Ɛfɛsikalu 4:18 - Ala Ya Salatikan Kula Kitabu

¹⁸ Aiya koɲaye lɔdiviyine, k'ai majaan Ala ya niimaya la, ka bɛn aiya kolɔnbaliya ni aiya josokunja ma.

Ɛfɛsikalu 4:18 ပူးပေါင်းရင်းမြစ်များ

Matiyu 13:15

Kamasɔlɔn bi mɔɔlu josokun vɛ ja, ai vɛ ai tolo datuun, k'ai ɲa masili, alako ai ɲa kana yeni kɛ, ai tolo kana ko mɛn, ani ai josokun kana koɲaye, ani ai kana ai jɛlɛ lasei m̀ ma, min y'a kɛ, ǹ'ai lakisi.›

Malɛkɛ 3:5

Wo kɛ, Isa v'i ɲa kaana ai lɔ mɔnɛya boloma. A niila ka fin ka bɛn aiya josokunja ma. Wo lɔ, Isa vɛɛ kɛ́ yɛ: «I bolo lɔsama.» Kɛ́ k'a bolo lɔsama mingɛ, a bolo ka kɛnɛya telemanin.

Yohana 12:40

«Ala vɛ ai ɲa gbɛ ani k'ai josokun ja, alako ai ɲa kana yeni kɛ, ani ai josokun kana koɲaye, kamasɔlɔn ai t'a fɛ k'ai jɛlɛ lasei Ala ma, fɔsa a tɛɛ ai lakisi.»

Kɛkolu 17:30

Waate lɔ, Ala ma aiya kolɔnbaliya jate ko le, kɛɛ tandainɔ, a yi mɔɔ bɛ jamalila fan bɛ lɔ ko ai yi tube.

Kɛkolu 3:17

«M̀ badenmalu, ǹ k'a lɔn ài na ko min kɛla Isa la kolɔnbaliya le boloma, àilu ni àiya ɲamɔɔlu.

Lɔmukalu 1:28

Komi ai ma Ala lɔnko ta ko sɔvɛ le, wo le k'a kɛ, Ala k'ai bila ai jɛlɛ ma ai miliya kolonnu kɔ, fɔsa ai yi kolu kɛ minu man kan ka kɛ.

Lɔmukalu 11:25

M̀ badenmalu, jani ài y'ài jɛlɛ jate hangilima le, ǹ'a fɛ ài yi kɛ gbonoko min kalama: Bani Isilankalu fan kelen kunnɔ vɛ gbeleya, haan fɔɔ siboloma gbɛlɛ mɔɔlu jate dafanin yi don Ala ya masaya lɔ.

Lɔmukalu 11:7

A yi di wo lɔ? Bani Isilankalu tɛɛ ko min ɲininna, ai ma wo sɔlɔn. Ai lɔ mɔɔ taninnu le n'a sɔlɔnna, kɛɛ a tɔ bɛ le na kɛla mɔɔ kataigbɛlɛn ne.

Lɔmukalu 2:19

I lanin i jɛlɛ la ko ɲagbɛlu ya ɲabila le i le, ani divilɔmɔɔlu ya kɛnɛya.

1 Kolɛntikalu 1:21

Ala k'a latɛɛ aa hangilimaya lɔ ko dunuɲa ni aa hangilimaya bɛ, a ma se Ala lɔnna a jɛlɛkanu ya hangilimaya fɛ. Kɛɛ a do ka diya Ala yɛ ka a malimaniyamɔɔlu lakisi ka bɛn kawanili wo ma, dunuɲamɔɔlu yi min jatela hangilindanya kuma le.

1 Kolɛntikalu 2:8

Dunuɲa kuntii suu suu tɛɛ ma hangilimaya wo ɲaye. Niwotɛ, ai tɛɛ tɛnala mɔ Tii nɔɔlɔnin gbaanna kɔlɔman ma.

2 Kolɛntikalu 3:14

Kɛɛ do, Bani Isilankalu hangili la ka gbasi. Hali bi, ni wolu ka kɛ salatikan kɔlɔ kitabulu kalanna, a kɛyine iwo faani kelen wo le bilinnin ai ɲa la bene. Faani wo ma bɔ je, kamasɔlɔn a tɛ se bɔla je ni mɔɔ ma don Masa Tɔɔmasenin ya kafonɲɔɔya lɔ.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

Galatiyakalu 4:8

Waate lɔ, ài tɛɛ Alalɔnbaliya lɔ mingɛ, ài tɛɛ jɔnya lɔ tii dɔlu bolo, minu tɛ tii bɛlɛbɛlɛlu le.

Ɛfɛsikalu 2:1

Waate lɔ, mɔɔ sanin ne tɛɛ ài le ka bɛn àiya hakɛlu ni àiya julumbulu ma,

Ɛfɛsikalu 2:12

Wo waate lɔ, àilu ni Masa Tɔɔmasenin wotɛ falanyine tɛɛ. Lona le tɛɛ ài le, minu fɛ tɛɛ tɛ Bani Isilankalu la. Ala na ko minu lahedi tala aa mɔɔlu yɛ aa salatikannu lɔ, ài sen tɛɛ tɛ wo dɔ lɔ. Ài tɛɛ ten ne dunuɲa, jeisii foi tɛɛ tɛ ài la, ado Ala tɛɛ tɛ ài fɛ.

Kɔlɔsikalu 1:21

Waate lɔ, ài majaanyine tɛɛ Ala la k'ài kɛ a juulu le ka bɛn ài miliyalu ma ani ài kɛko yonnu.

1 Tɛsalonikakalu 4:5

Ài do kà bila ài falikolo niikanukolu kɔ, iwo Alalɔnbalilu y'a kɛla teme.

Hebululu 5:2

A do yi sene ka kolɔnbalilu ni mɔɔ filininnu lɔmina sɔniyali boloma, kamasɔlɔn ale gbu y'ai ɲɔɔzii fangandan ne le.

Hebululu 9:7

Kɛɛ salakalase kuntiiba kelenpesa le tɛɛ donna a kɔnɔla filana lɔ siɲa kelen ne san kɔlɔ. A do tɛɛ tɛ donna je ni a ma na kolofen jeli le, fɔsa a tɛɛ wo bɔ salaka le ka bɛn a jɛlɛkanu ya julumbulu ma, ani jama talu, ai na minu tala k'a talan ai m'a lawulilama.

Janguba 4:4

Àilu lanandeyabalilu! Ài m'a lɔn ko dunuɲa kanu yi nala Ala lagbeyaɲɛ le le? Wo lɔ, ni mɔɔ mɔɔ si y'a fɛ k'a jɛlɛ kɛ dunuɲa kanuba le, wo tii kɛtɔ a jɛlɛ kɛla Ala juu le le.

1 Piyɛli 1:14

Àilu den koloninnu, ài kà taama ka bɛn ài niikanuko yonnu ma ài tɛɛ minu lɔ àiya kolɔnbaliya waate lɔ,

1 Yohana 2:11

Kɛɛ mɔɔ min y'a badenma lagbeyaɲɛla, wo tii yi divi le lɔ. A do yi taamana divi le lɔ. A m'a taaya lɔn, kamasɔlɔn divi v'a ɲa gbɛ.