Ɛfɛsikalu 4:22 - Ala Ya Salatikan Kula Kitabu

²² ko ài y'ài dajoo kɔlɔ dabila, ài tɛɛ min ya siya lataamana kɔlɔkɔlɔ le, min lɔ yi tiɲala ka bɛn a mɔɔmanɛɛ nata yonnu ma.

Ɛfɛsikalu 4:22 ပူးပေါင်းရင်းမြစ်များ

Lɔmukalu 6:6

Mɔ do k'a lɔn ko mɔ dajoo kɔlɔ gbaanyine kɔlɔman ma Isa fɛ, fɔsa julumbu min tɛɛ mɔ dajoo kɔlɔ lɔ, wo fanga yi ban ani mɔ kana to julumbu ya jɔnya lɔ butu.

Lɔmukalu 7:11

Kamasɔlɔn julumbu na ɲa sɔlɔnna jamali wo le sabu la ka ǹ janva, ka ban ka ǹ faa.

2 Kolɛntikalu 11:3

Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ.

Galatiyakalu 1:13

Ài ka m̀ mangan mɛn ǹ tɛɛ taamana teme Jahudiya diina siya kɔkan, m̀'ɛ Ala ya limaniyajama jangatala henabaliya boloma, ka ǹ lɔja ai halakiko lɔ.

Ɛfɛsikalu 2:3

Tuɲa le, mɔ bɛ tɛɛ taamana siya kelen wo le kɔkan kɔlɔman ne, mɔ vɛ kolu kɛla ka bɛn mɔ falikolo niikanukolu ma. Ko min lɔɔ tɛɛ vɛ kɛla mɔ falikolo ni mɔ miliya la, mɔ tɛɛ wo le kɛla. Ka bɛn mɔ dajoo minu ma, mɔ tɛɛ vɛ don Ala ya mɔnɛya kɔlɔ, iwo adamaden tɔlu.

Ɛfɛsikalu 4:17

Ǹ'i min fɔla yi ne mɔ Tii tɔɔ lɔ k'a magbeleya, ǹ ko, ài kà kɛ taamana butu iwo Alalɔnbalilu y'a kɛla teme ai miliya fuun ne.

Ɛfɛsikalu 4:25

Wo ma yi ne, ài yi faɲafɔ dabila. Ài kelenkelenna bɛ yi tuɲa fɔ ài mɔɔɲɔɔlu yɛ, kamasɔlɔn mɔ bɛ yi falikolo kelen ɲɔɔmalu le le.

Ɛfɛsikalu 4:31

Wo lɔ, ài yi josolakuna dabila, ani josobɔ, ani mɔnɛ, ani wɔyɔ, ani tɔɔtiɲali, ani kɔnɔlɔgbeya suu bɛ.

Kɔlɔsikalu 2:11

Ài vɛ jii kɛnɛ lɔ aa kafonɲɔɔya lɔ, kɛɛ ài makɛnɛkɛko tɛ mɔɔnivin bolonɔ le, mafɔ Masa Tɔɔmasenin nɔ, min n'ài lafɛlɛla k'ài bɔ ài falikolo ladiyanankolu ya fanga kɔlɔ.

Tite 3:3

Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.

Hebululu 12:1

Komi mɔ lamininnin sele jama ba suu min ne, wo le y'a ma, ài m'i ko bɛ to je min yi mɔ lasumayala ani julumbu minu ta diyanin mɔ bolo, fɔsa m'i se bɔli manɔla min latɛɛnin mɔ ma,

Hebululu 3:13

Kɛɛ do, ài yi to i ɲɔɔ sɛmɛdonna lon bɛ, damanda mɔɔ yi se a fɔla «bi», fɔsa julumbu kana ài suu suu manɛɛ k'ài josokun ja.

Janguba 1:21

Wo le y'a ma, ài yi kokɔsɔnin ni dannatimin yon bɛ dabila, k'ài bolo sii Ala kumakan kɔlɔ fanmajii boloma, a na min donna ài josokun nɔ, min yi se k'ài nunakili lakisi.

Janguba 1:26

Ni mɔɔ dɔ k'a jɛlɛ jate diinamɔɔ le, k'a talan a tɛ a nɛɛ kunmafɛlɛnna, wo tii y'a jɛlɛ le manɛɛla, ado aa diinako yi kofuun ne le.

1 Piyɛli 1:18

Ài y'a lɔn ko ài kunma ma ka ka bɔ ài bemanu ya namun fuunnu ma fen tiɲata sabu la iwo wɔligbɛ ni sanu,

1 Piyɛli 4:3

Tuɲa le, ài na waate min kɛla Alalɔnbalilu ladiyanankolu la kɔlɔman ne, wo vɛ je bɔ, iwo ài tɛɛ malobaliyakolu kɛla teme, ani niikanuko yonnu, ani gbɛtɔya, ani dannatimin tolonnu, ani joo kɔsɔninnu sɔko.

2 Piyɛli 2:13

Ai na koyon minu kɛla, wo ɲɔɔzii le kɛtɔ kɛla ai sala le. A do diyayine ai yɛ ka manamanakolu kɛ tele gba la. Ni ai vɛ kɛla ài tɛma àiya feetikɛya lɔ, ai àiya kolu lakɔsɔla k'ài lanɔɔ, ai v'ai jɛlɛ diyabɔla aiya janvandeyakolu le.

2 Piyɛli 2:7

Kɛɛ a ka telenmande Luti lakisi, min nii tɔlɔyanin tɛɛ bubale ka bɛn koyonkɛbalu ya malobaliyakolu ma.