Ɛfɛsikalu 5:2 - Ala Ya Salatikan Kula Kitabu

² ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

Ɛfɛsikalu 5:2 ပူးပေါင်းရင်းမြစ်များ

Matiyu 20:28

Wo boloɲa kelen ma, Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Yohana 13:34

Ǹ'i jamali kula le dila ài ma yi ne, ǹ ko, ài ɲɔɔ kanu. Ǹ n'ài kanula teme, fɔ àilu fana y'i ɲɔɔ kanu ten ne.

Yohana 6:51

Ǹe le niimaya bulu le min jiinin ka bɔ haijɛnɛ. Ni mɔɔ min ka bulu min dɔ dɔn, wo tii totɔ niimaya le lɔ kudein. Ado ǹ kɛtɔ bulu min dila fɔsa dunuɲa yi niimaya sɔlɔn, wo le ǹ falikolo le.»

Lɔmukalu 15:16

ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

Lɔmukalu 4:25

Isa donnin tɛɛ saya bolo ka bɛn maa julumbulu le ma, ka ban k'i wuli kɔtunun fɔsa m'i jate telenmande le Ala ɲakɔlɔ.

Lɔmukalu 8:3

Ka bɛn mɔ falikolo ya fangandanya ma, Nabi Musa ya seliya tɛɛ ma se ko min kɛla mɔ yɛ, Ala gbu le na wo kɛla. A na a jɛlɛkanu Denkɛ lanala dunuɲa adamaden julumbutɔlu sawula lɔ, fɔsa a tɛɛ julumbu fanga tiɲa ale jɛlɛ falikolo ya salaka le.

Lɔmukalu 8:37

Kɛɛ wo bɛ lɔ, mɔ vɛ kɛ seesɔlɔnbalu le feu ka bɛn ale le ma, ale min na mɔ kanula.

1 Kolɛntikalu 16:14

Ài do vɛ kɛla ko ko kɛla, ài yi wo kɛ kanundeya boloma.

1 Kolɛntikalu 5:7

Wo le y'a ma, ài yi koyonkɛba wo gbɛn ài tɛma, k'ài jɛlɛ lasɛnɛya fɔsa ài yi kɛ mɔɔ kula le, iwo ǹu Jahudiyalu yi bululafununsɛɛ kɔlɔ labɔla teme maa bonnu la ka dɛɛ kula ladan, sɛɛ tɛ min na. Kamasɔlɔn Masa Tɔɔmasenin min taanin kɛla maa Timinkunna Selilon saa bolan ne, wo vɛ kɛ salaka le.

2 Kolɛntikalu 2:14

Kɛɛ ǹ'i balika bɔla Ala yɛ, min yi bilala mɔ ɲa kudein Masa Tɔɔmasenin ya seesɔlɔn taama lɔ. A do yi baalela mɔ fɛ ka Masa Tɔɔmasenin lɔnko lajɛzɛn fan bɛ lɔ, iwo wusulan suma yi jɛzɛnna fan bɛ lɔ teme.

2 Kolɛntikalu 2:15

Kamasɔlɔn mɔ kɛyine iwo wusulan, Masa Tɔɔmasenin yi min lasena Ala ma salaka le, min suma diyanin yi jɛzɛnna mɔɔ lakisininnu ni halakibatɔlu bɛ tɛma.

2 Kolɛntikalu 8:9

Kamasɔlɔn ài ka mɔ Tii Masa Tɔɔmasenin Isa ya nɛɛma lɔn. Hali a tɛɛ banaya lɔ, kɛɛ a k'a jɛlɛ kɛ bolokolon ne ka bɛn àiya ko le ma, fɔsa ài yi kɛ bana le aa bolokolonya fɛ.

Galatiyakalu 1:4

Ka bɛn mɔ Fa Ala sawo ma, Isa k'a jɛlɛ di salaka le ka mɔ lakisi maa julumbulu ma, ani ka mɔ lafɛlɛ ka mɔ bɔ dunuɲa yon min fanga kɔlɔ.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Ɛfɛsikalu 1:4

Jani dunuɲa tɛɛ dan, Ala na mɔ tala ka mɔ ladon Isa ya kafonɲɔɔya lɔ fɔsa m'i kɛ mɔɔ sɛnɛyanin ne ani jalakibali le a ɲakɔlɔ. Kanundeya boloma,

Ɛfɛsikalu 3:17

fɔsa Masa Tɔɔmasenin yi sawati ài josokun nɔ ka bɛn limaniya ma. Ǹ'i Ala dalila kɔtunun, ǹ ko, àiya kanundeya lilen yi don ka bama,

Ɛfɛsikalu 3:19

ani ka aa kanundeya wo lɔn, min timinnin lɔnni bɛ la, fɔsa àiya ko bɛ da yi fa ka bɛn Ala ya kojatesiininnu dafaɲa bɛ ma.

Ɛfɛsikalu 4:15

Ado mɔ vɛ kɛla tuɲa fɔla kanundeya boloma, mɔ buɲatɔ boloɲa suu bɛ ma Masa Tɔɔmasenin ya kafonɲɔɔya lɔ, ale min yi limaniyajama Kuntii le.

