Hebululu 1:3 - Ala Ya Salatikan Kula Kitabu

³ Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.

Hebululu 1:3 ပူးပေါင်းရင်းမြစ်များ

Matiyu 22:24

«Kalanmɔɔ, Nabi Musa n'a fɔla ko ni kɛ́ dɔ ka sa, a ma den to a kɔ, a dɔɔkɛ le ka kan ka kɛsamoso wo fulu, fɔsa a yi den sɔlɔn a kɔlɔkɛ yɛ.

Malɛkɛ 16:19

Mɔ Kuntii Isa ka ban wo fɔla ai yɛ mingɛ, a kɔlɔ ka ta ka taa haijɛnɛ k'i sii Ala bolokini fannɔ.

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 1:29

Wo kɛnɛbɔlon, Yaya ka Isa natɔla ye a ma k'a fɔ, a vɛɛ: «Ài ɲa kaa! Ala ya Saa Bolan ne ve le, min yi julumbu bɔla dunuɲamɔɔlu ma.

Yohana 1:4

Niimaya yi sɔlɔnna ale le fɛ, ado niimaya wo na kɛla kɛnɛya le adamadennu yɛ.

Kɛkolu 2:33

Komi ale Isa kɔlɔtanin k'a sii Ala bolokini fannɔ, ani a Fa na lahedi tala a yɛ ka bɛn Nii Sɛnɛyanin ma, wo lɔ, a na ko minu lajiila, ài ɲa yi minu la yi ne ani ài tolomalɔnin minu ma yi ne.

Kɛkolu 7:56

A do vɛɛ: «A ye! M̀'ɛ haijɛnɛ dalakanin ye, ka Mɔɔnivin Tanin lɔnin ye Ala bolokini fannɔ.»

Lɔmukalu 1:16

Ǹ tɛ maloyala Samakan Kein ya ko lɔ, kamasɔlɔn Ala ya seetiiya le wo le min yi nala kisiko le Isa malimaniyamɔɔlu bɛ yɛ, ka damina Jahudiyalu ma ani siboloma gbɛlɛ mɔɔlu fana.

Lɔmukalu 8:34

Jene yi se ai jobaliyala? Kamasɔlɔn Masa Tɔɔmasenin Isa le na sala. K'a dɔ la wo kɔkan, a lawulinin ka bɔ saya lɔ. A do siinin Ala bolokini fannɔ, a vɛ mɔ masolonali minala Ala ma.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

Kɔlɔsikalu 3:1

Ni àilu ni Masa Tɔɔmasenin la vɛ wuli ka bɔ saya lɔ kelen ne, wo lɔ, ài yi haijɛnɛkolu ɲaɲinin, Masa Tɔɔmasenin siinin tɛɛminja Ala bolokini fannɔ.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 1:13

Ado mɛlɛka mindɛ le yi je, Ala n'a fɔla min yɛ, ko: «Na i sii m̀ bolokini fannɔ, haan fɔɔ m̀'ɛ banna i juulu lala i sen kɔlɔ»?

Hebululu 10:12

Kɛɛ Masa Tɔɔmasenin ban kɔ salaka kelenpesa bɔla ka bɛn julumbulu ma, a k'i sii Ala bolokini fannɔ habadan,

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

Hebululu 4:14

Komi salakalase kuntiiba yi mɔ bolo min vɛ jɛlɛ haan fɔɔ sangbolo dingilalu lɔ, min kɛnin Ala Denkɛ Isa le, wo lɔ, ài m'i mɔ bolo kɛ maa limaniya la kpekpe, mɔ lɔnin min na.

Hebululu 7:27

A mako t'a la iwo dɔ salakalase kuntiibalu y'a kɛla teme, ka kolofen salaka bɔ tele o tele ka bɛn ai jɛlɛkanu ya julumbulu ma kunfɔlɔ le, jani ai y'a dɔ bɔ jama ya ko lɔ, kamasɔlɔn a na wo kɛla siɲa kelen ne le ka ban, a na a jɛlɛ bɔla salaka le waate min nɔ.

