Galatiyakalu 2:2 - Ala Ya Salatikan Kula Kitabu

² Ǹ ka taa je kamasɔlɔn Ala gbu tɛɛ v'a jiya ǹ na ko ǹ'i taa. Ǹ tɛɛ Samakan Kein min lasena siboloma gbɛlɛ mɔɔlu ma, ǹ ka wo dandɛɛli kɛ jama ɲamɔɔlu yɛ ai ta fan, fɔsa ǹ'i baale min na, ani ǹ tɛɛ min na kɔlɔman ne, wo kana kɛ kofuun ne.

Galatiyakalu 2:2 ပူးပေါင်းရင်းမြစ်များ

Matiyu 10:16

«Ǹ'ài kelayala ka kɛ iwo saa minu bilanin soofalilu tɛma. Wo ma, ài hangili yi sii, iwo sa hangili siinin teme. Ài kɛko ma yi fa, iwo poponi mafanin teme.

Kɛkolu 15:12

Jama bɛ jedennin ka to k'ai tolomalɔ Baanabasi ni Pɔli la, wolu vɛ dandɛɛli kɛla ka bɛn tɔɔmase ni kawanankolu ma, Ala na minu kɛla ai fɛ siboloma gbɛlɛ mɔɔlu tɛma.

Kɛkolu 15:2

Wo lɔ, sɔsɔyali ba ka don kalanmɔɔ wolu ani Pɔli ni Baanabasi wotɛ. Wo le k'a kɛ, limaniyajama ka Pɔli ni Baanabasi ta, ani ai lɔ mɔɔ dɔlu, k'ai bɛ lataa Jelusalɛmu fɔsa ai yi ko min lase keladennu ni ɲamɔɔlu ma.

Kɛkolu 15:4

Ai ka se mingɛ Jelusalɛmu, limaniyajama ni keladennu ni ɲamɔɔlu k'ai bolo sii ai kɔlɔ. Pɔli nu do ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ.

Kɛkolu 18:9

Lon dɔ su lɔ, mɔ Tii ka ko dɔ lajɛlɛ Pɔli ɲa ma, a do vɛɛ a yɛ: «I kà siyan, i yi to kumala. I do kà jeden,

Kɛkolu 23:11

Wo lon su lɔ, mɔ Tii k'i lɔ Pɔli dafɛ k'a fɔ a yɛ, a vɛɛ: «I josolagbeleya. I na seleya dila ka bɛn m̀ ma teme Jelusalɛmu, i ka kan ka a di ten ne Lɔmu fana.»

Kɛkolu 5:34

Kɛɛ Falisi kɛ́ dɔ tɛɛ je, min tɔɔ tɛɛ ko Gamaliyɛli. Seliya kalanmɔɔ le tɛɛ a le, mɔɔ bɛ tɛɛ min buɲala. A k'i lɔ jama tɛma k'ai lɔ keladennu labɔla banama waateni kɔlɔ.

Lɔmukalu 9:16

Wo lɔ saa, Ala ya mɔɔtako jusiinin tɛ adamadennu sawonanko kɔkan, niwotɛ ai kɛkolu, mafɔ Ala ya henandeya.

1 Kolɛntikalu 1:23

Kɛɛ Masa Tɔɔmasenin gbaanko kɔlɔman ma, m'i wo le kawanili kɛla. Wo do kɛnin kunnɔtɛɛko le le Jahudiyalu ɲakɔlɔ, ani ka kɛ kofuun ne siboloma gbɛlɛ mɔɔlu ɲakɔlɔ.

1 Kolɛntikalu 2:2

Ǹ tɛɛ ài tɛma waate min nɔ, ǹ k'a latɛɛ ko ǹ kà ko gbɛlɛ lɔn, mafɔ Masa Tɔɔmasenin Isa dein, ani a sako kɔlɔman ma.

1 Kolɛntikalu 9:24

Ài k'a lɔn ne ko mɔɔ minu yi bɔli kɛla i ɲɔɔ fɛ, wolu bɛ le yi bɔlila, kɛɛ ai lɔ mɔɔ kelen ne yi jazali sɔlɔnna, kɛlɛ? Àilu fana yi bɔli ten fɔsa ài yi jazali sɔlɔn.

