Ɛfɛsikalu 4:17 - Ala Ya Salatikan Kula Kitabu

¹⁷ Ǹ'i min fɔla yi ne mɔ Tii tɔɔ lɔ k'a magbeleya, ǹ ko, ài kà kɛ taamana butu iwo Alalɔnbalilu y'a kɛla teme ai miliya fuun ne.

Ɛfɛsikalu 4:17 ပူးပေါင်းရင်းမြစ်များ

Luka 16:28

Kamasɔlɔn ǹ dɔɔkɛ mɔɔ loolu yi je. Diɲa, a yi taa ai lali, alako ai kana na jangata dingila min nɔ.›

Kɛkolu 14:15

«Kɛ́lu, mindɛ lɔ ài yi ko suu min kɛla yi ne? Ǹu gbu yi mɔɔnivin ne le iwo àilu. Mɔ bɛ yi suu kelen ne le. Mɔ nanin Samakan Kein ne lasena ài ma, fɔsa ài yi kofuun minu to je ka Ɲɛnɛmayatii Ala bato, min na sangbolo ni duukolo ni kɔɔji ladanna ani ai kɔnɔlɔfen bɛ.

Kɛkolu 18:5

Silasi ni Timote ka na mingɛ ka bɔ Maseduwani, Pɔli k'a gbaladon Ala kumakan lasenko ma, a vɛ seleya dila Jahudiyalu ma ko Isa le Masa Tɔɔmasenin ne.

Kɛkolu 2:40

Piyɛli ka kuma siyama la wo kɔkan ka to ai lalila, a vɛɛ: «Ài y'ài jɛlɛ lakisi ka bɔ jangata ma min natɔ bi mɔɔ yonnu kanma!»

Kɛkolu 20:21

Ǹ tɛɛ Jahudiyalu ni siboloma bɛ lalila ko ai y'ai jɛlɛ lasei Ala ma, ka limaniya mɔ Tii Isa ma.

Lɔmukalu 1:21

Hali ai yi Ala ya ko kalama, ai ma magbiliyali di a ma iwo Ala, niwotɛ ka balika bɔ a yɛ. Mafɔ, ai hangili la ka gbasi, ado aiya hangilindanya vɛ ai bila divi lɔ.

1 Kolɛntikalu 1:12

N'i min fɔla yi ne, wo le min ne: A dɔ vɛɛ ko: «Ǹe yi Pɔli le fɛ.» A dɔgbɛlɛ vɛɛ ko: «Ǹe yi Apolosi le fɛ.» A dɔgbɛlɛ vɛɛ ko: «Ǹe yi Piyɛli le fɛ.» A dɔgbɛlɛ vɛɛ ko: «Ǹe yi Masa Tɔɔmasenin le fɛ.»

1 Kolɛntikalu 15:50

M̀ badenmalu, ǹ'i min fɔla yi ne, wo kɔlɔ le ko mɔ falikolo min yi bu ni jeli le, wo tɛ se donna Ala ya masaya lɔ, ado fen tiɲata fɛ tɛ se kɛla fen tiɲabali la.

2 Kolɛntikalu 9:6

Ài k'a lɔn ne ko ni mɔɔ min ka malosi dɔni falin, wo tii fana kɛtɔ malo dɔni ne kalila. Kɛɛ do, ni mɔɔ min ka malosi siyama falin, wo tii kɛtɔ malo siyama ne kalila.

Galatiyakalu 3:17

Ǹa kuma kɔlɔ le min ne: Nabi Musa ya seliya min dinin tɛɛ sanji kɛmɛ naani ni sanji bisawa (430) le Ala ya lahedi ta kɔ Ibulahima yɛ, wo ma se salatikan kunfɔlɔ wo tiɲala, kumatɛ ka Ala ya lahedi tanin lɔsa.

Galatiyakalu 5:3

Ǹ'a fɔla kɔtunun k'a magbeleya, ni kɛ́ min ka diɲa a makɛnɛkɛko ma, fɔ wo tii yi Nabi Musa ya seliya lakunnin latelen diyanigbeya boloma.

Ɛfɛsikalu 1:22

Ala vɛ fen bɛ bila Isa sen kɔlɔ, k'a lasii limaniyajama kunna,

Ɛfɛsikalu 4:22

ko ài y'ài dajoo kɔlɔ dabila, ài tɛɛ min ya siya lataamana kɔlɔkɔlɔ le, min lɔ yi tiɲala ka bɛn a mɔɔmanɛɛ nata yonnu ma.

Kɔlɔsikalu 2:18

Ài kà diɲa mɔɔ suu suu y'ài jobaliya, minu yi faɲafɔ fanmajii kɛla ani ka mɛlɛkalu bato. Mɔɔ wolu yi ko siyama le ɲafɔla, ai vɛɛ ko Ala le na wolu lajɛlɛla ai ɲa ma, k'ai fannɔbuɲa fuun ka bɛn aiya adamadenya miliya ma dein.

Kɔlɔsikalu 2:4

Ǹ'i min fɔla ài yɛ yi ne fɔsa mɔɔ mɔɔ kana ài majuwaya kuma madiyaninnu le.

1 Tɛsalonikakalu 4:6

Mɔɔ mɔɔ kà hakɛ ta niwotɛ ka janva ladon a badenma ma ko minu lɔ. Kamasɔlɔn mɔɔ minu yi ko suu wo kɛla, mɔ Tii kɛtɔ wo hakɛ bɔla mɔɔ wolu lɔ, iwo mɔ n'a fɔla ài yɛ teme kɔlɔkɔlɔ le k'a magbeleya.

1 Timote 5:21

Ǹ'i jamalila Ala ni Masa Tɔɔmasenin Isa ɲakɔlɔ, ani aa mɛlɛka taninnu, ǹ ko, i yi ko minu latelen. I kà dɔ fisa a dɔ le, i kà mɔɔ lɔtɔmɔn.

1 Timote 6:13

Ǹ'i jamalila Ala ɲakɔlɔ min yi niimaya dila fen bɛ ma, ani Masa Tɔɔmasenin Isa ɲakɔlɔ min na seleya ɲuma dila Ponsi Pilati ɲakɔlɔ:

2 Timote 4:1

Ka bɛn Masa Tɔɔmasenin lankɛnɛmayako ni aa masaya ma, ǹ'i jamalila Ala ɲakɔlɔ, ani Masa Tɔɔmasenin Isa min kɛtɔ niimalu ni fulenilu bɛ ya kiti tɛɛla, ǹ ko:

1 Piyɛli 1:18

Ài y'a lɔn ko ài kunma ma ka ka bɔ ài bemanu ya namun fuunnu ma fen tiɲata sabu la iwo wɔligbɛ ni sanu,

2 Piyɛli 2:18

Ai y'ai wasola kuma kundannu le, fɔsa mɔɔ minu yi kisi boloma ka bɔ mɔɔ filininnu tɛma, ai yi wolu manɛɛ ka bɛn falikolo niikanukolu ma.