Ɛfɛsikalu 4:24 - Ala Ya Salatikan Kula Kitabu

²⁴ ani ka dajoo kula ta, Ala na min ladanna a jɛlɛkanu sawula lɔ telenmandeya ni sɛnɛya boloma, minu yi sɔlɔnna tuɲa sabu la.

Ɛfɛsikalu 4:24 ပူးပေါင်းရင်းမြစ်များ

Luka 1:75

ani m'i kɛ mɔɔ sɛnɛyanin ni telenmande le a ɲakɔlɔ maa dunuɲalɔtɛɛ bɛ lɔ.

Yohana 17:17

Ai bila ai ta fan i jɛlɛ yɛ ka bɛn tuɲandeya ma, kamasɔlɔn i kumakan yi tuɲa le le.

Lɔmukalu 12:2

Ài k'ài suma dunuɲakolu ma, mafɔ ài yi diɲa Ala y'ài miliya mafalin ka hangili kula di ài ma. Wo vɛ kɛla, ài kɛtɔ Ala sawo lɔnna, min keinyanin, ani min diyanin a yɛ, ani min dafanin.

Lɔmukalu 13:12

Su vɛ jaanfa, kɛnɛ bɔtɔle. Wo le y'a ma, ài m'i divilɔkolu dabila ka telelɔkolu ta k'ai kɛ maa kɛlɛkɛfennu le.

Lɔmukalu 13:14

Ài yi mɔ Tii Masa Tɔɔmasenin Isa dajoo ta ài jɛlɛ yɛ. Ài do k'ài sɔnja ài falikolo le butu ka bɛn a niikanukolu ma.

Lɔmukalu 6:4

Maa makoliko sabu la, mɔ su vɛ doon a fɛ ka kafon a kɔkan aa saya lɔ, fɔsa Masa Tɔɔmasenin lawulinin teme ka bɔ saya lɔ mɔ Fa Ala ya foniseleya lɔ, ǹu fana yi taama niimaya kula lɔ ten ne.

Lɔmukalu 7:6

Kɛɛ tandainɔ, mɔ la vɛ fɛlɛ ka bɔ seliya fanga kɔlɔ, kamasɔlɔn ko min na mɔ kɛla jɔn ne, mɔ vɛ sa ka bɔ wo ya jɔnya kɔlɔ. Wo le y'a kɛ, m'i se ka baale kɛ Ala yɛ Nii Sɛnɛyanin ya siya kula kɔkan, siya kɔlɔ mangan tɛ min sɛvɛnin.

Lɔmukalu 8:29

Kamasɔlɔn mɔɔ minu lɔnnin tɛɛ Ala bolo ka ta a damina ma, a k'a latɛɛ fana ko wolu yi kɛ a Denkɛ sawula le le, fɔsa wo yi kɛ den kunfɔlɔ le badenma siyama wotɛ.

1 Kolɛntikalu 15:53

Kamasɔlɔn falikolo tiɲata min yi mɔ ma, fɔ wo ma yi falin ka kɛ a tiɲabali le, ado fɔ mɔ falikolo sata ma yi falin ka kɛ a sabali le.

2 Kolɛntikalu 3:18

Faani bilinnin tɛ ǹu minu ɲa la, m'i mɔ Tii nɔɔlɔ jiyala iwo jiya yi yena duwalen nɔ teme. Wo ma, mɔ Tii min kɛnin Nii Sɛnɛyanin ne, wo yi mɔ mafalinna ka mɔ kɛ iwo ale gbu, ka nɔɔlɔ dɔ la a dɔ kɔkan waate bɛ.

2 Kolɛntikalu 4:16

Wo le y'a ma, mɔ jei tɛɛnin tɛ. Hali ni mɔ falikolo fanga ma ka kɛ jiila, mɔ nii yi kɛla a kula le tele o tele.

2 Kolɛntikalu 5:17

Ni mɔɔ min ka kɛ Masa Tɔɔmasenin ya kafonɲɔɔya lɔ, wo tii vɛ kɛ dannifen kula le. Ko kɔlɔlu vɛ tunun, ado ko kulalu le yi je butu.

Galatiyakalu 3:27

Àilu minu vɛ makoli sɔlɔn ka don Masa Tɔɔmasenin ya kafonɲɔɔya lɔ, ài vɛ ài masili Masa Tɔɔmasenin kɛɲa la iwo faani.

Galatiyakalu 6:15

Kɛnɛkɛko ni kɛnɛkɛbaliya do tɛ jatela ko le. Min yi jatela ko le, wo le ka kɛ dannifen kula le Ala bolo.

Ɛfɛsikalu 2:10

Kamasɔlɔn Ala baalenɔ le mɔ le, a na minu ladanna Masa Tɔɔmasenin Isa sabu la koɲumakɛko lɔ, fɔsa Ala gbu na koɲuma minu lɔbɛnna mɔ yɛ kɔlɔkɔlɔ le, m'i kɛ wolu kɛba le.

Ɛfɛsikalu 2:15

a ka Jahudiyalu ya seliya ni aa jamali ni kolatɛɛninnu bɛ laben, fɔsa aa kafonɲɔɔya lɔ, siboloma fila yi kɛ mɔɔ kula kelen ne, ka josolajii don ai tɛma.

Ɛfɛsikalu 6:11

Ài y'ài masili Ala ya kɛlɛkɛfennu bɛ le, fɔsa ài yi se ài lɔla Soitana ya ko lɔbɛnninu ɲa teme.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 1:8

Kɛɛ a na min ne fɔla ka bɛn a Denkɛ ma, a vɛɛ: «Ile Ala, i totɔ iya masayasiifen nɔ kudein, i iya masayabele minala telenmandeya bolo le ma.

Hebululu 12:14

Ài y'ài lɔja josolajii yi kɛ àilu ni mɔɔ bɛ wotɛ, ani k'i lɔja ka taama sɛnɛyali boloma, mɔ Tii tɛ se yena min kɔ.

1 Piyɛli 2:2

Ala kumakan sɛnɛyanin lɔɔ yi kɛ ài la, iwo sinji lɔɔ yi kɛla denɲanin na teme, fɔsa ài la yi sawati kisiko lɔ a sabu la,

2 Piyɛli 1:4

Ka bɛn ko wolu ma, a na lahedi kulugbɛlɛn babalu tala mɔ yɛ, fɔsa lahedi wolu fɛ, ài yi kisi ka bɔ dunuɲa kolɔtiɲalu lɔ minu yi nala niikanuko yonnu fɛ, ani ài y'ài ta sɔlɔn Ala ya foniseleya lɔ.