Ɛfɛsikalu 4:9 - Ala Ya Salatikan Kula Kitabu

⁹ K'a fɔ ko: «A jɛlɛnin,» wo kɔlɔ yi mindɛ le? Wo le, a na jiila fana ka taa duu gboon fannu lɔ.

Ɛfɛsikalu 4:9 ပူးပေါင်းရင်းမြစ်များ

Matiyu 12:40

Kamasɔlɔn Nabi Yunusa ka tele sawa ni su sawa kɛ jɛɛ ba kɔnɔ teme, Mɔɔnivin Tanin fana kɛtɔ tele sawa ni su sawa kɛla kabulu lɔ ten ne.

Yohana 20:17

Isa do vɛɛ a yɛ: «I k'i fasa m̀ ma, kamasɔlɔn m̀ ma jɛlɛ ba bene ka taa ǹ Fa fɛlɔ. Kɛɛ fɔ i yi taa a fɔ m̀ badenmalu yɛ ko ǹ jɛlɛtɔle ka taa ǹe ni ailu Fa fɛlɔ, min taanin kɛla ǹe ni ailu Tii le.»

Yohana 3:13

Mɔɔ mɔɔ ma jɛlɛ ba bene ka taa haijɛnɛ fɔ Mɔɔnivin Tanin min jiinin ka bɔ je.

Yohana 6:33

Kamasɔlɔn min jiinin ka bɔ haijɛnɛ, ale le Ala ya bulu le, wo le do yi niimaya dila dunuɲa ma.»

Yohana 6:38

Kamasɔlɔn m̀ ma jii ka bɔ haijɛnɛ ǹe gbu sawo kɛko lɔ, mafɔ ǹ kelaba sawo.

Yohana 6:41

Wo fɔ Isa bolo, Jahudiya kuntiilu ka kunnɔkuma damina ka bɛn Isa ya ko ma, kamasɔlɔn a n'a fɔla, a vɛɛ: «Ǹe le bulu le min jiinin ka bɔ haijɛnɛ.»

Yohana 6:51

Ǹe le niimaya bulu le min jiinin ka bɔ haijɛnɛ. Ni mɔɔ min ka bulu min dɔ dɔn, wo tii totɔ niimaya le lɔ kudein. Ado ǹ kɛtɔ bulu min dila fɔsa dunuɲa yi niimaya sɔlɔn, wo le ǹ falikolo le.»

Yohana 6:58

Bulu min jiinin ka bɔ haijɛnɛ, wo le ne. A kɛnin tɛ iwo ài bemanu na bulu min dɔnna ka ban ka sa. Ni mɔɔ mɔɔ si ka bulu min dɔ dɔn, wo tii totɔ niimaya le lɔ kudein.»

Yohana 6:62

Ni ài ka Mɔɔnivin Tanin jɛlɛtɔla ye ka seikɔ a bɔya lɔ do?

Yohana 8:14

Isa k'ai javi, a vɛɛ: «Hali ni ǹ ka kɛ seleya dila ka bɛn ǹ jɛlɛ ma, ǹa seleya yi tuɲa le le, kamasɔlɔn ǹ ka m̀ bɔya ni ǹ taaya lɔn.

Hebululu 2:7

I n'a lɔya dɔɔyala ka timin mɛlɛkalu ta la waateni kɔlɔ, wo kɔ, ka magbiliyali ni buɲali di a ma iwo masayafula,

Hebululu 2:9

Kɛɛ mɔ do yi ale le yena, min lɔya ka dɔɔya ka timin mɛlɛkalu ta la waateni kɔlɔ, Isa koni, magbiliyali ni buɲali dinin a ma iwo masayafula ka bɛn aa saya tɔlɔya ma, fɔsa a tɛɛ sa bɛ yɛ ka bɛn Ala ya nɛɛma ma.