Ɛfɛsikalu 4:14 - Ala Ya Salatikan Kula Kitabu

¹⁴ Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.

Ɛfɛsikalu 4:14 ပူးပေါင်းရင်းမြစ်များ

Matiyu 11:7

Yaya ya keladennu kɔseitɔla, Isa vɛ kumala jama yɛ ka bɛn Yaya ya ko ma, a vɛɛ: «Ài na taala ka mindɛ ye fuwa lɔ? Ài na kaa le yena, fɔɲɛ yi min lamaamaala? Wo tɛ dɛ!

Matiyu 24:11

Faɲafɔ kela siyama wulitɔ ka mɔɔ siyama lafili.

Matiyu 24:24

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Kɛkolu 23:21

Kɛɛ i kà diɲa wo ma, kamasɔlɔn mɔɔ binaani (40) ni kɔ kɔngɔnin a la siya la, minu vɛ ai sɛ ko ai tɛnala dɔnni kɛla, kumatɛ k'i min, fɔ ai vɛ banna Pɔli faala. Ai lɔbɛnyine, ai i diɲako le makɔnɔna butu.»

1 Kolɛntikalu 12:2

Ài k'a lɔn ne ko ài tɛɛ Alalɔnbali le waate min nɔ, ài la ka fili boloɲa suu bɛ dɔ ma k'ài bila joo dandannu kɔ.

1 Kolɛntikalu 14:20

M̀ badenmalu, ài hangili kà kɛ iwo dennilu. Koyon ta fannɔ, ài yi kɛ iwo denɲanin, kɛɛ hangilimaya ta fannɔ, ài yi kɛ kɛmɔbalu le.

1 Kolɛntikalu 3:19

Kamasɔlɔn dunuɲamɔɔlu ya hangilimaya yi Ala ɲana hangilindanya le le. A do sɛvɛnin kitabu kɔnɔ tan ne, ko: «Ala yi hangilimalu minala aiya jateeya le fɛ.»

2 Kolɛntikalu 2:17

Mɔ do kɛnin tɛ iwo dɔ mɔɔ siyama minu yi Ala kumakan kɛla julayafen ne, mafɔ mɔɔ sɔvɛ le mɔ le, minu yi kumala Ala ɲakɔlɔ Masa Tɔɔmasenin ya see lɔ, iwo mɔɔ minu kelanin Ala bolo.

2 Kolɛntikalu 4:2

Ǹu koni v'i ban maloyakolu ma minu yi kɛla divi lɔ. Mɔ do tɛ gbanaya kɛla, kumatɛ ka Ala kumakan jɛlɛma. Mafɔ, m'i tuɲa le fɔla k'a lagbɛ, fɔsa bɛ y'a jate ai jɛlɛ kɔnɔ m'i mɔɔ suu min ne Ala ɲakɔlɔ.

Galatiyakalu 3:1

Àilu Galatiyaka hangilindannu! Jene n'ài hangili ɲaamina? Masa Tɔɔmasenin Isa gbaannin kɔlɔman ma kun min na, ǹ na wo lagbɛla ài yɛ kɔlɔman ne.

Ɛfɛsikalu 6:11

Ài y'ài masili Ala ya kɛlɛkɛfennu bɛ le, fɔsa ài yi se ài lɔla Soitana ya ko lɔbɛnninu ɲa teme.

1 Timote 3:6

A kà kɛ mɔɔ tubenin kula le, fɔsa a kana a fannɔbuɲa ka Soitana ya kolatɔn ɲɔɔzii sɔlɔn.

2 Timote 1:15

I k'a lɔn ne ko limaniyamɔɔ minu yi Esiya koovi lɔ, wolu bɛ vɛ ai kɔdon ǹ na, Fijɛli ni Helimojɛni bɛlɛbɛlɛ le.

2 Timote 3:13

Kɛɛ mɔɔ yonnu ni wunafalilu koni, a dɔ kɛtɔ tola lala aiya koyon ne kɔkan kudein, ai vɛ dɔlu lafilila iwo ailu gbu lafilinin teme.

2 Timote 4:3

Kamasɔlɔn waate dɔ sentɔ, mɔɔlu tɛnala diɲala k'ai tolomalɔ kalan sɔvɛ ma. Kɛɛ ai kɛtɔ bilala ai jɛlɛkanu niikanukolu le kɔ, ka kalanmɔɔ siyama ɲinin ai jɛlɛ yɛ minu kɛtɔ ai tolo ladiyanankumalu fɔla ai yɛ.

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.

Janguba 1:6

Kɛɛ fɔ wo tii yi daili kɛ limaniya le lɔ, a do kà sika, kamasɔlɔn mɔɔ min yi sikala, wo tii kɛyine iwo kɔɔji kilinkilin min yi taa ni sei kɛla fɔɲɛ bolo.

Janguba 3:4

Ài y'ài mili kɔtunun kulunbalu ma. Hali ai buɲanin ka kɛ kosɛvɛ ani fɔɲɛ ba ka kɛ ai lasusula, kulunbɔlibalu yi sene k'ai lataa ai sawonan fannɔ kulunkala mɛsɛnnin ne.

2 Piyɛli 2:18

Ai y'ai wasola kuma kundannu le, fɔsa mɔɔ minu yi kisi boloma ka bɔ mɔɔ filininnu tɛma, ai yi wolu manɛɛ ka bɛn falikolo niikanukolu ma.

1 Yohana 2:19

Mɔɔ wolu bɔnin mɔ tɛma le, kɛɛ ai fɛ tɛɛ tɛ mɔ la, kamasɔlɔn ni ai tɛɛ kɛ mɔ dɔ le, ai tɛɛ tole mɔ fɛ. Kɛɛ komi ai vɛ bɔ mɔ fɛ, wo v'a lagbɛ ko ai suu suu fɛ tɛɛ tɛ mɔ la.

1 Yohana 2:26

Ǹ'i min sɛvɛla ài ma ka bɛn mɔɔ wolu ya ko le ma, minu y'a fɛ k'ài lafili.

1 Yohana 4:1

Ǹ diyananmɔɔlu, ài kà la mɔɔ bɛ la minu y'a fɔla ko Ala Nii y'ai fɛ, kɛɛ ài y'ai lakɔlɔsi bene k'a lɔn ni Ala Nii le y'ai fɛ, kamasɔlɔn faɲafɔ kelalu vɛ siyaya dunuɲa.

Jude 1:12

Ài vɛ ài ladɛnna badenmaya boloma feetikɛko lɔ, mɔɔ wolu yi nala tiɲali le le ài tɛma, ai vɛ tolon kɛla ài fɛ malobaliya boloma. Saakunnasiiba le ai le minu gbalanin ai jɛlɛkanu ko le dein, ka saalu to je. Ai do kɛyine iwo sanbiliya minu yi taala fɔɲɛ fɛ, sanji tɛ minu lɔ. Ai kɛyine kɔtunun iwo kɔlɔman minu tɛ ai denna hali ai den waate ka kɛ, ani kɔlɔman minu ju bɔnnin duu lɔ ka sa feu.

Ko Lankɛnɛmayanin 19:20

Kɛɛ ai do ka soofali mina ani faɲafɔ kela min tɛɛ vɛ kawanankolu kɛ soofali wo ɲakɔlɔ. Kawananko wolu le na kɛla sabu le ka mɔɔlu lafili, minu na soofali ya tɔɔmase sɔlɔnna ai fali ma, ani ka soofali sawula bato. Soofali ni faɲafɔ kela ɲɛnɛma la ka fila taa diɲa ba lɔ, timiliki kawa yi ɲɛninna tɛɛminja.