Ɛfɛsikalu 1:18 - Ala Ya Salatikan Kula Kitabu

¹⁸ Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 1:18 ပူးပေါင်းရင်းမြစ်များ

Matiyu 13:15

Kamasɔlɔn bi mɔɔlu josokun vɛ ja, ai vɛ ai tolo datuun, k'ai ɲa masili, alako ai ɲa kana yeni kɛ, ai tolo kana ko mɛn, ani ai josokun kana koɲaye, ani ai kana ai jɛlɛ lasei m̀ ma, min y'a kɛ, ǹ'ai lakisi.›

Malɛkɛ 10:17

Isa ka siya mina mingɛ, kɛ́ dɔ vɛ bɔlila ka na k'i majii a kɔlɔ. A do vɛɛ a yɛ: «Kalanmɔɔ ɲuma, ǹ ka kan ka mindɛ le kɛ fɔsa ǹ'i niimaya banbali sɔlɔn?»

Luka 24:45

A do k'ai hangili laka, fɔsa ai tɛɛ se kitabulu kɔlɔ ɲayena.

Kɛkolu 16:14

Mɔɔ minu tolomalɔnin tɛɛ mɔ la, ai lɔ mɔɔ kelen tɔɔ le tɛɛ ko Lidiya ka bɔ Tiyatila. Alabatoba le tɛɛ a le, min tɛɛ faani daagbɛlɛnnu felela. Mɔ Tii k'a josokun laka k'a ladiɲa Pɔli kumakannu ma.

Kɛkolu 26:18

ai ɲa lakako lɔ, fɔsa ai yi bɔ divi lɔ ka na kɛnɛya lɔ, ani ai yi bɔ Soitana fanga kɔlɔ k'ai lasei Ala ma, alako aiya julumbulu lɔ yi koto. Wo vɛ kɛla, ai fɛ kɛtɔ kɛla Ala ya mɔɔlu la, minu vɛ sɛnɛya ka bɛn aiya limaniya ma m̀ ma.›

Lɔmukalu 11:29

Kamasɔlɔn ni Ala ka mɔɔ min sɔ, a tɛ aa sɔli wo minala wo tii ma la. Ni a do ka mɔɔ kili ko dɔ kanma, a tɛ wo bɔla a ma feu.

Lɔmukalu 2:4

Niwotɛ, i jɔyine Ala ya ɲumaya ba ma, ani aa sɔniyali ni aa sawali? Jalasa i m'a lɔn ko Ala ya ɲumaya le ka kan ka kɛ sabu le i i jɛlɛ lasei a ma?

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

Galatiyakalu 5:5

Ǹu koni jei siinin k'a fɔ ko Ala kɛtɔ mɔ jatela telenmande le, ado Nii Sɛnɛyanin yi mɔ madɛmɛnna ka wo le makɔnɔ limaniya boloma.

Ɛfɛsikalu 1:11

Ala yi ko bɛ kɛla ka bɛn aa jatesiili ni aa kolatɛɛninnu le ma. Wo lɔ, a na mɔ tala ka mɔ kɛ a jɛlɛkanu mɔɔ le Masa Tɔɔmasenin ya kafonɲɔɔya lɔ, iwo a n'a latɛɛla teme kɔlɔkɔlɔ le,

Ɛfɛsikalu 1:7

Mɔ do kunmakanin a jeli bɔnko le fɛ, ani maa hakɛlu lɔ vɛ koto ka bɛn aa nɛɛma dafanin ne ma,

Ɛfɛsikalu 2:12

Wo waate lɔ, àilu ni Masa Tɔɔmasenin wotɛ falanyine tɛɛ. Lona le tɛɛ ài le, minu fɛ tɛɛ tɛ Bani Isilankalu la. Ala na ko minu lahedi tala aa mɔɔlu yɛ aa salatikannu lɔ, ài sen tɛɛ tɛ wo dɔ lɔ. Ài tɛɛ ten ne dunuɲa, jeisii foi tɛɛ tɛ ài la, ado Ala tɛɛ tɛ ài fɛ.

Ɛfɛsikalu 3:16

Ǹ'i Ala dalila a ài sɛmɛdon a Nii Sɛnɛyanin sabu la, ka bɛn aa magbiliyali nɔɔlɔnilu ma,

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Ɛfɛsikalu 4:4

Mɔ bɛ dɛnnin falikolo kelen ne la, ani Nii Sɛnɛyanin kelen, iwo ài kilinin teme jeisii kelen kanma.

Ɛfɛsikalu 5:8

Kamasɔlɔn waate lɔ, àilu tɛɛ divi le lɔ, kɛɛ tandainɔ ài yi mɔ Tii ya kɛnɛya le lɔ gbesekele. Wo le y'a ma, ài yi taama iwo kɛnɛyalɔ dennu.

