Ɛfɛsikalu 5:23 - Ala Ya Salatikan Kula Kitabu

²³ Kamasɔlɔn kɛ́ yi kuntii le le a moso ma iwo Masa Tɔɔmasenin yi kuntii le aa limaniyajama ma teme, min taanin kɛla a falikolo le, ale gbu le wo Lakisiba le.

Ɛfɛsikalu 5:23 ပူးပေါင်းရင်းမြစ်များ

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

1 Kolɛntikalu 6:13

Mɔɔ dɔlu fana y'a fɔla, ai vɛɛ: «Dɔnnifen dinin kɔnɔgbolo le ya ko lɔ, ani kɔnɔgbolo dinin dɔnnifen ne ya ko lɔ.» Tuɲa le, kɛɛ Ala kɛtɔ fen fila wo bɛ le halakila. Mɔɔ falikolo koni la ma dan kanukɛko lɔ, kamasɔlɔn mɔ Tii ta le falikolo le, ado falikolo fana ta le mɔ Tii le.

Ɛfɛsikalu 4:15

Ado mɔ vɛ kɛla tuɲa fɔla kanundeya boloma, mɔ buɲatɔ boloɲa suu bɛ ma Masa Tɔɔmasenin ya kafonɲɔɔya lɔ, ale min yi limaniyajama Kuntii le.

Ɛfɛsikalu 5:24

Wo ma, fɔ mosolu y'ai fanmajii ai kɛ́nu yɛ ko bɛ lɔ, iwo Masa Tɔɔmasenin ya limaniyajama fanmajiinin a yɛ teme.

Kɔlɔsikalu 1:18

Ale le limaniyajama falikolo kun ne. Ale le a damina le, ani Denkɛ kunfɔlɔ min wulinin ka bɔ saya lɔ, fɔsa a yi lɔya kunfɔlɔ sɔlɔn fen bɛ kunna.

1 Tɛsalonikakalu 1:10

Ài do yi Ala Denkɛ makɔnɔna ka bɔ haijɛnɛ, a na min lawulila ka bɔ saya lɔ. Ale Isa le yi mɔ lakisila ka mɔ bɔ Ala ya mɔnɛya natɔ kɔlɔ.

Ko Lankɛnɛmayanin 19:7

Ài m'i sawa ka mɔ josoladiya ka magbiliyali di a ma. Kamasɔlɔn Saa Bolan ya kɔɲɛmalɔ tolon vɛ se, ado aa kɔɲɛmoso vɛ a jɛlɛ lɔbɛn.

Ko Lankɛnɛmayanin 5:9

Ai do vɛ baiti kula dɔ lala, ai vɛɛ: «Ka kafa mina, ani k'a tɔɔmaselu bɔ a ma, ile ni wo kaanyine. Kamasɔlɔn i kannatɛɛyine tɛɛ, ado ka bɛn i jeli bɔnko ma, i vɛ mɔɔlu kunmaka Ala yɛ, ka bɔ dunuɲa kabila bɛ lɔ, ani kan bɛ, ani siboloma bɛ, ani jamana bɛ.