Ɛfɛsikalu 4:2

Ko bɛ lɔ, ài y'ài fanmajii, k'ài sɔniya, ani k'ài sawali. Àiya kolu yi kun i ɲɔɔ nɔ kanundeya boloma.

Ɛfɛsikalu 5:15

Wo lɔ, ài y'ài jando ài taamaɲa lɔ. Ài do kà taama iwo hangilindannu, mafɔ hangilimalu.

Ɛfɛsikalu 5:25

Kɛ́lu, ài y'ài mosolu kanu iwo Masa Tɔɔmasenin na limaniyajama kanula teme, k'a jɛlɛ di aa ko lɔ,

Filipikalu 4:18

Ài na fen fen si lanala m̀ ma, ǹ na wo bɛ le yena. Ài na samalifen min donna Ɛpafolodite bolo, wo le na ǹ ɲɛnɛla ka m̀ mako laɲia bubale. Wo kɛyine iwo salaka min suma diyanin, Ala a bolo siila a ladiyanan salaka suu min kɔlɔ.

Kɔlɔsikalu 3:14

Kɛɛ min timinnin wo bɛ la, wo le kanundeya le, min kɛtɔ àiya ko bɛ silila i ɲɔɔ ma ka dafa.

1 Tɛsalonikakalu 4:9

Dailu tɛ a la butu k'a fɔ ko mɔɔ dɔ yi sɛvɛ lataa ài ma ka bɛn ɲɔɔkanuko ma, kamasɔlɔn Ala vɛ ài kalan ka bɛn ɲɔɔkanuko ma.

1 Timote 2:6

min n'a jɛlɛ bɔla salaka le ka bɛn mɔɔ bɛ kunmakako ma, min seleya dinin a waate bɛlɛ lɔ.

1 Timote 4:12

I kà diɲa mɔɔ mɔɔ yi jɔ i ma ka bɛn iya fɔningeya ma, mafɔ i yi kɛ misali le limaniyamɔɔlu yɛ i kumaɲa lɔ, ani i kokɛɲa, ani iya kanundeya, ani iya limaniya, ani iya sɛnɛya.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 8:3

Komi salakalase kuntiiba kelenkelenna bɛ la yi siila niilifen ni kolofen salakabɔko le lɔ, wo lɔ, ale fana tɛɛ ka kan ka fen dɔ sɔlɔn, a yi min bɔ salaka le.

Hebululu 9:14

Kɛɛ Masa Tɔɔmasenin min k'a jɛlɛ bɔ Ala yɛ salaka bɛlɛbɛlɛ le habadan Nii Sɛnɛyanin sabu la, a jeli fanga wo le yi mɔ josokun lasɛnɛyala feu, ka mɔ bɔ mɔ kɛkolu ma minu yi saya lasena mɔ ma, fɔsa m'i Ɲɛnɛmayatii Ala bato.

Hebululu 9:23

Fen wolu, minu yi haijɛnɛ kɔnɔ fennu sawula le, ai la tɛɛ ka kan ka sɛnɛya wo boloɲa le ma. Kɛɛ fɔ salaka fisayaninnu tɛɛ bɔ ka bɛn haijɛnɛ kɔnɔ fen bɛlɛbɛlɛlu ma.

Hebululu 9:26

Ni wo tɛ kɛ, a tɛɛ tɔlɔya masɔlɔnne siɲa siyama le ka ta dunuɲa dan waate ma. Kɛɛ dunuɲa laban waate min nɔ yi ne, a vɛ na siɲa kelen ne le ka ban, fɔsa a yi julumbu ban ka bɛn salaka ma, a na a jɛlɛ bɔla min ne.

1 Piyɛli 4:8

Min buɲanin ko bɛ le, wo le min ne: Ài ɲɔɔ kanu kosɛvɛ, kamasɔlɔn hakɛ siyama lɔ yi kotola kanundeya le sabu la.

1 Yohana 3:16

Mɔ na kanundeya lɔnna min ne ma: Isa ka a nii di maa ko le lɔ. Wo le y'a ma, fɔ ǹu fana yi mɔ nii di mɔ badenmalu ya ko lɔ.

1 Yohana 3:23

A na jamali min ne dila mɔ ma, ko m'i limaniya a Denkɛ Masa Tɔɔmasenin Isa tɔɔ ma, ani k'i ɲɔɔ kanu iwo a na mɔ jamalila teme.

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.

Ko Lankɛnɛmayanin 5:9

Ai do vɛ baiti kula dɔ lala, ai vɛɛ: «Ka kafa mina, ani k'a tɔɔmaselu bɔ a ma, ile ni wo kaanyine. Kamasɔlɔn i kannatɛɛyine tɛɛ, ado ka bɛn i jeli bɔnko ma, i vɛ mɔɔlu kunmaka Ala yɛ, ka bɔ dunuɲa kabila bɛ lɔ, ani kan bɛ, ani siboloma bɛ, ani jamana bɛ.