Ɛfɛsikalu 6:23 - Ala Ya Salatikan Kula Kitabu

²³ Josolajii yi kɛ mɔ badenma bɛ yɛ, ani kanundeya ni limaniya, ka bɔ mɔ Fa Ala ni mɔ Tii Masa Tɔɔmasenin Isa bolo.

Ɛfɛsikalu 6:23 ပူးပေါင်းရင်းမြစ်များ

Yohana 14:27

«Ǹ'i josolajii le tola ài bolo, ǹa josolajii, ǹ'i wo le donna ài bolo. Ǹ t'a dila ài ma iwo dunuɲa y'a dila teme. Ài joso kà tɔlɔ, ài do kà siyan.

Lɔmukalu 1:7

Àilu minu yi Lɔmu so kɔnɔ, Ala na minu kanula k'ài kili k'ài kɛ mumininnu le, ǹ'i lɛtɛlɛ min sɛvɛla ài bɛ le ma. Mɔ Fa Ala ni mɔ Tii Masa Tɔɔmasenin Isa ya nɛɛma yi kɛ ài yɛ, k'ài josolajii.

Lɔmukalu 15:33

Ala min yi josolajii dila, wo yi to ài bɛ fɛ. Amiina.

1 Kolɛntikalu 1:3

Mɔ Fa Ala ni mɔ Tii Masa Tɔɔmasenin Isa ya nɛɛma yi kɛ ài yɛ k'ài josolajii.

2 Kolɛntikalu 13:11

Mɔ badenmalu, a tonin min ma, wo le ne: Ài yi sawa, k'ài lɔja ka kɛ mɔɔ dafanin ne, k'i ɲɔɔ sɛmɛdon, k'ài bɛn a lɔ, ka josolajii ladon i ɲɔɔ wotɛ. Wo vɛ kɛla, Ala min yi kanundeya ni josolajii dila, wo kɛtɔ tola ài tɛma.

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Galatiyakalu 6:16

Hɛlɛ ni hena yi kɛ mɔɔ bɛ yɛ minu yi siya min lataamana, ani Ala ya Bani Isilankalu.

Ɛfɛsikalu 6:24

Mɔɔ minu yi mɔ Tii Masa Tɔɔmasenin Isa kanula kanundeya banbali le, Ala ya nɛɛma yi kɛ wolu bɛ yɛ.

1 Tɛsalonikakalu 5:8

Kɛɛ komi m'i telelɔmɔɔ le le, wo lɔ, ài m'i mɔ jɛlɛ lɔmina. Ài m'i mɔ jɛlɛ lɔbɛn, ka limaniya ni kanundeya kɛ iwo sisimakalanfen, ani ka kisiko kɛ mɔ jeisii le, iwo nɛɛ fula.

2 Tɛsalonikakalu 1:3

Mɔ badenmalu, a bɛnyine m'i kɛ Ala balika bɔla waate bɛ àiya ko lɔ, kamasɔlɔn àiya limaniya yi wala kan bɛlɛbɛlɛ kɛ, a dɔ le yi lala àiya ɲɔɔkanu kɔkan kudein.

2 Tɛsalonikakalu 3:16

Mɔ Tii gbu min yi josolajii dila, wo y'ài josolajii waate bɛ, boloɲa bɛ ma. Mɔ Tii yi to ài bɛ fɛ.

1 Timote 1:14

Mɔ Tii na ǹ sɔla aa nɛɛma sɔ bɛlɛbɛlɛ kɛ, ka limaniya ni kanundeya di m̀ ma minu yi sɔlɔnna Masa Tɔɔmasenin Isa ya kafonɲɔɔya lɔ.

1 Timote 1:3

Iwo ǹ n'a fɔla i yɛ k'a magbeleya teme ǹ taa waate Masaduwani koovi lɔ, fɔ i yi to Ɛfɛsi so kɔnɔ fɔsa i yi mɔɔ dɔlu jamali k'a fɔ ko ai yi faɲafɔ kalanko dabila.

1 Timote 5:8

Ni mɔɔ min m'i lɔja a balamɔɔlu lasonko ma, ani a jɛlɛkanu demaya bɛlɛbɛlɛ le, wo vɛ kɛla, wo tii ma v'i ban limaniya lɔ, ado mɔɔ suu wo kɛwonyanin vɛ ka timin limaniyabali la.

1 Piyɛli 5:14

Ài i ɲɔɔ fo kanundeya boloma. Josolajii yi kɛ ài bɛ yɛ, àilu minu yi Masa Tɔɔmasenin ya kafonɲɔɔya lɔ.

3 Yohana 1:14

Ǹ jii yi ǹ nako ma i fɛlɔ jona, ado mɔ kɛtɔ kumala ɲa ni ɲa.

Ko Lankɛnɛmayanin 1:4

Ǹe Yohana le yi sɛvɛ min lataala limaniyajama wolowulan ma minu yi Esiya koovi lɔ. Nɛɛma ni josolajii yi kɛ ài yɛ ka bɔ Ala fɛ, ale min yi je, ani ale min tɛɛ je, ani ale min natɔ kɛla je, ani ka bɔ nii wolowulan fɛ minu aa masayasiifen kɛɛna.