Hebululu 2:3 - Ala Ya Salatikan Kula Kitabu

³ ǹu do kɛtɔ mɔ gbanna di vɛ kolatɔn kunna, ni mɔ ka jɔ kisiko makawanin min suu ma? Kisiko min la ka se mɔ Tii bolo kunfɔlɔ le, wo do lamɛnbalu k'a lasawati mɔ yɛ,

Hebululu 2:3 ပူးပေါင်းရင်းမြစ်များ

Matiyu 23:33

Àilu sa kɛwonnu! Àilu fɔnfɔnnidennu! Jahanama kolatɔn polotɔle ài ma di wo lɔ?

Matiyu 4:17

Isa ka kawanili damina wo waate le lɔ. A tɛɛ a fɔla mɔɔlu yɛ, a vɛɛ: «Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Malɛkɛ 1:14

Yaya bila kɔ kaso la, Isa ka taa Galile koovi lɔ, a vɛ Ala ya Samakan Kein lasena.

Luka 1:2

iwo mɔɔlu n'a ɲafɔla mɔ yɛ teme, minu na ko wolu yena ai ɲa la ka ta a damina ma, ani minu kelayanin tɛɛ Ala kumakan lasenko lɔ.

Luka 1:69

A na Lakisilikɛba makawanin lanala mɔ ma, ka bɔ aa jɔn Masakɛ Dawuda ya bonna lɔ.

Luka 24:19

A k'ai maɲininga, a vɛɛ: «Ko mindɛlu?» Ai do vɛɛ a yɛ: «Ko minu kɛnin Nazalɛtika Isa la, min tɛɛ kumala ani ka kawanankolu kɛ seetiiya boloma, k'a jiya Ala ni mɔɔlu bɛ ɲakɔlɔ ko kela le tɛɛ a le.

Yohana 15:27

Àilu gbu kɛtɔ m̀ masele le, kamasɔlɔn ài vɛ to ǹ fɛ ka ta a damina ma.»

Kɛkolu 1:22

ka damina a mako waate ma Yaya bolo, haan fɔɔ a kɔlɔ ka ta mɔ tɛma lon min na. Wo tii yi kɛ sele dɔ le mɔ fɛ ka bɛn mɔ Tii Isa lawuliko ma ka bɔ saya lɔ.»

Kɛkolu 2:22

Piyɛli vɛɛ kɔtunun: «Àilu Bani Isilankalu, ài y'ài tolomalɔ ǹ kumakan na. Isa Nazalɛtika tɛɛ mɔɔ le le, min tɛɛ kawanankolu ni ko makawaninnu ni tɔɔmaselu kɛla ài tɛma Ala ya seetiiya lɔ k'a lagbɛ ài yɛ ko Ala na diɲala ale le ma, iwo àilu gbu k'a lɔn teme.

Kɛkolu 4:12

Mɔɔlu tɛ se kisila boloɲa gbɛlɛ ma, fɔ ale kelenpesa, kamasɔlɔn Ala ma tɔɔ gbɛlɛ fɔ adamadennu yɛ dunuɲa, m'i kisi min fɛ.»

Lɔmukalu 11:14

fɔsa keleya yi ǹ jɛlɛkanu mɔɔlu mina, tumadɔ wo yi kɛ ai dɔlu kisiko sabu le.

Lɔmukalu 2:3

Ile adamaden min yi ko suu wolu kɛbalu kitila k'a talan ile gbu sen yi ko wolu lɔ, jalasa a y'i kɔnɔ ko Ala ya kolatɔn polotɔle i ma?

1 Kolɛntikalu 1:21

Ala k'a latɛɛ aa hangilimaya lɔ ko dunuɲa ni aa hangilimaya bɛ, a ma se Ala lɔnna a jɛlɛkanu ya hangilimaya fɛ. Kɛɛ a do ka diya Ala yɛ ka a malimaniyamɔɔlu lakisi ka bɛn kawanili wo ma, dunuɲamɔɔlu yi min jatela hangilindanya kuma le.

1 Tɛsalonikakalu 5:3

Mɔɔlu vɛ kɛla a fɔla waate min nɔ ko kolu vɛ bɛn ani tɔlɔya tɛ je butu, wo waate kelen ne, masuwako kɛtɔ balala ai lɔ, iwo tinkɔnɔdimin yi balala kɔnɔma lɔ teme. Wo do tɛnala polola ai ma feu!

1 Timote 1:15

Kuma min yi tuɲa le le, bɛ ka kan k'a bolo sii min kɔlɔ feu: Masa Tɔɔmasenin Isa nanin dunuɲa kɔnɔ julumbutɔlu lakisiko le lɔ, ado ǹ taanin kɛla wolu bɛ lɔ mɔɔ kɛwon ne le.

Tite 2:11

Kamasɔlɔn Ala ya nɛɛma la vɛ nkɛnɛmaya, min yi nala kisiko le adamaden bɛ yɛ.

Hebululu 1:1

Kɔlɔkɔlɔ le, Ala ka kuma mɔ bemanu yɛ kelalu lɔ boloɲa siyama ma ani siɲa siyama le.

Hebululu 1:14

Wo lɔ saa, mɛlɛkalu bɛ tɛ fɔɲɛ le le ani Ala ya bɔidennu, minu kelayanin mɔɔ lakisininnu madɛmɛnko lɔ?

Hebululu 1:2

Kɛɛ waate laban min nɔ, a vɛ kuma mɔ yɛ a Denkɛ le lɔ, a na kuntiiya latɛɛla min ma aa dannifen bɛ kunna, a do na dunuɲa ladanna min sabu la.

Hebululu 12:25

Wo le y'a ma, ài y'alama, ài k'i ban wo lɔ min yi kumala yi ne. Mɔɔ minu k'i ban ai laliba lɔ dunuɲa, ni kolatɔn ma polo wolu ma, wo vɛ kɛla, ǹu do? Jalasa kolatɔn yi polole mɔ ma, ni mɔ k'i ban wo lɔ min yi mɔ lalila ka bɔ haijɛnɛ?

Hebululu 4:1

Komi Ala vɛ ban lahedi wo tala ko m'i sene donna aa nɔningɛ lɔ, wo le y'a ma, ài m'i jando mɔ jɛlɛ lɔ, alako mɔ suu suu kana koli a sɔlɔnko la.

Hebululu 4:11

Wo ma, ài m'i lɔja ka don nɔningɛ wo lɔ, fɔsa mɔ suu suu kana koli ka bɛn kolobaliya wo suu ma.

Hebululu 5:9

Aa ko da ka fa mingɛ boloɲa min ma, a ka kɛ habadan kisiko sabu le a kannabatobalu bɛ yɛ,

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

1 Yohana 1:1

M̀'i min lasena ài ma, wo le niimaya kuma le, min tɛɛ je ko bɛ damina lɔ, mɔ na min mɛnna, ka min ye mɔ ɲa la k'a lasaa, ani mɔ bolo vɛ tuu min na.

Jude 1:17

Kɛɛ àilu, ǹ diyananmɔɔlu koni, ài y'ài hangili to kelayakumalu lɔ, minu fɔnin kɔlɔman ne mɔ Tii Masa Tɔɔmasenin Isa ya keladennu bolo.

Ko Lankɛnɛmayanin 7:10

Ai do tɛɛ a fɔla kan ba lɔ, ai vɛɛ: «Kisiko bɔnin mɔ Tii Ala le fɛ min siinin masayasiifen nɔ, ale ni Saa Bolan!»