Ɛfɛsikalu 3:17 - Ala Ya Salatikan Kula Kitabu

¹⁷ fɔsa Masa Tɔɔmasenin yi sawati ài josokun nɔ ka bɛn limaniya ma. Ǹ'i Ala dalila kɔtunun, ǹ ko, àiya kanundeya lilen yi don ka bama,

Ɛfɛsikalu 3:17 ပူးပေါင်းရင်းမြစ်များ

Matiyu 13:6

Tele ba ka bɔ mingɛ, ai ka ja, kamasɔlɔn ai lilen tɛɛ ma don duu kɔlɔ kosɛvɛ.

Luka 6:48

A kɛyine iwo bonlɔba min na diɲa ba senna, ka aa bonjusii falakolo kɔkan. Kɔɔ ka fa ka se bon wo ma, kɛɛ bon ma jaajaa, kamasɔlɔn a lɔnin tɛɛ kobɛn.

Yohana 14:17

Nii Sɛnɛyanin koni, min yi tuɲa lankɛnɛmayala. Dunuɲa tɛ se wo sɔlɔnna, kamasɔlɔn a tɛ se a yena, kumatɛ k'a lɔn. Kɛɛ àilu k'a lɔn ne, kamasɔlɔn a ài fɛ, ani a kɛtɔ ài josokun nɔ.

Yohana 14:23

Isa k'a javi, a vɛɛ: «Ni mɔɔ min vɛ ǹ kanula, wo tii kɛtɔ ǹ kumakan labatola, ado ǹ Fa fana kɛtɔ a kanula. Ǹe ni ǹ Fa kɛtɔ nala a ma ka to a fɛ.

Yohana 17:23

Ǹ kafonnin ai kan, ado ile ni ǹe kafonnin i ɲɔɔ kan, fɔsa ai yi kɛ kelen ne bɛlɛbɛlɛ kɛ. Wo vɛ kɛla, dunuɲa kɛtɔ a lɔnna ko ile le na ǹ kelayala, ani i n'ai kanula iwo i na ǹ kanula teme.

Yohana 6:56

Wo le y'a ma, ni mɔɔ min ka ǹ falikolo dɔn ani ka ǹ jeli min, wo tii totɔ ǹa kafonɲɔɔya le lɔ, ǹe fana totɔ kafonɲɔɔya lɔ wo tii fɛ.

Lɔmukalu 5:5

Jeisii wo tɛnala maloya lasena mɔ ma, kamasɔlɔn mɔ josola vɛ fa Ala ya kanundeya la Nii Sɛnɛyanin sabu la, a na min dila mɔ ma.

1 Kolɛntikalu 3:6

Ǹe le na jili kolo sɛnɛna, ado Apolosi n'a sɔla ji la, kɛɛ Ala le n'a lafɛlɛnna k'a ɲia.

1 Kolɛntikalu 8:1

Ài na ɲiningali min kɛla ǹ na ka bɛn joosɔsoo dɔnko ma, ài m'i ɲa kaa wo lɔ vɛ. Mɔ k'a lɔn ne ko lɔnni yi mɔ bɛ fɛ ka bɛn ko min ma. Kɛɛ do, lɔnni wo suu yi mɔɔ fannɔbuɲala, k'a talan kanundeya le yi dɔlu lasawatila.

2 Kolɛntikalu 13:5

Ài y'ài jɛlɛ lakɔlɔsi k'a ye ni ài yi limaniya siya le kɔkan. Ài y'ài jɛlɛ lɔsuma. Jalasa ài m'a ɲaye ko Masa Tɔɔmasenin Isa y'ài tɛma? Mafɔ, ni a ka talan ài vɛ koli lɔsumani wo lɔ.

2 Kolɛntikalu 6:16

Bɛn suu mindɛ le yi Ala ya lɔhɔlɔmabonba ni joolu wotɛ? Kamasɔlɔn Ɲɛnɛmayatii Ala ya lɔhɔlɔmabon ne mɔ le, iwo Ala gbu n'a fɔla teme, a vɛɛ: «Ǹ kɛtɔ ǹ siila ai tɛma ka taama ai fɛ. Ǹ kɛtɔ kɛla ai Tii Ala le le, ai do kɛtɔ kɛla ǹa mɔɔlu le le.»

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

Kɔlɔsikalu 2:7

k'ài lilen don k'ài bama aa ko lɔ, ani k'ài sawati limaniya lɔ iwo ài kalannin a la teme, ài vɛ balika bɔla Ala yɛ kudein.

1 Yohana 4:16

Wo lɔ, ǹu gbu vɛ kanundeya wo lɔn min yi Ala bolo mɔ yɛ, ka limaniya a ma. Ala yi kanundeya le le. Wo lɔ, ni mɔɔ mɔɔ ka to taamana kanundeya lɔ, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya lɔ.

1 Yohana 4:4

Ǹ dennu, àilu koni yi Ala ta le le. Ài do vɛ see sɔlɔn faɲafɔ kela wolu ma, kamasɔlɔn ale min y'ài fɛ, a fanga buɲanin vɛ dɔ wo ta le min yi dunuɲamɔɔlu fɛ.

Ko Lankɛnɛmayanin 3:20

A ye, ǹ lɔnin da la, ǹ'a makɔnkɔnna. Ni mɔɔ mɔɔ si ka ǹ kan mɛn ka da laka, ǹ kɛtɔ donna wo tii fɛlɔ, m'i dɔnni kɛ i ɲɔɔ fɛ.