Hebululu 8:1

Maa kuma bɛ kun yi min ne, wo le ne: Salakalase kuntiiba wo suu yi mɔ bolo, min siinin Masa Kɔlɔtaninba ya masayasiifen bolokini fannɔ haijɛnɛ,

Hebululu 9:16

Ni kɛɛtasɛvɛ la ka dan, fɔ seleya yi kɛ je min y'a jiya ko mɔɔ min na sɛvɛ wo ladanna, wo tii vɛ sa.

Hebululu 9:26

Ni wo tɛ kɛ, a tɛɛ tɔlɔya masɔlɔnne siɲa siyama le ka ta dunuɲa dan waate ma. Kɛɛ dunuɲa laban waate min nɔ yi ne, a vɛ na siɲa kelen ne le ka ban, fɔsa a yi julumbu ban ka bɛn salaka ma, a na a jɛlɛ bɔla min ne.

1 Piyɛli 1:21

Ale le kɛnin àiya limaniya sabu le Ala ma, min n'a lawulila ka bɔ saya lɔ ka magbiliyali di a ma, fɔsa àiya limaniya ni ài jeisii yi kɛ Ala le.

1 Piyɛli 3:22

ale min jɛlɛnin ka taa haijɛnɛ k'i sii Ala bolokini fannɔ, mɛlɛkalu ni kuntiilu ni fangatiilu majiinin vɛ a kɔlɔ.

2 Piyɛli 1:16

Mɔ n'ài lalɔnnila mɔ Tii Masa Tɔɔmasenin Isa nalon makawanin na waate min nɔ, mɔ bolomalanin tɛɛ tɛ tali fuunnu ma, mɔ na minu lɔbɛnna mɔ kunfɛ kewuya boloma, mafɔ ǹu gbu le na kɛla sele le ka mɔ ɲa la a nɔɔlɔ kɔkan.

2 Piyɛli 1:17

Kamasɔlɔn a na buɲa ni magbiliyali sɔlɔnna mɔ Fa Ala la waate min nɔ, kumakan dɔ ka bɔ Masa Fonisele fɛ k'a fɔ a yɛ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale.»

1 Yohana 1:7

Kɛɛ ni mɔ ka kɛ kɛnɛyalɔkolu kɛla, iwo Ala gbu yi kɛnɛya lɔ teme, kafonɲɔɔya le kɛtɔ kɛla mɔ wotɛ, ado a Denkɛ Isa jeli yi mɔ lasɛnɛyale ka maa julumbulu bɛ bɔ mɔ ma.

1 Yohana 3:5

Ài k'a lɔn ko Isa la na nkɛnɛmayala fɔsa a yi maa julumbulu bɔ mɔ ma, ado julumbu foi tɛ ale ma.

Jude 1:25

Tanuli yi Ala kelenpesa le yɛ, min na mɔ lakisila mɔ Tii Masa Tɔɔmasenin Isa sabu la. Magbiliyali ni kamalangeya ni seetiiya ni kuntiiya y'a yɛ jani dunuɲa tɛɛ dan, tandainɔ, ani habadan! Amiina!

Ko Lankɛnɛmayanin 3:21

Ni mɔɔ min ka see sɔlɔn, ǹ kɛtɔ wo tii lasiila ǹ dafɛ ǹa masayasiifen nɔ, iwo ǹ na see sɔlɔnna teme ka ǹ sii ǹ Fa dafɛ aa masayasiifen nɔ.

Ko Lankɛnɛmayanin 4:11

«Maa Faama ani mɔ Tii Ala, ile ni magbiliyali ni buɲali ni seetiiya le kaannin. Kamasɔlɔn ile le na fen bɛ danna, ado fen bɛ dannin ani fen bɛ yi je ka bɛn i sawonanko le ma.»