Filipikalu 3:14

Wo le y'a ma, ǹ'i ǹ lɔjala ka ǹ telen ka se bɔli dan ma, fɔsa Ala na ǹ kilila balayi min ya ko lɔ Masa Tɔɔmasenin Isa sabu la, ǹ'i wo sɔlɔn haijɛnɛ.

Kɔlɔsikalu 1:12

Ài do yi balika bɔ mɔ Fa Ala yɛ, kamasɔlɔn a yi balayi minu ladalola mumininnu yɛ aa masaya lakɛnɛyanin nɔ, a na see dila ài ma fɔsa ài fɛ yi kɛ wo la.

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

Kɔlɔsikalu 1:5

Ài yi wo bɛ kɛla ka bɛn ài jeisii le ma, min ladalonin ài yɛ haijɛnɛ. Ài do jii tɛɛ wo le ma ka ta ài na tuɲandeya kuma mɛnna waate min nɔ kunfɔlɔ le, min taanin kɛla Samakan Kein ne.

Kɔlɔsikalu 2:2

Ǹ'i wo sɛɛ le la fɔsa ai sɛmɛ yi don, ani ai yi bɛn a lɔ kanundeya boloma, ka lɔnni dafanin sɔlɔn hangilimaya boloma fɔsa ai yi Ala ya gbonoko lɔn, min taanin kɛla Masa Tɔɔmasenin gbu le,

Kɔlɔsikalu 3:15

Masa Tɔɔmasenin ya josolajii yi sawati ài josokun nɔ, kamasɔlɔn Ala n'ài kilila wo le kanma, k'ài kɛ falikolo kelen ne, ado ài yi kɛ koɲumalɔnba le.

1 Tɛsalonikakalu 2:12

Mɔ tɛɛ ài lalila, k'ài sɛmɛdon, ani k'a fɔ ài yɛ k'a magbeleya ko ài yi Ala buɲa ài taamaɲa lɔ, ale min y'ài kilila k'ài ladon aa masaya ni aa magbiliyali lɔ.

1 Tɛsalonikakalu 5:8

Kɛɛ komi m'i telelɔmɔɔ le le, wo lɔ, ài m'i mɔ jɛlɛ lɔmina. Ài m'i mɔ jɛlɛ lɔbɛn, ka limaniya ni kanundeya kɛ iwo sisimakalanfen, ani ka kisiko kɛ mɔ jeisii le, iwo nɛɛ fula.

2 Tɛsalonikakalu 1:11

Wo le y'a ma, m'i Ala dalila ài yɛ waate bɛ, fɔsa a n'ài kilila ko min kanma, ài taamaɲa yi bɛn wo ma. Ala a kɛ, koɲuma min bɛ kɛ lɔɔ y'ài la, ài yi se wo bɛ kɛla ka bɛn aa seetiiya ma, ka àiya limaniya baale dafa.

2 Tɛsalonikakalu 2:16

Mɔ Tii Masa Tɔɔmasenin Isa gbu ni mɔ Fa Ala, min na mɔ kanula ka habadan josolajii ni jeisii ɲuma di mɔ ma aa nɛɛma lɔ,

1 Timote 6:12

I i lɔja ka kɛlɛ ɲuma kɛ ka bɛn limaniya ma. I i bolo kɛ niimaya banbali la, Ala n'i kilila min kanma, i na seleya ɲuma dila waate min nɔ sele siyama ɲakɔlɔ.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

Tite 3:7

fɔsa m'i kɛ telenmande le Ala ɲakɔlɔ ka bɛn aa nɛɛma ma, ka mɔ fɛ bila niimaya banbali sɔlɔnko la, m'i mɔ jeisii le.

Hebululu 10:32

Ài y'ài hangili to lon timinninu lɔ, ài bɔ kɔ divi lɔ, ài na sɛɛ gbɛlɛn ni tɔlɔya manɔla waate min nɔ.

Hebululu 6:4

Ài m'i mindɛ fɔ ka bɛn mɔɔ suu wolu ma minu v'ai kɔsei ai kɛko kɔlɔlu ma kɔtunun? Mɔɔ minu vɛ bɔ divi lɔ, ka Ala ya sɔli diyaya lɔn, k'ai ta nii sɔlɔn Nii Sɛnɛyanin lɔ,

1 Piyɛli 1:3

Tanuli yi Ala yɛ, min yi mɔ Tii Masa Tɔɔmasenin Isa Fa le! Ka bɛn aa henandeya ba ma, mɔ vɛ sɔlɔn kula kɛ ka jeisii ɲɛnɛma sɔlɔn Masa Tɔɔmasenin Isa lawuliko sabu la ka bɔ saya lɔ.

1 Piyɛli 3:9

Ài kà koyon sala koyon ne, niwotɛ ka jɛvɛli sala jɛvɛli le. Kɛɛ ài yi duwawu le kɛ ài tɔlɔyabalu yɛ, kamasɔlɔn ài kilinin Ala bolo wo le kanma fɔsa ài yi balaka sɔlɔn min ladalonin ài yɛ.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.