1 Kolɛntikalu 9:26

Wo le y'a kɛla, ǹ tɛ ǹ bɔlila ǹ kunfɛ. Ǹ'i sɛɛ le kɛla iwo gbuunnikɛba, kɛɛ ǹ tɛ m̀ bolo lafilila fuun.

2 Kolɛntikalu 12:1

Fɔ ǹ'i to ǹ jɛlɛ matɔɔla, hali nafa ma kɛ ǹa matɔɔli la. Mɔ Tii na ko minu lajɛlɛla ǹ ɲa ma, ani a na ko minu lankɛnɛmayala ǹ yɛ, ǹ kɛtɔ wolu le ɲafɔla ài yɛ.

Galatiyakalu 1:12

M̀ m'a sɔlɔn mɔɔ suu suu la, ado mɔɔ mɔɔ ma ǹ kalan a la, kɛɛ Masa Tɔɔmasenin Isa gbu le na a lankɛnɛmayala ǹ yɛ.

Galatiyakalu 1:16

ka a Denkɛ lankɛnɛmaya ǹ yɛ, fɔsa ǹ'aa ko lase siboloma gbɛlɛ mɔɔlu ma. Wo ka kɛ mingɛ, m̀ ma hangili ɲinin mɔɔ foi la.

Galatiyakalu 1:6

M̀'ɛ tɛɛnɛ àiya ko la, kamasɔlɔn Ala min n'ài kilila ka bɛn Masa Tɔɔmasenin ya nɛɛma ma, ài vɛ ài kɔdon a la jona ka bila ko gbɛlɛ kɔ, ai y'a fɔla min ma ko samakan kein.

Galatiyakalu 2:6

Kɛɛ mɔɔ minu kɛnin tɛɛ iwo jama ɲamɔɔlu, wolu ma foi la ǹ kun wo kɔ. Ni do mɔɔlu tɛɛ ai jatela ɲamɔɔlu le le, ǹa ko pa tɛ wo lɔ, kamasɔlɔn Ala tɛ mɔɔ lɔtɔmɔnna.

Galatiyakalu 2:9

Janguba ni Piyɛli ni Yohana, ai tɛɛ minu yena ɲamɔɔ balu le koni, wolu k'a ɲaye ko Ala le na ǹ kilila keladenya kanma aa nɛɛma lɔ. Wo le k'a kɛ, ai k'ai bolo la ǹe ni Baanabasi tɛɛ la, k'a jiya ko mɔ bɛ yi baalekɛɲɔɔma le le. Mɔ do ka bɛn a ma ko m'i taa siboloma gbɛlɛlu fɛlɔ, ailu yi taa Jahudiyalu fɛlɔ.

Galatiyakalu 5:7

Ài tɛɛ bɔlila limaniya siya kɔkan kobɛn. Jene n'ài lalɔla, k'ài lakoli tuɲa labatoko ma?

Filipikalu 2:16

k'ài bolo kɛnin to kpekpe niimaya kuma la. Wo vɛ kɛla, Masa Tɔɔmasenin nalon vɛ sena, ǹ ɲalɔ yi kɛnɛyale àiya ko lɔ, kamasɔlɔn ǹa baale ni ǹa sɛyɛ tɛnala kɛla kofuun ne.

Filipikalu 2:29

Wo lɔ, a vɛ sena ài fɛlɔ, ài y'ài bolo sii a kɔlɔ sawa ba boloma mɔ Tii tɔɔ lɔ. A bɛnyine ài yi mɔɔ min suu buɲa,

1 Tɛsalonikakalu 3:5

Wo le y'a ma, ǹ tɛɛ tɛ se a minala m̀ ma mingɛ, ǹ na Timote lataala ài ma k'a lɔn àiya limaniya yi teme. Kamasɔlɔn ǹ tɛɛ siyanna k'a fɔ ko Soitana vɛ ài manɛɛ boloɲa dɔ ma, ka maa baale kɛ kofuun ne.

2 Timote 4:7

M̀'ɛ kɛlɛ ɲuma kɛ. Ado ǹ tɛɛ bɔli min na, m̀'ɛ se a dan ma ka m̀ bolo kɛnin to limaniya la.

Hebululu 12:1

Komi mɔ lamininnin sele jama ba suu min ne, wo le y'a ma, ài m'i ko bɛ to je min yi mɔ lasumayala ani julumbu minu ta diyanin mɔ bolo, fɔsa m'i se bɔli manɔla min latɛɛnin mɔ ma,