu kɔkan.»

Lɔmukalu 2:25

Tuɲa le, nafa yi kɛnɛkɛko la ni i ka seliya latelen. Kɛɛ ni i ka seliya tiɲa, iya kɛnɛkɛnin vɛ kɛ kɛnɛkɛbaliya le.

Lɔmukalu 3:3

Kɛɛ ni ai dɔlu ka kɛ lanandeyabali le do? Jalasa wo le kɛtɔ Ala ya lanandeya tiɲala?

1 Kolɛntikalu 13:3

Hali ni ǹ ka m̀ bolofen bɛ di fandannilu ma, ani ka ǹ falikolo di a ɲɛninko lɔ Ala yɛ, ni kanundeya ma kɛ ǹ josokun nɔ, wo tɛnala foi ɲiala m̀ ma.

Galatiyakalu 3:2

Ǹ'a fɛ k'ài maɲininga ko kelen min na, wo le ne: Ài na Nii Sɛnɛyanin sɔlɔnna ka bɛn àiya seliya latelenko le ma, baa ài na Samakan Kein le mɛnna ka limaniya a ma?

Galatiyakalu 3:8

A sɛvɛyine kitabu kɔnɔ kɔlɔkɔlɔ le ko Ala kɛtɔ siboloma gbɛlɛ mɔɔlu jatela telenmande le ka bɛn limaniya le ma. Wo lɔ, Samakan Kein la ka se Ibulahima ma jani wo waate tɛɛ se, ko: «Siboloma bɛ kɛtɔ balaka sɔlɔnna ile le fɛ.»

Galatiyakalu 4:13

Ài k'a lɔn ǹa jangaloko le ka kɛ sabu le kunfɔlɔ le, ǹ ka se ài fɛlɔ ka Samakan Kein lase ài ma.

1 Tɛsalonikakalu 1:5

Kamasɔlɔn mɔ na maa Samakan Kein lasena ài ma mingɛ, wo do ma dan dalɔkuma ma dein, mafɔ a nanin seetiiya le le, ani Nii Sɛnɛyanin ya madɛmɛli, ani lanaya dafanin. Ài do k'a lɔn ne mɔ tɛɛ mɔɔ suu min ne ài tɛma ka bɛn ài nafako ma.

1 Tɛsalonikakalu 2:13

M'i balika bɔla Ala yɛ waate bɛ ka bɛn min ne ma, kamasɔlɔn ài na Ala kumakan mɛnna mɔ da mingɛ, ài ma a jate iwo adamaden kumakan dein, mafɔ ài n'ài bolo siila a kɔlɔ iwo a yi teme bɛlɛbɛlɛ kɛ, min yi Ala kumakan ne. Wo le do yi baalela àilu limaniyamɔɔlu josokun nɔ.

1 Timote 4:8

K'i fali makolo, wo yi nala nafa dɔ le le. Kɛɛ Alaɲasiyanɲɛ yi nala nafa le le boloɲa bɛ ma, kamasɔlɔn a yi mɔɔ madɛmɛnna iya dunuɲalɔtɛɛ le lɔ ani ka balayi lase i ma kiyama.

Hebululu 11:6

Ka bɔ limaniya kɔ, mɔɔ tɛ se diyala Ala yɛ feu. Ni mɔɔ min y'a fɛ k'i masulunya Ala la, fɔ wo tii yi limaniya k'a fɔ ko Ala yi je, ani a yi mɔɔlu balayila minu y'a ɲininna.

Hebululu 3:12

M̀ badenmalu, ài y'ài jando ài jɛlɛ lɔ, alako miliya yon ni limaniyabaliya kana don ài suu suu josokun nɔ, min yi kɛ sabu le k'ài mataa Ɲɛnɛmayatii Ala la.

Hebululu 4:6

Wo le y'a ma, a dɔlu yi je minu kɛtɔ donna nɔningɛ wo lɔ, kɛɛ Samakan Kein la ka se mɔɔ minu ma kɔlɔman ne, wolu ma don ka bɛn aiya kolobaliya le ma.

Janguba 1:21

Wo le y'a ma, ài yi kokɔsɔnin ni dannatimin yon bɛ dabila, k'ài bolo sii Ala kumakan kɔlɔ fanmajii boloma, a na min donna ài josokun nɔ, min yi se k'ài nunakili lakisi.

1 Piyɛli 1:12

A do la ka nkɛnɛmaya ai yɛ k'a fɔ ko ai tɛɛ tɛ kelaya kɛla ai jɛlɛ yɛ, mafɔ àilu. Wo lɔ saa, kelalu tɛɛ kumala ka bɛn ko minu ma, àilu gbu vɛ wo ɲɔɔzii le mɛn yi ne Samakan Kein lasenbalu da, minu tɛɛ kawanili kɛla ài yɛ Nii Sɛnɛyanin sabu la, min lajiinin ka bɔ haijɛnɛ. A lɔɔ yi mɛlɛkalu gbu la ka ko wolu ɲaye.