Ɛfɛsikalu 5:26 - Ala Ya Salatikan Kula Kitabu

²⁶ fɔsa a aa limaniyajama bila a ta fan a jɛlɛ yɛ, a ban kɔ wo lasɛnɛyala ji le ka bɛn a kumakan ma.

Ɛfɛsikalu 5:26 ပူးပေါင်းရင်းမြစ်များ

Yohana 13:10

Isa do k'a fɔ a yɛ, a vɛɛ: «Mɔɔ konin mako tɛ koli gbɛlɛ la butu, fɔ a a sen ne mako dein, kamasɔlɔn a sɛnɛyayine feu. Wo lɔ, ài sɛnɛyayine, kɛɛ ài bɛ tɛ dɛ!»

Yohana 15:3

Àilu la vɛ sɛnɛya butu ka bɛn ǹ kumakan ma, ǹ na min fɔla ài yɛ.

Yohana 15:8

Ài vɛ den siyama kɛla k'a lagbɛ ko ǹ kɔbiladen ne ài le, ǹ Fa yi magbiliyali sɔlɔnne wo lɔ.

Yohana 17:7

k'a lɔn butu ko i na ko ko si dila m̀ ma, wo bɛ bɔnin ile le fɛ.

Yohana 3:5

Isa k'a javi, a vɛɛ: «Ǹ'i tuɲa fɔ i yɛ, ni mɔɔ ma sɔlɔn kula kɛ ji ni Nii Sɛnɛyanin sabu la, a tɛ se donna Ala ya masaya lɔ.

Kɛkolu 22:16

I yi mindɛ makɔnɔna butu? I wuli, i yi madaili kɛ mɔ Tii Isa tɔɔ lɔ, ka ban ka makoli sɔlɔn, fɔsa iya julumbulu yi bɔ i ma.›

Kɛkolu 26:18

ai ɲa lakako lɔ, fɔsa ai yi bɔ divi lɔ ka na kɛnɛya lɔ, ani ai yi bɔ Soitana fanga kɔlɔ k'ai lasei Ala ma, alako aiya julumbulu lɔ yi koto. Wo vɛ kɛla, ai fɛ kɛtɔ kɛla Ala ya mɔɔlu la, minu vɛ sɛnɛya ka bɛn aiya limaniya ma m̀ ma.›

Lɔmukalu 10:8

Kɛɛ mindɛ le sɛvɛnin je? A vɛɛ: «Ala kumakan masulunyanin i la, a y'i da, ani a y'i josokun nɔ.» Kumakan wo yi limaniya kuma le le, m'i min lasena.

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

2 Kolɛntikalu 11:2

Kamasɔlɔn ǹ'ài makeleyala iwo Ala y'ài makeleyala teme. Kamasɔlɔn a kɛyine iwo ǹ n'ài maminala kɛ́ kelen ne yɛ, min taanin kɛla Masa Tɔɔmasenin ne. Ǹ'a fɛ le k'ài lasɛnɛyanin di a ma iwo singbili min ma kɛ́ ko lɔn ba bene.

Ɛfɛsikalu 6:17

Ài yi kisiko kɛ nɛɛ fula le, ka wo bilin ài kunna. Ài yi Nii Sɛnɛyanin ya siyamifan ta, min yi Ala kumakan ne.

Kɔlɔsikalu 3:16

Masa Tɔɔmasenin kumakan yi sawati ài tɛma boloɲa bɛ ma, ài v'i ɲɔɔ kalanna k'i ɲɔɔ lali hangilimaya bɛ la, ani ka Zabuli kitabu dɔngililu la, ani baiti ni dɔngililu Nii Sɛnɛyanin yi minu dila, ka balika bɔ Ala yɛ ài josokun bɛ le.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 10:10

Mɔ la vɛ sɛnɛya ka bɛn Ala sawonanko wo ma, kamasɔlɔn Masa Tɔɔmasenin Isa k'a falikolo bɔ salaka le siɲa kelen ne le ka ban.

Hebululu 10:14

Salaka kelen wo na kɛla sabu le ka mɔɔlu ya ko dafa waate bɛ, a yi minu lasɛnɛyala.

