Ɛfɛsikalu 4:31 - Ala Ya Salatikan Kula Kitabu

³¹ Wo lɔ, ài yi josolakuna dabila, ani josobɔ, ani mɔnɛ, ani wɔyɔ, ani tɔɔtiɲali, ani kɔnɔlɔgbeya suu bɛ.

Ɛfɛsikalu 4:31 ပူးပေါင်းရင်းမြစ်များ

Kɛkolu 21:30

Wo kɛ, so fan bɛ la ka maamaa. Jama vɛ bɔlila kelen ne k'i kɛ Pɔli kan k'a fɔnfɔn lɔhɔlɔmabonba kɔɔkan, ado ai ka da bɛ latuun telemanin.

Lɔmukalu 3:14

Ai da lafanin daanni ani kuma gbeyanin ne la.

1 Kolɛntikalu 14:20

M̀ badenmalu, ài hangili kà kɛ iwo dennilu. Koyon ta fannɔ, ài yi kɛ iwo denɲanin, kɛɛ hangilimaya ta fannɔ, ài yi kɛ kɛmɔbalu le.

1 Kolɛntikalu 5:8

Wo le y'a ma, ài m'i selilon wo kɛ, kɛɛ mɔ kà a kɛ bululafununsɛɛ kɔlɔ le, min taanin kɛla kɔnɔlɔgbeya ni koyon ne. Mafɔ, a yi kɛ bulu fununbali le le, min taanin kɛla josolɔgbɛya ni tuɲandeya le.

2 Kolɛntikalu 12:20

M̀'ɛ siyan k'a fɔ ko ni ǹ ka taa ài fɛlɔ, ǹ kɛtɔ ài talanna boloɲa dɔ ma min tɛnala bɛnna m̀ ma. Ado àilu fana kɛtɔ ǹ yena boloɲa dɔ ma min tɛnala bɛnna ài ma. M̀'ɛ siyan k'a fɔ ko ǹ kɛtɔ sɔsɔyali talanna ài tɛma, ani keleya ni josobɔ ni jɛlɛlafisaya ni tɔɔtiɲali ni mafɔli ni fannɔbaya ani sɔɔnsɔɔn.

Galatiyakalu 5:20

joosɔko, subaya, lagbeyaɲɛ, sɔsɔyali, keleya, josobaya, ɲangbeya, bɛnbaliya, falanɲɔɔya,

Ɛfɛsikalu 4:22

ko ài y'ài dajoo kɔlɔ dabila, ài tɛɛ min ya siya lataamana kɔlɔkɔlɔ le, min lɔ yi tiɲala ka bɛn a mɔɔmanɛɛ nata yonnu ma.

Ɛfɛsikalu 4:25

Wo ma yi ne, ài yi faɲafɔ dabila. Ài kelenkelenna bɛ yi tuɲa fɔ ài mɔɔɲɔɔlu yɛ, kamasɔlɔn mɔ bɛ yi falikolo kelen ɲɔɔmalu le le.

Ɛfɛsikalu 4:26

Ài vɛ mɔnɛla, ài y'alama ài kana julumbu ta. Ài do kà mɔnɛya ladalo haan fɔɔ tele yi ben,

Kɔlɔsikalu 3:19

Kɛ́lu, ài y'ài mosolu kanu. Ài do kà ko gbɛlɛn sii ài la.

Kɔlɔsikalu 3:8

Kɛɛ tandainɔ yi ne, fɔ ài yi ko minu bɛ dabila butu: josobɔ, mɔnɛ, kɔnɔlɔgbeya, tɔɔtiɲali, ado malobaliya kuma kà bɔ ài da.

1 Timote 3:11

Wo boloɲa kelen ma, ai mosolu yi kɛ mɔɔ sɔvɛlu le. Ai kà kɛ tɔɔtiɲabalu le, mafɔ jɛlɛlɔminamɔɔlu minu yi lanande le ko bɛ lɔ.

1 Timote 3:3

A do kà kɛ gbɛtɔ le, niwotɛ mɔɔ faiyanin, mafɔ mɔɔ sɔniyanin. A kà kɛ sɔsɔyalikɛba le, niwotɛ wɔliko nata yi mɔɔ min na.

