Ɛfɛsikalu 6:10 - Ala Ya Salatikan Kula Kitabu

¹⁰ Ka ǹa kuma laban, ǹ'a fɔla ài yɛ, ài y'ài sɛmɛdon mɔ Tii ya kafonɲɔɔya lɔ ka bɛn aa seetiiya makawanin ma.

Ɛfɛsikalu 6:10 ပူးပေါင်းရင်းမြစ်များ

1 Kolɛntikalu 16:13

Ài yi to ài ɲana, k'ài lɔgbeleya limaniya lɔ. Ài y'ài wakali k'ài sɛmɛdon.

2 Kolɛntikalu 13:11

Mɔ badenmalu, a tonin min ma, wo le ne: Ài yi sawa, k'ài lɔja ka kɛ mɔɔ dafanin ne, k'i ɲɔɔ sɛmɛdon, k'ài bɛn a lɔ, ka josolajii ladon i ɲɔɔ wotɛ. Wo vɛ kɛla, Ala min yi kanundeya ni josolajii dila, wo kɛtɔ tola ài tɛma.

Ɛfɛsikalu 1:19

Ala yi ài lalɔnni aa foniseleya makawanin na, a yi min labaalela ǹu limaniyamɔɔlu yɛ. Foniseleya min la yi baalela mɔ lɔ,

Ɛfɛsikalu 3:16

Ǹ'i Ala dalila a ài sɛmɛdon a Nii Sɛnɛyanin sabu la, ka bɛn aa magbiliyali nɔɔlɔnilu ma,

Filipikalu 3:1

Ka ǹa kuma laban m̀ badenmalu, ài yi sawa mɔ Tii ya kafonɲɔɔya lɔ. Ǹ tɛɛ vɛ kuma minu sɛvɛ ài ma sɔ, ka seikɔ wolu ma, wo tɛ ǹ ɲana ko le. Wo do kɛtɔ ài matangala.

Filipikalu 4:13

Ǹ'i sene ko bɛ dɔ kɛla mɔ Tii sabu la min yi fanga dila m̀ ma.

Filipikalu 4:8

Ka ǹa kuma laban m̀ badenmalu, ǹ'a fɛ ài yi kɛ ài milila ko minu ma, wolu le ne: ko minu yi tuɲa le, magbiliyalikolu, kotelenninu, kosɛnɛyaninnu, kokeinnu, kobɛnninu, ani ko minu ni matɔɔli kaannin.

Kɔlɔsikalu 1:11

M'i Ala dalila kɔtunun k'a fɔ ko a ài sɛmɛdon boloɲa suu bɛ ma ka bɛn aa fanga makawanin ma, fɔsa ài yi se ko bɛ minala ài ma sawali ni josoladiya boloma.

2 Timote 2:1

Ile ǹ den koni, i i lɔgbeleya Masa Tɔɔmasenin Isa ya nɛɛma lɔ.

2 Timote 4:17

Kɛɛ mɔ Tii gbu le n'i lɔla ǹ fɛ ka ǹ sɛmɛdon, fɔsa ǹ tɛɛ se ka aa samakan dafanin lase siboloma gbɛlɛ mɔɔ wolu bɛ ma, ai tɛɛ a mɛn. Wo ma, ǹ ka kisi ka bɔ jala da.

1 Piyɛli 3:8

Ka ǹa kuma laban: Ài yi kɛ miliya kelen nɔ, ài yi kɛ i ɲɔɔ fɛ ko bɛ lɔ, ài ɲɔɔ kanu iwo badenmalu, ài ɲɔɔ maɲumaye, ani ài y'ài fanmajii i ɲɔɔ yɛ.

1 Piyɛli 4:11

Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

1 Yohana 2:14

Dennilu, ǹ'i min sɛvɛla àilu le ma, kamasɔlɔn ài ka mɔ Fa lɔn. Falu, ǹ'i min sɛvɛla àilu le ma, kamasɔlɔn ale min yi je ka ta dunuɲa damina waate ma, ài ka a lɔn. Kavelennu, ǹ'i min sɛvɛla àilu le ma, kamasɔlɔn ài sɛmɛdonnin, ani Ala kumakan sawatinin ài josokun nɔ, ài do vɛ see sɔlɔn Soitana ma.