Ɛfɛsikalu 1:17 - Ala Ya Salatikan Kula Kitabu

¹⁷ Mɔ Fa Nɔɔlɔtii, min kɛnin mɔ Tii Masa Tɔɔmasenin Isa Tii Ala le, ǹ'i wo dalila, ǹ ko, a yi hangilimaya di ài ma, ka kolu lankɛnɛmaya ài yɛ fɔsa ài y'a lɔn a ɲa gbugbu ma.

Ɛfɛsikalu 1:17 ပူးပေါင်းရင်းမြစ်များ

Matiyu 11:25

Wo waate kelen nɔ, Isa k'a fɔ, a vɛɛ: «Ǹ Fa, sangbolo ni duukolo Tii, ǹ'i balika bɔla i yɛ, kamasɔlɔn i na ko minu doonna hangilima ni lɔnnilalu ma, i vɛ wolu jiya kalanbalilu la.

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Matiyu 16:17

Isa do vɛɛ a yɛ: «Yunusa denkɛ Simɔn, i yi duwawuden ne le, kamasɔlɔn i na min fɔla, mɔɔ ma wo lankɛnɛmaya i yɛ, mafɔ ǹ Fa min yi haijɛnɛ.

Matiyu 20:33

Ai vɛɛ: «Mɔ Kuntii, m'a fɛ mɔ ɲa la yi ka.»

Matiyu 6:13

I do kà diɲa mɔ ma yi nɛɛ ka bila koyon nɔ, kɛɛ mɔ matanga Soitana ma.›

Luka 12:12

Kamasɔlɔn ài ka kan ka min fɔ, Nii Sɛnɛyanin ne kɛtɔ wo jiyala ài la wo waate kelen nɔ.»

Luka 2:14

«Magbiliyali yi Ala yɛ sangbolo dingila kɔlɔtanin nɔ, ani josolajii yi kɛ duukolo kɔkan a diyananmɔɔlu yɛ.»

Luka 21:15

Kamasɔlɔn ǹe gbu le kɛtɔ ài lalɔnnila hangilimaya kumalu la, haan fɔɔ ài kɛlɛɲɔɔ suu suu tɛnala sena ài la, niwotɛ k'ài kumakannu sɔsɔ.

Yohana 14:17

Nii Sɛnɛyanin koni, min yi tuɲa lankɛnɛmayala. Dunuɲa tɛ se wo sɔlɔnna, kamasɔlɔn a tɛ se a yena, kumatɛ k'a lɔn. Kɛɛ àilu k'a lɔn ne, kamasɔlɔn a ài fɛ, ani a kɛtɔ ài josokun nɔ.

Yohana 14:26

Kɛɛ Dɛmɛliba min kɛnin Nii Sɛnɛyanin ne, ǹ Fa kɛtɔ min lanala ǹ tɔɔ lɔ, ale le kɛtɔ ài kalanna ko bɛ la, ani k'ài hangili bila ko bɛ lɔ, ǹ na minu fɔla ài yɛ.

Yohana 16:3

Ai kɛtɔ ko wo suu kɛla ài la kamasɔlɔn ai ma ǹ Fa lɔn, kumatɛ ǹe ma.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Yohana 20:17

Isa do vɛɛ a yɛ: «I k'i fasa m̀ ma, kamasɔlɔn m̀ ma jɛlɛ ba bene ka taa ǹ Fa fɛlɔ. Kɛɛ fɔ i yi taa a fɔ m̀ badenmalu yɛ ko ǹ jɛlɛtɔle ka taa ǹe ni ailu Fa fɛlɔ, min taanin kɛla ǹe ni ailu Tii le.»

Kɛkolu 6:10

Kɛɛ ai ma se ai lɔla a ɲa, kamasɔlɔn Nii Sɛnɛyanin tɛɛ hangili dila a ma, a vɛ kɛla kumala.

Kɛkolu 7:2

Etiyɛn vɛɛ: «M̀ badenmalu ni ǹ fanu, ài y'ài tolomalɔ ǹ na. Ka talan mɔ bema Ibulahima tɛɛ m'i sii ba bene Halan duu kɔnɔ, Nɔɔlɔtii Ala k'a jɛlɛ jiya a la Mesopotami jamana lɔ.

Lɔmukalu 1:28

Komi ai ma Ala lɔnko ta ko sɔvɛ le, wo le k'a kɛ, Ala k'ai bila ai jɛlɛ ma ai miliya kolonnu kɔ, fɔsa ai yi kolu kɛ minu man kan ka kɛ.

Lɔmukalu 15:6

fɔsa ài bɛ lakafonnin yi Ala tanu kan kelen nɔ, ale min yi mɔ Tii Masa Tɔɔmasenin Isa Fa le.

