Ɛfɛsikalu 4:32 - Ala Ya Salatikan Kula Kitabu

³² Kɛɛ ài yi ɲumaya ni henandeya jiya i ɲɔɔ na, k'ài ɲɔɔ makoto iwo Ala n'ài makotola teme Masa Tɔɔmasenin fɛ.

Ɛfɛsikalu 4:32 ပူးပေါင်းရင်းမြစ်များ

Matiyu 6:12

I yi maa koyonnu lɔkoto, iwo ǹu fana vɛ mɔɔlu makoto teme, minu na koyon kɛla mɔ la.

Malɛkɛ 11:25

I lɔnin vɛ kɛla Ala dalila, ni i hangili ka bila ko, ko dɔ ile ni mɔɔ dɔ wotɛ, wo vɛ kɛla, i yi wo tii makoto, fɔsa i Fa min yi haijɛnɛ, wo fana ile gbu ya hakɛlu lɔkoto.»

Luka 1:78

Ka bɛn mɔ Tii Ala ya henandeya ba ma, kɛnɛya bɔtɔ mɔ yɛ gbesekele iwo telebɔ,

Luka 11:4

I yi maa koyonnu lɔkoto, baa ǹu gbu yi mɔɔlu makotola minu yi koyon kɛla mɔ la. I do kà diɲa mɔ ma yi nɛɛ ka bila koyon nɔ.»

Luka 17:4

Ni wo tii ka to hakɛ tala i la haan fɔɔ siɲa wolowulan tele kelen kɔlɔ, ni a ka hakɛ madali i la wo kelenkelenna bɛ lɔ, i y'a makoto.»

Luka 6:35

Àilu koni, fɔ ài y'ài juulu kanu ka kokein kɛ ai yɛ. Ài yi julu la k'ài jii bɔ a salako kɔ. Wo vɛ kɛla, ài kɛtɔ balayi ba sɔlɔnna ka kɛ Masa Taala dennu le. Kamasɔlɔn ale le yi kokein kɛla mɔɔ bɛ yɛ, hali koɲumalɔnbalilu ni mɔɔ yonnu.

Luka 6:37

«Ài k'ài mɔɔɲɔɔlu ya kiti tɛɛ, fɔsa Ala kana àilu gbu kiti. Ài do k'ài mɔɔɲɔɔlu jobaliya, fɔsa Ala kana àilu gbu jobaliya. Ài y'ài mɔɔɲɔɔlu makoto, Ala fana kɛtɔ àilu gbu makotola.

Kɛkolu 28:2

Je duulennu k'ai bolo sii mɔ kɔlɔ kobɛn. Ai ka taa ba bila ka mɔ bɛ kili je, kamasɔlɔn sanji tɛɛ nala, nɛnɛ vɛ bɔla.

Lɔmukalu 12:10

Ài i ɲɔɔ kanu badenmaya boloma, k'i ɲɔɔ buɲa ka timin ài jɛlɛ la.

1 Kolɛntikalu 13:4

Kanundeya yi mɔɔ min josokun nɔ, wo tii le mɔɔ sawalinin ne, ani mɔɔ ɲuma. Keleya tɛ a josokun nɔ, niwotɛ waso. A tɛ mɔɔ kafanin ne.

2 Kolɛntikalu 2:10

Ni ài do ka mɔɔ min makoto yi ne, ǹe fana vɛ wo tii makoto. Ni do ko dɔ ka kɛ je, ǹ ka kan ka min lɔkoto, m̀'ɛ a lɔkoto àiya ko lɔ ka Masa Tɔɔmasenin kɛ ǹ sele le,

2 Kolɛntikalu 2:7

Wo ma yi ne, fɔ ài yi wo tii makoto k'a masawali, fɔsa a jei kana tɛɛ josomakasi boloma.

2 Kolɛntikalu 6:6

Mɔ v'a jiya ko Ala ya bɔiden ne mɔ le maa sɛnɛya fɛ, ani maa lɔnni fɛ, ani maa sawali fɛ, ani maa ɲumaya fɛ, ani Nii Sɛnɛyanin ya see fɛ, ani maa kanundeya bɛlɛbɛlɛ fɛ.

Ɛfɛsikalu 5:1

Komi Ala diyanan den ne ài le, wo lɔ, ài yi suma a ma,

Janguba 5:11

Ài y'a ye, mɔɔ minu n'ai sawalila, m'i wolu jatela duwawudennu le teme. Ài na Sedina Ayuba ya sawali mangutu mɛnna, ani ài k'a lɔn mɔ Tii ka labanko ɲuma min di a ma. Kamasɔlɔn mɔ Tii ya henandeya ni aa maɲumandeya walayine bubale.

2 Piyɛli 1:7

ka badenmaya la àiya Alaɲasiyanɲɛ kɔkan, ani ka kanundeya la àiya badenmaya kɔkan.

1 Yohana 1:9

Kɛɛ ni mɔ ka mɔ dalabɔ maa julumbulu le, Ala min yi lanande ni telenmande le, ale le kɛtɔ maa julumbulu lɔkotola ka mɔ lasɛnɛya ka maa telenbaliyako bɛ bɔ mɔ ma.

1 Yohana 2:12

Dennilu, ǹ'i min sɛvɛla àilu le ma, kamasɔlɔn àiya julumbulu lɔ vɛ koto ka bɛn Isa tɔɔ ma.