Ɛfɛsikalu 5:8 - Ala Ya Salatikan Kula Kitabu

⁸ Kamasɔlɔn waate lɔ, àilu tɛɛ divi le lɔ, kɛɛ tandainɔ ài yi mɔ Tii ya kɛnɛya le lɔ gbesekele. Wo le y'a ma, ài yi taama iwo kɛnɛyalɔ dennu.

Ɛfɛsikalu 5:8 ပူးပေါင်းရင်းမြစ်များ

Matiyu 3:8

Ài kɛkolu y'a jiya ko ài vɛ ài dajoo mafalin.

Matiyu 4:16

Mɔɔ minu siinin tɛɛ divi lɔ je, wolu vɛ Ala ya kɛnɛya ye gbesekele. Mɔɔ minu siinin tɛɛ saya jamana divi lɔ, kɛnɛya vɛ bɔ wolu yɛ.»

Luka 1:79

fɔsa mɔɔ minu siinin divi lɔ saya duulen kɔlɔ, kɛnɛya yi bɔ wolu yɛ, ani mɔ sen yi bila josolajii siya kɔkan.»

Luka 16:8

«A kuntii ka ko wo mɛn mingɛ, a ka nafolo kunnasiiba telenbali wo matanu ka bɛn aa jateeya ma. Kamasɔlɔn dunuɲa min mɔɔlu i ɲɔɔ minala jateeya bolo le ma ka timin Ala ya mɔɔlu la, minu yi kɛnɛya lɔ.

Yohana 1:9

Kɛnɛya bɛlɛbɛlɛ min yi kɛnɛya dila bɛ ma, wo tɛɛ nala dunuɲa.

Yohana 12:35

A do ka jama javi, a vɛɛ: «Kɛnɛya kɛtɔ waateni kɛla ài tɛma bene. Damanda kɛnɛya y'ài tɛma, ài yi to taamana alako divi kana bala ài lɔ. Mɔɔ min yi taamana divi lɔ, wo tii ma a taaya lɔn.

Yohana 12:36

Damanda kɛnɛya y'ài tɛma, ài yi limaniya kɛnɛya ma, fɔsa ài yi kɛ kɛnɛyalɔmɔɔlu le.» Isa wɔlinin ko wolu fɔla, a ka bɔ je ka t'i doon ai ma.

Yohana 12:46

Ǹ nanin dunuɲa iwo kɛnɛya, fɔsa m̀ malimaniyamɔɔlu kana to divi lɔ butu.

Yohana 8:12

Isa k'a fɔ jama yɛ kɔtunun, a vɛɛ: «Ǹe le dunuɲa kɛnɛya le. Ni mɔɔ min ka bila ǹ kɔ, wo tii tɛnala taamana divi lɔ butu, mafɔ a kɛtɔ kɛnɛya sɔlɔnna min yi niimaya dila.»

Kɛkolu 17:30

Waate lɔ, Ala ma aiya kolɔnbaliya jate ko le, kɛɛ tandainɔ, a yi mɔɔ bɛ jamalila fan bɛ lɔ ko ai yi tube.

Kɛkolu 26:18

ai ɲa lakako lɔ, fɔsa ai yi bɔ divi lɔ ka na kɛnɛya lɔ, ani ai yi bɔ Soitana fanga kɔlɔ k'ai lasei Ala ma, alako aiya julumbulu lɔ yi koto. Wo vɛ kɛla, ai fɛ kɛtɔ kɛla Ala ya mɔɔlu la, minu vɛ sɛnɛya ka bɛn aiya limaniya ma m̀ ma.›

Lɔmukalu 1:21

Hali ai yi Ala ya ko kalama, ai ma magbiliyali di a ma iwo Ala, niwotɛ ka balika bɔ a yɛ. Mafɔ, ai hangili la ka gbasi, ado aiya hangilindanya vɛ ai bila divi lɔ.

Lɔmukalu 13:12

Su vɛ jaanfa, kɛnɛ bɔtɔle. Wo le y'a ma, ài m'i divilɔkolu dabila ka telelɔkolu ta k'ai kɛ maa kɛlɛkɛfennu le.

Lɔmukalu 2:19

I lanin i jɛlɛ la ko ɲagbɛlu ya ɲabila le i le, ani divilɔmɔɔlu ya kɛnɛya.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

2 Kolɛntikalu 3:18

Faani bilinnin tɛ ǹu minu ɲa la, m'i mɔ Tii nɔɔlɔ jiyala iwo jiya yi yena duwalen nɔ teme. Wo ma, mɔ Tii min kɛnin Nii Sɛnɛyanin ne, wo yi mɔ mafalinna ka mɔ kɛ iwo ale gbu, ka nɔɔlɔ dɔ la a dɔ kɔkan waate bɛ.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

2 Kolɛntikalu 6:14

Àilu ni limaniyabalilu kà ài kun sili jili kelen ma ka dɛn ko kelen na. Kamasɔlɔn kafonɲɔɔya suu mindɛ le yi telenmandeya ni kɔnɔlɔgbeya wotɛ? Diɲɔɔya suu mindɛ le yi kɛnɛya ni divi wotɛ?

Galatiyakalu 5:25

Ni m'i maa dunuɲalɔtɛɛ kɛla Nii Sɛnɛyanin ne fɛ, fɔ m'i taama ka bɛn a sawo ma.

Ɛfɛsikalu 2:2

ài tɛɛ taamana minu ya siya kɔkan. Wo waate lɔ, ài tɛɛ kuntii kɛwon kɔ, min yi sanfɛ fangatiilu lamalala, ado nii kɛwon kelen wo le yi mɔɔlu labaalela minu tɛ Ala kumakan labatola.

Ɛfɛsikalu 4:18

Aiya koɲaye lɔdiviyine, k'ai majaan Ala ya niimaya la, ka bɛn aiya kolɔnbaliya ni aiya josokunja ma.

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

Ɛfɛsikalu 6:12

Kamasɔlɔn maa kɛlɛ tɛ adamadennu kanma, kɛɛ a yi kuntiilu ni seetiilu le kanma, ani fanga yi minu bolo dunuɲa divi min nɔ, ani fangatii yenbali minu siinin sangbolo dingilalu lɔ koyonkɛ kanma.

Kɔlɔsikalu 1:12

Ài do yi balika bɔ mɔ Fa Ala yɛ, kamasɔlɔn a yi balayi minu ladalola mumininnu yɛ aa masaya lakɛnɛyanin nɔ, a na see dila ài ma fɔsa ài fɛ yi kɛ wo la.

Kɔlɔsikalu 1:13

Ale le na mɔ lakisila ka mɔ bɔ divi ya seetiiya kɔlɔ ka mɔ ladon a diyanan Denkɛ ya masaya lɔ,

Tite 3:3

Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.

1 Yohana 1:7

Kɛɛ ni mɔ ka kɛ kɛnɛyalɔkolu kɛla, iwo Ala gbu yi kɛnɛya lɔ teme, kafonɲɔɔya le kɛtɔ kɛla mɔ wotɛ, ado a Denkɛ Isa jeli yi mɔ lasɛnɛyale ka maa julumbulu bɛ bɔ mɔ ma.