Hebululu 10:22

wo le y'a ma, ài m'i mɔ masulunya Ala la josolɔgbɛya boloma, ani limaniya dafanin nɔ, mɔ josokun lasɛnɛyanin ne ka bɔ miliya yonnu ma, ani mɔ falikolo makonin ne ji sɛnɛyanin le.

Hebululu 10:29

Ni wo le, jangata suu mindɛ le kɛtɔ wo mɔɔ masɔlɔnna min na Ala Denkɛ lafeyala, ka jɔmaya kɛ Salatikan Kula jeli la min n'a lasɛnɛyala, ani ka Nii Sɛnɛyanin jɛvɛ, nɛɛma sɔlɔnnin min fɛ?

Hebululu 13:12

Wo le n'a kɛla, Isa fana ka tɔlɔya masɔlɔn so kɔɔkan, fɔsa a tɛɛ mɔɔlu lasɛnɛya a jɛlɛkanu jeli le.

Hebululu 4:12

Kamasɔlɔn Ala kumakan y'a nii la, a do fanga buɲanin. A damaayine ka timin siyamifan da fila bɛ la. A do yi mɔɔ sɔɔ le la ka taa se a nunakili ni a josokun dan ma, ani a kolotuunya ni a kologbɔlɔ dan ma. A yi mɔɔ miliyalu ni a josokunnɔkolu bɛ lakɔlɔsila k'ai lɔn.

Hebululu 9:14

Kɛɛ Masa Tɔɔmasenin min k'a jɛlɛ bɔ Ala yɛ salaka bɛlɛbɛlɛ le habadan Nii Sɛnɛyanin sabu la, a jeli fanga wo le yi mɔ josokun lasɛnɛyala feu, ka mɔ bɔ mɔ kɛkolu ma minu yi saya lasena mɔ ma, fɔsa m'i Ɲɛnɛmayatii Ala bato.

Janguba 1:18

Ka bɛn a jɛlɛkanu sawonanko ma, a ka mɔ sɔlɔn kula kɛ aa tuɲa kuma sabu la, fɔsa m'i lɔya kunfɔlɔ sɔlɔn aa dannifennu bɛ tɛma.

1 Piyɛli 1:2

Ka bɛn mɔ Fa Ala ya kojatesiininnu ma, a n'ài tala mɔɔlu tɛma kɔlɔkɔlɔ le k'ài kɛ mɔɔ sɛnɛyanin ne Nii Sɛnɛyanin sabu la, fɔsa ài yi kolo Masa Tɔɔmasenin Isa yɛ k'ài lasɛnɛya ka bɛn a jeli bɔnko ma. Nɛɛma ni josolajii la yi sawati ài yɛ bɛlɛbɛlɛ kɛ.

1 Piyɛli 3:21

Ji wo kɛnin makoli misali le le, min àilu fana lakisila yi ne. Wo tɛ nɔɔ bɔla mɔ falikolo ma, kɛɛ a yi jososɛnɛyanin daliko le le Ala la ka bɛn Masa Tɔɔmasenin Isa lawuliko ma ka bɔ saya lɔ,

2 Piyɛli 1:9

Kɛɛ ni mɔɔ min dɛsɛnin ka kɛ ko minu la, wo tii tɛ yeni kɛla kosɛvɛ, a do yi ɲagbɛ le le, kamasɔlɔn a vɛ ɲina ko a la vɛ sɛnɛya ka bɔ aa julumbu kɔlɔlu ma.

1 Yohana 5:6

Masa Tɔɔmasenin Isa le nanin ji ni jeli fɛ. A ma na ji kelen fɛ, mafɔ ji ni jeli. Nii Sɛnɛyanin ne yi wo seleya dila, kamasɔlɔn Nii Sɛnɛyanin ne tuɲa le.

Jude 1:1

Ǹe Jude, min yi Masa Tɔɔmasenin Isa ya bɔiden ne ani Janguba badenma, ǹ'i lɛtɛlɛ min sɛvɛla mɔ Fa Ala ya mɔɔ kilininnu le ma, a yi minu kanula, ani k'ai ladalo Masa Tɔɔmasenin Isa yɛ.