Hebululu 11:3 - Ala Ya Salatikan Kula Kitabu

³ Maa limaniya le kɛnin sabu le, mɔ v'a ɲaye ko Ala ka dunuɲa ladan a kumakan ne le. Wo le n'a kɛla, fen yentalu ladannin ka bɔ fen yenbalilu le lɔ.

Hebululu 11:3 ပူးပေါင်းရင်းမြစ်များ

Yohana 1:3

Fen bɛ la ka dan ale le sabu la, hali fen kelen gbu ma dan a kɔ.

Kɛkolu 14:15

«Kɛ́lu, mindɛ lɔ ài yi ko suu min kɛla yi ne? Ǹu gbu yi mɔɔnivin ne le iwo àilu. Mɔ bɛ yi suu kelen ne le. Mɔ nanin Samakan Kein ne lasena ài ma, fɔsa ài yi kofuun minu to je ka Ɲɛnɛmayatii Ala bato, min na sangbolo ni duukolo ni kɔɔji ladanna ani ai kɔnɔlɔfen bɛ.

Kɛkolu 17:24

Ala min na dunuɲa ni a kɔnɔlɔfen bɛ ladanna, wo le yi sangbolo ni duukolo Tii le. Adamadennu yi batobon minu lɔla ai bolo la, Ala t'i siila wo suu suu kɔlɔ.

Lɔmukalu 4:17

A do sɛvɛnin tan ne kitabu kɔnɔ, ko: «M̀'ɛ i kɛ siboloma siyama bema le.» Ibulahima yi mɔ bema le le Ala ɲakɔlɔ, a limaniyanin tɛɛ min ma, Ala min yi niimaya dila fulenilu ma, ani min yi fennu ladanna minu la tɛɛ ma dan ba.

1 Kolɛntikalu 2:7

Ǹu do yi Ala ya hangilimaya le lasena, min kɛnin aa gbonoko doonnin ne, a na min latɛɛla jani dunuɲa tɛɛ dan maa magbiliyali sɔlɔnko lɔ.

1 Timote 4:5

kamasɔlɔn a la vɛ sɛnɛya Ala kumakan ni Aladali sabu la.

Hebululu 1:2

Kɛɛ waate laban min nɔ, a vɛ kuma mɔ yɛ a Denkɛ le lɔ, a na kuntiiya latɛɛla min ma aa dannifen bɛ kunna, a do na dunuɲa ladanna min sabu la.

Hebululu 6:5

ka Ala kumakan diyaya lɔn, ani ka dunuɲa natɔ fangakolu mafɛlɛn,

2 Piyɛli 3:5

Mɔɔ wolu y'a lawulilama le ka ɲina tuɲa min kɔ, k'a fɔ ko kɔlɔkɔlɔ le, Ala ka sangbolo ladan, ka duukolo ni ji wotɛbɔ i ɲɔɔ na, ani ka duu jalan labɔ ji tɛma a kumakan ne sabu la.

Ko Lankɛnɛmayanin 4:11

«Maa Faama ani mɔ Tii Ala, ile ni magbiliyali ni buɲali ni seetiiya le kaannin. Kamasɔlɔn ile le na fen bɛ danna, ado fen bɛ dannin ani fen bɛ yi je ka bɛn i sawonanko le ma.»