Ɛfɛsikalu 6:11 - Ala Ya Salatikan Kula Kitabu

¹¹ Ài y'ài masili Ala ya kɛlɛkɛfennu bɛ le, fɔsa ài yi se ài lɔla Soitana ya ko lɔbɛnninu ɲa teme.

Ɛfɛsikalu 6:11 ပူးပေါင်းရင်းမြစ်များ

Malɛkɛ 13:22

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ni kawanankolu kɛla, fɔsa Ala ya mɔɔ taninnu la yi fili, ni wo ka se kɛla.

Lɔmukalu 13:12

Su vɛ jaanfa, kɛnɛ bɔtɔle. Wo le y'a ma, ài m'i divilɔkolu dabila ka telelɔkolu ta k'ai kɛ maa kɛlɛkɛfennu le.

Lɔmukalu 13:14

Ài yi mɔ Tii Masa Tɔɔmasenin Isa dajoo ta ài jɛlɛ yɛ. Ài do k'ài sɔnja ài falikolo le butu ka bɛn a niikanukolu ma.

1 Kolɛntikalu 10:13

Lɔsumani suu suu ma ài lasɔlɔn ba bene, mafɔ min suu deinin adamadennu lasɔlɔnna. Ala do yi lanande le le. A tɛnala diɲala ài lɔ yi suma ka gban ài senko kan. Kɛɛ ni ài lɔ ka suma, Ala kɛtɔ ài bɔɲa jiyala ài la fɔsa ài yi se lɔsumani wo minala ài ma teme.

2 Kolɛntikalu 10:4

Kamasɔlɔn maa kɛlɛkɛfennu tɛ dunuɲa ta ɲɔɔzii le, mafɔ Ala ya kɛlɛkɛfen fangamalu, see yi minu yɛ ka kɛlɛkunkɔlɔbɛn jiinnu laben,

2 Kolɛntikalu 11:3

Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ.

2 Kolɛntikalu 2:11

fɔsa Soitana kana a hangili labaale mɔ ma, kamasɔlɔn mɔ tɛ divi lɔ ka bɛn aa kojatesiininnu ma.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

2 Kolɛntikalu 6:7

M'i tuɲa le fɔla, ado mɔ fanga bɔnin Ala le bolo. Mɔ do yi telenmandeya tala ka kɛ iwo maa kɛlɛkɛfennu, ka mɔ juulu kɛlɛ ani ka mɔ jɛlɛ lakana wolu le.

Ɛfɛsikalu 4:14

Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.

Ɛfɛsikalu 4:24

ani ka dajoo kula ta, Ala na min ladanna a jɛlɛkanu sawula lɔ telenmandeya ni sɛnɛya boloma, minu yi sɔlɔnna tuɲa sabu la.

Ɛfɛsikalu 6:13

Wo le y'a ma, ài y'ài masili Ala ya kɛlɛkɛfennu bɛ le, fɔsa lon yon vɛ sena, ài yi se k'ài lɔ ài juulu ɲa. Ài do vɛ banna ko bɛ lɔtiminna, ài lɔnin yi to kili.

Kɔlɔsikalu 3:10

Ài do vɛ dajoo kula ta, min ma yi falinna kudein ka kɛ a kula le, fɔsa ài yi wo lɔn bɛlɛbɛlɛ kɛ min na a ladanna a jɛlɛkanu sawula lɔ.

1 Tɛsalonikakalu 5:8

Kɛɛ komi m'i telelɔmɔɔ le le, wo lɔ, ài m'i mɔ jɛlɛ lɔmina. Ài m'i mɔ jɛlɛ lɔbɛn, ka limaniya ni kanundeya kɛ iwo sisimakalanfen, ani ka kisiko kɛ mɔ jeisii le, iwo nɛɛ fula.

Hebululu 7:25

Wo le y'a ma, a yi sene mɔɔlu lakisila feu, minu yi timinna ale fɛ k'i madon Ala la, kamasɔlɔn a a nii la kudein k'ai masolonali mina Ala ma.

Janguba 4:7

Wo lɔ saa, ài y'ài fanmajii Ala yɛ. Ài y'ài lɔ Soitana ɲa, a do yi bɔlile ài ma.

1 Piyɛli 5:8

Ài yi to ài ɲana k'ài hangili sii. Ài juu Soitana kɛyine iwo jala min yi wolondola, a v'a mataamataamana ka mɔɔ ɲinin a dɔnko lɔ.

Jude 1:24

Tanuli ale le yɛ min yi se k'ài matanga fɔsa ài sen kana tuu, ani min yi se ài lalɔla a ɲakɔlɔ jalakibaliya ni sawa ba boloma a nɔɔlɔ lɔ.

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.

Ko Lankɛnɛmayanin 19:20

Kɛɛ ai do ka soofali mina ani faɲafɔ kela min tɛɛ vɛ kawanankolu kɛ soofali wo ɲakɔlɔ. Kawananko wolu le na kɛla sabu le ka mɔɔlu lafili, minu na soofali ya tɔɔmase sɔlɔnna ai fali ma, ani ka soofali sawula bato. Soofali ni faɲafɔ kela ɲɛnɛma la ka fila taa diɲa ba lɔ, timiliki kawa yi ɲɛninna tɛɛminja.

Ko Lankɛnɛmayanin 2:24

Kɛɛ àilu Tiyatilaka tɔlu koni, ài ma bila aa kalan wo kɔ, niwotɛ ka lɔnni suu wo kalan, ai y'a fɔla min ma ko Soitana ya gbonoko ba. Wo ma, ǹ tɛnala doni gbɛlɛ lala ài kun.