Ɛfɛsikalu 5:5 - Ala Ya Salatikan Kula Kitabu

⁵ Ài yi gbɛ a ma ko mɔɔ minu yi kanu kɛla, ani kokɔsɔninnu, ani natakolu (min ni joosɔko kaannin), wolu dɔ pa fɛ tɛ Ala ni Masa Tɔɔmasenin ya masaya la.

Ɛfɛsikalu 5:5 ပူးပေါင်းရင်းမြစ်များ

Kɛkolu 20:32

«Tandainɔ yi ne, ǹ'ài kalifala Ala le la ani aa nɛɛma kuma, wo min yi se k'ài lasawati ani ka balayi di ài ma, min ladalonin aa mɔɔ lasɛnɛyaninnu yɛ.

Kɛkolu 8:21

I fɛ tɛ maa baale la feu, kamasɔlɔn i joso telennin tɛ Ala ɲakɔlɔ.

Galatiyakalu 5:19

Adamaden falikolo ladiyanankolu lankɛnɛmayanin gbesekele: kanukɛko, kokɔsɔnin, malobaliya,

Galatiyakalu 5:21

natabaya, gbɛtɔya, dannatimin tolonnu, ani wolu ɲɔɔzii gbɛlɛlu. Ǹ'ài lalila yi ne iwo ǹ n'a kɛla teme sɔ, mɔɔ minu deinin ko suu wolu kɛla, wolu tɛnala donna Ala ya masaya lɔ.

Ɛfɛsikalu 5:3

Kɛɛ kanukɛko, ni kokɔsɔnin suu suu, ni natabaya, wolu foi tɔɔ kà fɔ ài tɛma, kamasɔlɔn ko wolu bɛnnin tɛ mumininnu ma.

Kɔlɔsikalu 1:13

Ale le na mɔ lakisila ka mɔ bɔ divi ya seetiiya kɔlɔ ka mɔ ladon a diyanan Denkɛ ya masaya lɔ,

Kɔlɔsikalu 3:5

Wo ma, àiya dunuɲa dajoo kɔlɔlu minu y'ài lɔsunna koyonkɛ kanma, ài yi wolu lɔsa: kanukɛko, kokɔsɔninnu, niikanuko, miliya yon, ani natabaya (min taanin kɛla joo batoko suu dɔ le).

1 Timote 6:10

Kamasɔlɔn koyon suu siyama jusiinin wɔliko nata le kɔkan. Ka bɛn nafolo lɔɔ ma, mɔɔ dɔlu vɛ limaniya siya bila k'ai josokun tɔlɔya ko siyama le.

1 Timote 6:17

Dunuɲa nafololu vɛ kɛla mɔɔ minu bolo, i yi wolu lali ko ai kà ai fannɔbuɲa. Ai do kà ai jei sii nafolo bantalu la, mafɔ Ala min yi fen bɛ dila mɔ ma bɛlɛbɛlɛ kɛ ka bɛn mɔ ladiyako ma.

Hebululu 13:4

Fɔ bɛ yi fulu buɲa, ado fuluɲɔɔmalu ya lafen ma kà kɔsɔ, kamasɔlɔn Ala kɛtɔ jalon ni kanukɛbalu latɔnna.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»

Ko Lankɛnɛmayanin 22:15

Kɛɛ jɛlɛlakɔsɔmɔɔlu kɛtɔ tola so kɔma, wolu ni subalu ni kanukɛbalu, ani mɔɔfaabalu ni joosɔbalu, ani mɔɔ minu yi faɲafɔko ladiyaɲɛla ka to faɲa fɔla kudein.