Ɛfɛsikalu 3:19 - Ala Ya Salatikan Kula Kitabu

¹⁹ ani ka aa kanundeya wo lɔn, min timinnin lɔnni bɛ la, fɔsa àiya ko bɛ da yi fa ka bɛn Ala ya kojatesiininnu dafaɲa bɛ ma.

Ɛfɛsikalu 3:19 ပူးပေါင်းရင်းမြစ်များ

Matiyu 5:6

Duwawuden ne mɔɔ wolu le, kɔɔn ni minkɛlɔɔ yi minu la ka bɛn telenmandeya lataamanko ma, kamasɔlɔn Ala kɛtɔ ai lawasala.

Yohana 1:16

Mɔ bɛ v'a dɔ sɔlɔn aa nɛɛma dafanin nɔ, ka nɛɛma dɔ kafon a dɔ kɔkan.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Lɔmukalu 8:35

Mindɛ le yi se mɔ fɛ tɛɛla Masa Tɔɔmasenin ya kanundeya la? Tɔlɔya, niwotɛ hangili ɲaami? Jangata, niwotɛ kɔɔn? Feeyabɔtanya, niwotɛ masuwako, niwotɛ siyamifan?

2 Kolɛntikalu 5:14

Kamasɔlɔn Masa Tɔɔmasenin ya kanundeya le yi mɔ lamalala. Mɔ do v'a ɲaye ko kɛ́ kelen ne sanin bɛ ya ko lɔ. Wo ma, bɛ fɛ y'aa saya la.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Ɛfɛsikalu 1:23

a falikolo koni, aa ko bɛ dafanin min nɔ, k'a talan ale gbu yi ko bɛ dafala boloɲa bɛ ma.

Ɛfɛsikalu 3:18

wo vɛ kɛla, àilu ni mumininnu bɛ kɛtɔ fanga sɔlɔnna ka Masa Tɔɔmasenin ya kanundeya buɲa jate lɔn,

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

Ɛfɛsikalu 5:25

Kɛ́lu, ài y'ài mosolu kanu iwo Masa Tɔɔmasenin na limaniyajama kanula teme, k'a jɛlɛ di aa ko lɔ,

Filipikalu 1:7

Ado ǹ jo le a lɔ ka m̀ mili tan ka bɛn ài ma, kamasɔlɔn àiya ko gbaanyine ǹ josokun na. Kamasɔlɔn àilu le ǹ lankan ne Ala ya nɛɛma lɔ, m̀'ɛ kɛla kaso la, niwotɛ m̀'ɛ ǹ lɔla Samakan Kein kɔ kɔlɔ k'a lasawati.

Filipikalu 4:7

Wo vɛ kɛla, Ala ya josolajii min timinnin adamadennu ya koɲaye bɛ la, wo kɛtɔ ài josokun ni ài miliya ladalola Masa Tɔɔmasenin Isa ya kafonɲɔɔya lɔ.

Kɔlɔsikalu 1:10

Wo vɛ kɛla, ài taamaɲa yi mɔ Tii lasawale, ka diya a yɛ boloɲa bɛ ma, ài vɛ koɲuma suu bɛ dɔ kɛla ka to taala ɲafɛ Ala lɔnko lɔ.

1 Piyɛli 1:8

Ài ma Isa ye ba bene, kɛɛ ài y'a kanula. Ài do ɲa t'a la yi ne, kɛɛ ài limaniyanin a ma. Wo ma, àiya kɔnɔlɔdiya magbiliyaɲa jate ɲa tɛ se fɔla,

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.