Ɛfɛsikalu 5:20 - Ala Ya Salatikan Kula Kitabu

²⁰ Ài yi kɛ balika bɔla mɔ Fa Ala yɛ waate bɛ ni ko bɛ lɔ, mɔ Tii Masa Tɔɔmasenin Isa tɔɔ lɔ.

Ɛfɛsikalu 5:20 ပူးပေါင်းရင်းမြစ်များ

Yohana 15:16

Àilu ma ǹe ta, kɛɛ ǹe le n'ài tala ka ài kelaya, fɔsa ài yi taa ài den siyama kɛ minu yi mɛnna. Wo vɛ kɛla, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Kɛkolu 5:41

Wo kɛ, keladennu ka bɔ kititɛɛjama ɲakɔlɔ sawa le, kamasɔlɔn ai lafeyako ka bɛn Isa tɔɔ ma, ailu ni wo le kaannin.

Lɔmukalu 1:8

Ǹ'i balika bɔla ǹ Tii Ala yɛ kunfɔlɔ le bene ài bɛ ya ko lɔ Masa Tɔɔmasenin Isa fɛ, kamasɔlɔn àiya limaniyako la yi sena dunuɲa fan bɛ lɔ.

1 Kolɛntikalu 1:4

Ǹ'i balika bɔla ǹ Tii Ala yɛ waate bɛ àiya ko lɔ ka bɛn aa nɛɛma ma, min dinin ài ma Masa Tɔɔmasenin Isa sabu la.

1 Kolɛntikalu 15:24

Wo vɛ kɛla, dunuɲa laban kɛtɔ sena, Masa Tɔɔmasenin vɛ kuntii yenbalilu bɛ halakila, ani fangatiilu, ani seetiilu, ka ban ka masaya lase Fa Ala ma.

Ɛfɛsikalu 5:4

Ài do kà malobaliya kumalu fɔ, ani kundanya kumalu, ani jɛlɛmako kɔsɔninnu, wolu foi bɛnnin tɛ. Kɛɛ min bɛnnin, wo le ka to balika bɔla Ala yɛ.

Filipikalu 1:3

M̀'ɛ m̀ milila ài ma waate o waate, ǹ'i balika bɔla ǹ Tii Ala yɛ.

Filipikalu 4:6

Ài do sɔn kà ja ko ko si lɔ, mafɔ ài mako vɛ kɛla ko ko la, ài yi wo dali Ala la, k'a madiya, ani ka balika bɔ a yɛ.

Kɔlɔsikalu 3:17

Ài vɛ ko ko si kɛla, ani ài vɛ kuma suu suu fɔla, ài yi wo bɛ kɛ mɔ Tii Isa tɔɔ lɔ ka balika bɔ mɔ Fa Ala yɛ ale Isa fɛ.

1 Tɛsalonikakalu 3:9

Àiya ko vɛ mɔ kɔnɔlɔdiya bubale Ala ɲakɔlɔ, haan fɔɔ mɔ m'a lɔn m'i Ala balika bɔ teme.

1 Tɛsalonikakalu 5:18

Ài yi balika bɔ Ala yɛ ko bɛ lɔ, kamasɔlɔn a sawo le wo le ài yɛ Masa Tɔɔmasenin Isa ya kafonɲɔɔya lɔ.

2 Tɛsalonikakalu 1:3

Mɔ badenmalu, a bɛnyine m'i kɛ Ala balika bɔla waate bɛ àiya ko lɔ, kamasɔlɔn àiya limaniya yi wala kan bɛlɛbɛlɛ kɛ, a dɔ le yi lala àiya ɲɔɔkanu kɔkan kudein.

2 Tɛsalonikakalu 2:13

Mɔ badenmalu minu ya ko diyanin mɔ Tii yɛ, fɔ m'i kɛ balika bɔla Ala yɛ kudein àiya ko lɔ. Kamasɔlɔn a n'ài tala ài lakisiko le lɔ iwo sɛnɛfenden kunfɔlɔ, k'ài kɛ a ta le Nii Sɛnɛyanin sabu la, ani ka bɛn àiya limaniya ma tuɲa ma.

Hebululu 13:15

Wo lɔ saa, ài m'i tanuli kɛ salaka le min la yi sena Ala ma waate bɛ ka bɛn Isa ma, mɔ v'i lɔla a tɔɔ la bala lɔ.

1 Piyɛli 2:5

Àilu fana kɛyine iwo kawakulun niimalu, Ala yi minu siisiila i ɲɔɔ kɔkan k'a kɛ a ta bon ne, ani Nii Sɛnɛyanin makɛya. Ala ya bon wo kɔnɔ, ài kɛtɔ kɛla salakalaseba sɛnɛyanin ne le, fɔsa ài yi kɛ Ala ladiyanan salakalu lasena a ma ka bɔ ài josokun nɔ Masa Tɔɔmasenin Isa sabu la.

1 Piyɛli 4:11

Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!