Ɛfɛsikalu 3:10 - Ala Ya Salatikan Kula Kitabu

¹⁰ fɔsa tandainɔ yi ne limaniyajama sabu la, sangbololɔ kuntiilu ni fangatii yenbalilu la yi lɔnni Ala ya hangilimaya suu bɛ la.

Ɛfɛsikalu 3:10 ပူးပေါင်းရင်းမြစ်များ

Lɔmukalu 11:33

Tuɲa le, Ala ya nafolotiiya walayine! Aa hangilimaya ni aa lɔnni dan jate tɛ se lɔnna. Jene yi se aa kolatɛɛninnu ɲayena, kumatɛ ka aa kokɛɲalu lɔn?

Lɔmukalu 8:38

Kamasɔlɔn ǹ lanin a la ko foi tɛnala sena mɔ fɛ tɛɛla Ala ya kanundeya la. Ni a ka kɛ saya le, niimaya le, mɛlɛkalu le, jinalu le, bi kolu le, sinin kolu le, seetiilu le, sangbololɔ fangatiilu le, duukolokɔkan fangatiilu le, kumatɛ dannifen suu suu ma, wo foi tɛnala sena mɔ fɛ tɛɛla Ala ya kanundeya la, min jiyanin mɔ la mɔ Tii Masa Tɔɔmasenin Isa fɛ.

1 Kolɛntikalu 1:24

Kɛɛ Ala ya mɔɔ kilininnu koni, ai ka kɛ Jahudiya le o, ai ka kɛ siboloma gbɛlɛ le o, Masa Tɔɔmasenin yi wolu bolo Ala ya seetiiya ani aa hangilimaya le le.

1 Kolɛntikalu 2:7

Ǹu do yi Ala ya hangilimaya le lasena, min kɛnin aa gbonoko doonnin ne, a na min latɛɛla jani dunuɲa tɛɛ dan maa magbiliyali sɔlɔnko lɔ.

Ɛfɛsikalu 1:21

A ka a lasii fangatii yenbalilu ni kuntiilu ni seetiilu ni masalu bɛ kunna poon. A do tɔɔ buɲanin vɛ tɔɔ bɛ le minu yi fɔla dunuɲa jan ani kiyama.

Ɛfɛsikalu 1:23

a falikolo koni, aa ko bɛ dafanin min nɔ, k'a talan ale gbu yi ko bɛ dafala boloɲa bɛ ma.

Ɛfɛsikalu 1:3

Tanuli yi Ala yɛ, min kɛnin mɔ Tii Masa Tɔɔmasenin Isa Fa le. Komi mɔ kafonnin Isa kɔkan, Ala vɛ duwawu suu bɛ dɔ kɛ mɔ yɛ haijɛnɛ dingilalu lɔ.

Ɛfɛsikalu 1:8

a na mɔ sɔla min sɔ bɛlɛbɛlɛ kɛ. Ala do vɛ lɔnni ni hangilimaya suu bɛ di mɔ ma,

Ɛfɛsikalu 6:12

Kamasɔlɔn maa kɛlɛ tɛ adamadennu kanma, kɛɛ a yi kuntiilu ni seetiilu le kanma, ani fanga yi minu bolo dunuɲa divi min nɔ, ani fangatii yenbali minu siinin sangbolo dingilalu lɔ koyonkɛ kanma.

Kɔlɔsikalu 1:16

Kamasɔlɔn fen bɛ ladannin ale le sabu la sangbolo lɔ ani duukolo kɔkan: fen yentalu, fen yenbalilu, masalu, seetiilu, fangatiilu, ani kuntiilu. Fen bɛ ladannin ale le sabu la, ani ale le yɛ.

Kɔlɔsikalu 2:10

Àilu fana ya ko bɛ vɛ dafa aa kafonɲɔɔya lɔ, ale min yi kuntii ni fangatii bɛ ya kuntii le.

Kɔlɔsikalu 2:15

Wo boloɲa ma, a ka fangatii ni kuntii yenbalilu ya seetiiya tiɲa, k'ai lamaloya bala lɔ iwo kɛlɛkɔlɔdennu, a vɛ seesɔlɔntaama kɛla ai ɲa ka bɛn a gbaankɔlɔman ma.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

1 Piyɛli 1:12

A do la ka nkɛnɛmaya ai yɛ k'a fɔ ko ai tɛɛ tɛ kelaya kɛla ai jɛlɛ yɛ, mafɔ àilu. Wo lɔ saa, kelalu tɛɛ kumala ka bɛn ko minu ma, àilu gbu vɛ wo ɲɔɔzii le mɛn yi ne Samakan Kein lasenbalu da, minu tɛɛ kawanili kɛla ài yɛ Nii Sɛnɛyanin sabu la, min lajiinin ka bɔ haijɛnɛ. A lɔɔ yi mɛlɛkalu gbu la ka ko wolu ɲaye.

1 Piyɛli 3:22

ale min jɛlɛnin ka taa haijɛnɛ k'i sii Ala bolokini fannɔ, mɛlɛkalu ni kuntiilu ni fangatiilu majiinin vɛ a kɔlɔ.