Ɛfɛsikalu 1:14 - Ala Ya Salatikan Kula Kitabu

¹⁴ wo min kɛnin tɔima le mɔ yɛ, haan fɔɔ Ala v'a jɛlɛkanu mɔɔlu kunmakala lon min na, ka balayi di mɔ ma, a na min ladalola mɔ yɛ, fɔsa m'a tanu aa magbiliyali lɔ.

Ɛfɛsikalu 1:14 ပူးပေါင်းရင်းမြစ်များ

Luka 21:28

Ni ài ka ko minu daminatɔ ye waate min nɔ, ài y'ài lɔ k'ài kun lawuli, kamasɔlɔn àiya kunmaka waate ma vɛ sulunya.»

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Kɛkolu 20:32

«Tandainɔ yi ne, ǹ'ài kalifala Ala le la ani aa nɛɛma kuma, wo min yi se k'ài lasawati ani ka balayi di ài ma, min ladalonin aa mɔɔ lasɛnɛyaninnu yɛ.

Lɔmukalu 8:23

A do dan tɛ dannifen wolu kelen ne, mafɔ ǹu minu vɛ Nii Sɛnɛyanin sɔlɔn iwo sɛnɛfen den kunfɔlɔ. M'i mɔ wunɛla mɔ kɔnɔ ka to lon wo makɔnɔna, Ala kɛtɔ mɔ kɛla a jɛlɛkanu dennu le lon min na, ka mɔ falikolo kunmaka tɛtɛ.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

2 Kolɛntikalu 1:22

ka tɔɔmase bila mɔ ma, ani ka Nii Sɛnɛyanin don mɔ josokun nɔ iwo tɔima ka bɛn koɲuma natɔlu ma.

2 Kolɛntikalu 5:5

Min na mɔ lɔbɛnna dailu min kanma, wo le Ala gbugbu le, ale min na Nii Sɛnɛyanin dila mɔ ma iwo tɔima ka bɛn koɲuma natɔlu ma.

Galatiyakalu 4:6

Komi Ala den ne ài le, wo lɔ, a na a Denkɛ Nii lajiila ka don mɔ josokun nɔ. Nii wo le y'a kɛla, m'i Ala kilila, mɔ vɛɛ: «Mɔ Fa!»

Ɛfɛsikalu 1:11

Ala yi ko bɛ kɛla ka bɛn aa jatesiili ni aa kolatɛɛninnu le ma. Wo lɔ, a na mɔ tala ka mɔ kɛ a jɛlɛkanu mɔɔ le Masa Tɔɔmasenin ya kafonɲɔɔya lɔ, iwo a n'a latɛɛla teme kɔlɔkɔlɔ le,

Ɛfɛsikalu 1:12

fɔsa ǹu minu na Masa Tɔɔmasenin kɛla mɔ jeisii le kunfɔlɔ le, m'i Ala tanu aa magbiliyali lɔ.

Ɛfɛsikalu 4:30

Ài kà Ala Nii Sɛnɛyanin josomakasi, ale min yi tɔɔmase le ài ma ka bɛn ài kunmaka lon ma.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.