1 Timote 5:13

K'a dɔ la wo kɔkan, ai yi deinne baalekɛbaliya la, ai vɛ timintiminna luu ni luulu wotɛ. Baalekɛbaliyako tɛ dein, kɛɛ ai yi kɛle tɔɔfɔlikɛbalu le fana, ani mɔɔ minu y'ai da bilala dɔlu ya kolu lɔ, ka kolu fɔ minu man kan ka fɔ.

2 Timote 2:23

I yi kolɔnbaliya sɔsɔyali fuunnu to je, kamasɔlɔn i k'a lɔn ne wolu yi nala sɔɔnsɔɔn ne le dein.

2 Timote 3:3

ani mɔɔ kataigbɛlɛn, ani henabali, ani tɔɔtiɲalikɛba, ani jɛlɛlɔminabali, ani mɔɔ josolatɛɛnin, ani ɲagbo,

Tite 1:7

Komi Ala ya baale kalifanin a la, wo lɔ, fɔ limaniyajama kunmafɛlɛnba yi kɛ jalakibali le. A kà kɛ mɔɔ kafanin ne, niwotɛ josobatii, niwotɛ gbɛtɔ, niwotɛ mɔɔ faiyanin, niwotɛ nataba.

Tite 2:3

Wo boloɲa kelen ma, i y'a fɔ mosokɔlɔbalu yɛ ko ai yi Ala buɲa ai kokɛɲalu lɔ. Ai kà kɛ tɔɔtiɲalikɛba le. Ai do kà gbɛ buba min ka kɛ gbɛ ya jɔn ne. Mafɔ, ai yi mɔɔlu kalan koɲuma la,

Janguba 1:19

Ǹ diyanan badenmalu, ài y'a lɔn ko ài kelenkelenna bɛ y'a lateleja a tolomalɔla, k'a kunsuma kuma fɔko lɔ, ani k'a kunsuma mɔnɛla.

Janguba 3:14

Kɛɛ ni keleya yon ni jɛlɛlafisaya ka kɛ ài josokun nɔ, wo vɛ kɛla, ài kà ài waso k'ài ban tuɲa lɔ.

Janguba 4:11

M̀ badenmalu, ài kà kuma yon fɔ i ɲɔɔ ma. Mɔɔ min vɛ kuma yon fɔla a badenma ma niwotɛ ka a kiti, wo tii yi kuma yon fɔla Ala ya seliya le ma ka a kiti. Ni mɔɔ min vɛ seliya kitila, wo tii t'a latelenna, mafɔ k'a jɛlɛ kɛ kititɛɛba le a kunna.

1 Piyɛli 2:1

Wo lɔ saa, ài yi koyon suu bɛ dabila, ani janvandeya, ani filangafoya, ani keleya, ani tɔɔfɔlikolu bɛ.

1 Yohana 3:12

Mɔ kà kɛ iwo Kabila, min ka kɛ Soitana ya mɔɔ le k'a dɔɔkɛ faa. A k'a dɔɔkɛ faa mindɛ lɔ? A ka wo kɛ kamasɔlɔn a kɛkolu kɛwonyayine tɛɛ, k'a talan a dɔɔkɛ kɛkolu telenyine tɛɛ.

1 Yohana 3:15

Ni mɔɔ min k'a badenma lagbeyaɲɛ, wo tii ni mɔɔfaaba kaanyine, ài do k'a lɔn ko niimaya banbali tɛ mɔɔfaaba foi josokun nɔ.

Ko Lankɛnɛmayanin 12:10

Wo kɔ, ǹ ka kumakan ba dɔ mɛn haijɛnɛ, a vɛɛ: «Tandainɔ yi ne, mɔ Tii Ala ya kisiko waate vɛ se, ani aa seetiiya ni aa masaya waate, ani aa Masa Tɔɔmasenin ya faamaya waate. Kamasɔlɔn ale min tɛɛ lɔnin Ala ɲakɔlɔ mɔ badenmalu jalakiko lɔ su ni tele, a la vɛ ben ka bɔ haijɛnɛ.