1 Kolɛntikalu 12:8

Nii Sɛnɛyanin yi see dila dɔ ma ka kuma hangilimaya boloma, ka see di a dɔgbɛlɛ ma ka kuma lɔnni boloma.

1 Kolɛntikalu 14:6

M̀ badenmalu, ni ǹ ka taa ài fɛlɔ ka kuma ài yɛ kan gbɛlɛlu lɔ, ài kɛtɔ nafa mindɛ sɔlɔnna wo la? Ǹ tɛnala ài nafala, ni m̀ ma Ala ya ko dɔ lankɛnɛmaya ài yɛ, niwotɛ ka lɔnni di ài ma, niwotɛ ka kelayakuma dɔ lase ài ma, niwotɛ k'ài kalan.

1 Kolɛntikalu 2:10

Ala na ko wolu jiyala mɔ la Nii Sɛnɛyanin le fɛ. Kamasɔlɔn Nii Sɛnɛyanin yi ko bɛ le lakɔlɔsila, hali Ala ya gbonolɔkolu.

1 Kolɛntikalu 2:8

Dunuɲa kuntii suu suu tɛɛ ma hangilimaya wo ɲaye. Niwotɛ, ai tɛɛ tɛnala mɔ Tii nɔɔlɔnin gbaanna kɔlɔman ma.

2 Kolɛntikalu 12:1

Fɔ ǹ'i to ǹ jɛlɛ matɔɔla, hali nafa ma kɛ ǹa matɔɔli la. Mɔ Tii na ko minu lajɛlɛla ǹ ɲa ma, ani a na ko minu lankɛnɛmayala ǹ yɛ, ǹ kɛtɔ wolu le ɲafɔla ài yɛ.

Ɛfɛsikalu 1:3

Tanuli yi Ala yɛ, min kɛnin mɔ Tii Masa Tɔɔmasenin Isa Fa le. Komi mɔ kafonnin Isa kɔkan, Ala vɛ duwawu suu bɛ dɔ kɛ mɔ yɛ haijɛnɛ dingilalu lɔ.

Ɛfɛsikalu 3:5

Wo do la ma nkɛnɛmaya adamaden timinninu yɛ, iwo a la vɛ lankɛnɛmaya teme butu aa lɔhɔlɔma keladennu ni kelalu yɛ Nii Sɛnɛyanin sabu la.

Ɛfɛsikalu 4:13

Wo do kɛtɔ tola i lɔ haan fɔɔ mɔ bɛ vɛ bɛnna a lɔ ka bɛn limaniya ma, ani ka bɛn Ala Denkɛ ya lɔnni ma, ka mɔ kɛ kɛmɔbalu le, ka se Masa Tɔɔmasenin gbu dafaɲa jate ma.

Filipikalu 3:15

Ǹu minu kunkɔlɔ vɛ ta limaniya lɔ, fɔ m'i mili tan ne. Ado ni miliya suu gbɛlɛ ka kɛ ài dɔlu la, Ala kɛtɔ wo le lagbɛla ài yɛ.

2 Timote 2:25

a v'a kɛlɛkɛɲɔɔlu bilala siya ɲuma kɔkan sɔniyali boloma. Tumadɔ Ala kɛtɔ ai madɛmɛnna fɔsa ai y'ai jɛlɛ lasei a ma, ka tuɲa lɔn.

Tite 1:1

Ǹe Pɔli le yi lɛtɛlɛ min sɛvɛla, ǹe min yi Ala ya bɔiden ne ani Masa Tɔɔmasenin Isa ya keladen. Ǹ tayine ka ǹ kelaya ko ǹ'i Ala ya mɔɔ taninnu madɛmɛn aiya limaniya lɔ, k'ai lalɔnni tuɲa la min y'ai taamaɲa bɛn Ala ɲakɔlɔ,

Janguba 2:1

M̀ badenmalu, àilu minu limaniyanin mɔ Tii nɔɔlɔnin Masa Tɔɔmasenin Isa ma, ài kà lafisayali kɛ.

2 Piyɛli 1:3

Aa foniseleya vɛ wo bɛ di mɔ ma, mɔ mako yi minu la niimayakɛko ni Ala ya siya lataamanko lɔ, ka bɛn a lɔnko ma mɔ bolo, ale min na mɔ kilila a jɛlɛkanu ya magbiliyali ni aa ɲumaya fɛ.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.

Ko Lankɛnɛmayanin 7:12

Ai v'a fɔla, ai vɛɛ: «Amiina! Tanuli ni magbiliyali ni hangilimaya ni balikabɔ ni buɲali ni seetiiya ani fangamaya, wo bɛ yi mɔ Tii Ala ta le le waate bɛ ani habadan. Amiina!»