Ɛfɛsikalu 4:13 - Ala Ya Salatikan Kula Kitabu

¹³ Wo do kɛtɔ tola i lɔ haan fɔɔ mɔ bɛ vɛ bɛnna a lɔ ka bɛn limaniya ma, ani ka bɛn Ala Denkɛ ya lɔnni ma, ka mɔ kɛ kɛmɔbalu le, ka se Masa Tɔɔmasenin gbu dafaɲa jate ma.

Ɛfɛsikalu 4:13 ပူးပေါင်းရင်းမြစ်များ

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Yohana 1:16

Mɔ bɛ v'a dɔ sɔlɔn aa nɛɛma dafanin nɔ, ka nɛɛma dɔ kafon a dɔ kɔkan.

Yohana 16:3

Ai kɛtɔ ko wo suu kɛla ài la kamasɔlɔn ai ma ǹ Fa lɔn, kumatɛ ǹe ma.

Yohana 17:21

fɔsa ai bɛ yi kɛ kelen ne, iwo ile ǹ Fa kafonnin ǹ kan teme, ani ǹe gbu kafonnin i kan teme. Diɲa ailu fana yi kafon mɔ kan ten, fɔsa dunuɲa yi limaniya k'a fɔ ko ile le na ǹ kelayala.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Yohana 6:69

Mɔ do vɛ limaniya yi ne, ani k'a lɔn ko ile le Ala ya Mɔɔ Sɛnɛyanin ne.»

Kɛkolu 4:32

Limaniyajama bɛ bɛnnin tɛɛ a lɔ ai josokun ni ai miliya lɔ. Wo lɔ, mɔɔ mɔɔ tɛɛ tɛ a bolofennu jatela ale kelen ta le, mafɔ k'ai dɛn ai bolofennu la.

1 Kolɛntikalu 1:10

M̀ badenmalu, ǹ'ài madiyala mɔ Tii Masa Tɔɔmasenin Isa tɔɔ lɔ, ǹ ko, ài yi bɛn a lɔ, fɔsa falanɲɔɔya kana don ài tɛma, mafɔ ài yi kɛ kelen ne ài miliya ni àiya kolatɛɛnin bɛ lɔ.

1 Kolɛntikalu 14:20

M̀ badenmalu, ài hangili kà kɛ iwo dennilu. Koyon ta fannɔ, ài yi kɛ iwo denɲanin, kɛɛ hangilimaya ta fannɔ, ài yi kɛ kɛmɔbalu le.

1 Kolɛntikalu 2:6

Wo bɛ n'a kɛ, m'i hangilimaya kumalu lasena mɔɔlu ma minu sawatinin limaniya lɔ. Kɛɛ do, hangilimaya wo suu tɛ dunuɲa ta le, niwotɛ dunuɲa kuntiilu ta, minu yi tunun boloma yi ne.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

Galatiyakalu 4:19

Ǹ dennu, ǹ'i tɔlɔyala kɔtunun àiya ko le lɔ iwo moso min yi tin nɔ, haan fɔɔ Masa Tɔɔmasenin ya ko yi dafa ài josokun nɔ.

Ɛfɛsikalu 1:17

Mɔ Fa Nɔɔlɔtii, min kɛnin mɔ Tii Masa Tɔɔmasenin Isa Tii Ala le, ǹ'i wo dalila, ǹ ko, a yi hangilimaya di ài ma, ka kolu lankɛnɛmaya ài yɛ fɔsa ài y'a lɔn a ɲa gbugbu ma.

Ɛfɛsikalu 1:23

a falikolo koni, aa ko bɛ dafanin min nɔ, k'a talan ale gbu yi ko bɛ dafala boloɲa bɛ ma.

Ɛfɛsikalu 2:15

a ka Jahudiyalu ya seliya ni aa jamali ni kolatɛɛninnu bɛ laben, fɔsa aa kafonɲɔɔya lɔ, siboloma fila yi kɛ mɔɔ kula kelen ne, ka josolajii don ai tɛma.

Ɛfɛsikalu 4:12

A na wo kɛla fɔsa a yi mumininnu lɔbɛn Ala ya baaleko lɔ ani ka limaniyajama lasawati, min taanin kɛla Masa Tɔɔmasenin falikolo le.

Ɛfɛsikalu 4:3

Nii Sɛnɛyanin n'ài bɛnna a lɔ teme, ài y'ài lɔja fɔsa bɛn wo yi to ài tɛma ka bɛn josolajii ma min y'ài lakafonna.

Ɛfɛsikalu 4:5

Mɔ Tii kelen ne yi je, limaniya siya kelen yi mɔ bolo ka taa min ma, ado mɔ bɛ makonin ji kɔlɔ tɔɔ kelen wo le le.

Filipikalu 3:10

Min lɔɔ yi ǹ na, wo le ka Masa Tɔɔmasenin gbu lɔn, ani ka seetiiya wo lɔn min na a lawulila ka bɔ saya lɔ, ani ka ǹ kɛ a lankan ne aa tɔlɔyalu lɔ, ka ǹ kɛ iwo ale aa saya lɔ,

Filipikalu 3:8

Tuɲa le, ǹ'i ko bɛ jatela bɔnɔ le le, kamasɔlɔn ka ǹ Tii Masa Tɔɔmasenin Isa lɔn, wo kulugbeleyanin vɛ ko bɛ le. Ale ya ko lɔ, m̀'ɛ bɔnɔ ko bɛ la ka wo bɛ jate iwo ɲama, fɔsa ǹ'i Masa Tɔɔmasenin sɔlɔn,

Kɔlɔsikalu 1:28

Wo lɔ, m'i Masa Tɔɔmasenin ya ko lasena mɔɔ bɛ ma, k'ai lali, ani k'ai kalan hangilimaya bɛ la, fɔsa m'i mɔɔ kelenkelenna bɛ dafanin lalɔ Ala ɲakɔlɔ Masa Tɔɔmasenin ya kafonɲɔɔya lɔ.

Kɔlɔsikalu 2:2

Ǹ'i wo sɛɛ le la fɔsa ai sɛmɛ yi don, ani ai yi bɛn a lɔ kanundeya boloma, ka lɔnni dafanin sɔlɔn hangilimaya boloma fɔsa ai yi Ala ya gbonoko lɔn, min taanin kɛla Masa Tɔɔmasenin gbu le,

Hebululu 5:14

Kɛɛ dɔnnifen lɔjanin yi kɛmɔbalu ta le le, minu vɛ ai jɛlɛ kalan koɲuma ni koyon wotɛbɔ ko la.

2 Piyɛli 1:4

Ka bɛn ko wolu ma, a na lahedi kulugbɛlɛn babalu tala mɔ yɛ, fɔsa lahedi wolu fɛ, ài yi kisi ka bɔ dunuɲa kolɔtiɲalu lɔ minu yi nala niikanuko yonnu fɛ, ani ài y'ài ta sɔlɔn Ala ya foniseleya lɔ.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.