Filipikalu 2:3 - Ala Ya Salatikan Kula Kitabu

³ Ài kà ko ko si kɛ jɛlɛlafisaya boloma niwotɛ fannɔbaya, mafɔ ài y'ài fanmajii ka dɔlu ta iwo ai fisayanin vɛ ài le.

Filipikalu 2:3 ပူးပေါင်းရင်းမြစ်များ

Lɔmukalu 12:10

Ài i ɲɔɔ kanu badenmaya boloma, k'i ɲɔɔ buɲa ka timin ài jɛlɛ la.

Galatiyakalu 5:26

Mɔ kà fannɔbaya kɛ, ka baa i ɲɔɔ ma, ani k'i ɲɔɔ ɲangbeya.

Ɛfɛsikalu 5:21

Ài fanmajii i ɲɔɔ yɛ Masa Tɔɔmasenin ɲasiyanɲɛ boloma.

Ɛfɛsikalu 4:2

Ko bɛ lɔ, ài y'ài fanmajii, k'ài sɔniya, ani k'ài sawali. Àiya kolu yi kun i ɲɔɔ nɔ kanundeya boloma.

1 Piyɛli 5:5

Wo boloɲa kelen ma, àilu fɔningelu y'ài fanmajii kɛmɔbalu yɛ. Ài bɛ i ɲɔɔ madɛmɛn fanmajii boloma, kamasɔlɔn a sɛvɛnin kitabu kɔnɔ, ko: «Ala yi mɔɔ fannɔbalu le kɛlɛla, kɛɛ a yi nɛɛma le dila mɔɔ fanmajiininnu ma.»

Filipikalu 2:14

Ài vɛ ko ko si kɛla, ài kà a kɛ dakɔlɔkuma le niwotɛ sɔsɔyali,

Galatiyakalu 5:15

Kɛɛ do, ni ài ka kɛ i ɲɔɔ kinna k'i ɲɔɔ lɔfalafala, ài y'alama ài kana ài ɲɔɔ siyasa.

1 Timote 6:4

wo vɛ kɛla, wo tii v'a fannɔbuɲa, a do ma foi lɔn. Wo ma, sɔsɔyali diyayine a yɛ, ani sɔɔnsɔɔn ka bɛn kumalu kɔlɔ ma. Ko minu yi nala keleya ni falanɲɔɔya le, ani tɔɔtiɲali, ani miliya yon,

Luka 18:14

Isa vɛɛ: «Ǹ'a fɔ ài yɛ, niisɔɔnminaba ka taa luu ma, k'a talan Ala v'a jate telenmande le, kɛɛ wo ɲɔɔzii ma kɛ dɔ wo yɛ. Kamasɔlɔn mɔɔ mɔɔ v'a fannɔbuɲala, wo tii ma yi jiile. Kɛɛ ni mɔɔ min k'a fanmajii, wo tii kɔlɔ yi tale.»

Kɔlɔsikalu 3:8

Kɛɛ tandainɔ yi ne, fɔ ài yi ko minu bɛ dabila butu: josobɔ, mɔnɛ, kɔnɔlɔgbeya, tɔɔtiɲali, ado malobaliya kuma kà bɔ ài da.

2 Kolɛntikalu 12:20

M̀'ɛ siyan k'a fɔ ko ni ǹ ka taa ài fɛlɔ, ǹ kɛtɔ ài talanna boloɲa dɔ ma min tɛnala bɛnna m̀ ma. Ado àilu fana kɛtɔ ǹ yena boloɲa dɔ ma min tɛnala bɛnna ài ma. M̀'ɛ siyan k'a fɔ ko ǹ kɛtɔ sɔsɔyali talanna ài tɛma, ani keleya ni josobɔ ni jɛlɛlafisaya ni tɔɔtiɲali ni mafɔli ni fannɔbaya ani sɔɔnsɔɔn.

1 Kolɛntikalu 3:3

kamasɔlɔn dunuɲamɔɔlu dajoo le y'ài la bene. Komi keleya ni bɛnbaliya y'ài tɛma, jalasa wo t'a jiyala ko dunuɲamɔɔlu dajoo le ài la, ani ài yi taamana iwo adamaden jɛlɛla?

1 Kolɛntikalu 15:9

Kamasɔlɔn ǹe le keladen bɛ lɔ dɔɔmanda le. Hali k'a fɔ m̀ ma ko keladen, ǹe ni wo kaannin tɛ, kamasɔlɔn ǹ na Ala ya limaniyajama jangatala.

Lɔmukalu 13:13

Ài m'i taama mɔɔsɔvɛya boloma iwo m'i taamana teme tele gba la. Ài m'i mɔ jɛlɛ matanga dannatimin tolonnu ma, ani gbɛtɔya, ani kanukɛko, ani malobaliya, ani sɔsɔyalilu, ani keleya.

Lɔmukalu 2:8

Kɛɛ do, mɔɔ minu gbalanin ai jɛlɛ kunko le ani minu tɛ tuɲandeya labatola, mafɔ ka telenbaliya labato, Ala ya mɔnɛya ni aa josolakuna wulitɔ mɔɔ suu wolu le kanma.

Kɔlɔsikalu 3:12

Komi Ala n'ài tala k'ài kɛ a diyananmɔɔ sɛnɛyaninnu le, wo lɔ, ài yi dajoo kula ta ka kɛ maɲumande le, ani mɔɔ ɲuma, ani mɔɔ fanmajiinin, ani mɔɔ mafanin, ani mɔɔ sawalinin.

1 Piyɛli 3:8

Ka ǹa kuma laban: Ài yi kɛ miliya kelen nɔ, ài yi kɛ i ɲɔɔ fɛ ko bɛ lɔ, ài ɲɔɔ kanu iwo badenmalu, ài ɲɔɔ maɲumaye, ani ài y'ài fanmajii i ɲɔɔ yɛ.