Ɛfɛsikalu 1:13 - Ala Ya Salatikan Kula Kitabu

¹³ Àilu fana vɛ limaniya ale Isa ma, ài na tuɲa kuma mɛnna waate min nɔ, min taanin kɛla Samakan Kein ne ka bɛn àiya kisiko ma. Wo lɔ, Ala na Nii Sɛnɛyanin min ya lahedi tala, a na wo lajiila ài kɔkan ka wo kɛ tɔɔmase le,

Ɛfɛsikalu 1:13 ပူးပေါင်းရင်းမြစ်များ

Luka 11:13

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo yi Nii Sɛnɛyanin dila a dailibalu ma!»

Luka 24:49

Ǹ Fa na min lahedi tala ài yɛ, ǹ kɛtɔ wo lanala ài ma. Kɛɛ fɔ ài yi to Jelusalɛmu jan haan fɔɔ seetiiya wo la yi jii ài kɔkan ka bɔ haijɛnɛ.»

Yohana 1:17

Kamasɔlɔn seliya dinin Nabi Musa le sabu la, kɛɛ nɛɛma ni tuɲandeya nanin Masa Tɔɔmasenin Isa le sabu la.

Yohana 14:26

Kɛɛ Dɛmɛliba min kɛnin Nii Sɛnɛyanin ne, ǹ Fa kɛtɔ min lanala ǹ tɔɔ lɔ, ale le kɛtɔ ài kalanna ko bɛ la, ani k'ài hangili bila ko bɛ lɔ, ǹ na minu fɔla ài yɛ.

Yohana 15:26

«Ǹ kɛtɔ Dɛmɛliba lanala waate min nɔ ka bɔ ǹ Fa fɛ, Nii Sɛnɛyanin koni min yi tuɲa lankɛnɛmayala, wo le kɛtɔ seleya dila ka bɛn m̀ ma.

Yohana 3:33

Ni mɔɔ min do k'a bolo sii aa seleyakan kɔlɔ, wo tii v'a jiya ko Ala le tuɲande le.

Yohana 6:27

Ài kà baale kɛ dɔnnifenko lɔ min yi tolinna, mafɔ min yi mɛnna ka niimaya banbali di, Mɔɔnivin Tanin kɛtɔ min dila ài ma, kamasɔlɔn mɔ Fa Ala vɛ aa seetiiya tɔɔmase bila a kan.»

Kɛkolu 1:4

A ka to ai fɛ ka jamali di ai ma, a vɛɛ: «Ài kà bɔ Jelusalɛmu, mafɔ ka ǹ Fa ya lahedi mafako makɔnɔ, ǹ na min ya ko fɔla ài yɛ.

Kɛkolu 13:26

«M̀ badenmalu, Ibulahima bɔzɔnnu ni Alaɲasiyanɲɛmɔɔlu bɛ, Ala na kisiko kuma min lanala ǹu le ma.

Kɛkolu 2:33

Komi ale Isa kɔlɔtanin k'a sii Ala bolokini fannɔ, ani a Fa na lahedi tala a yɛ ka bɛn Nii Sɛnɛyanin ma, wo lɔ, a na ko minu lajiila, ài ɲa yi minu la yi ne ani ài tolomalɔnin minu ma yi ne.

Lɔmukalu 1:16

Ǹ tɛ maloyala Samakan Kein ya ko lɔ, kamasɔlɔn Ala ya seetiiya le wo le min yi nala kisiko le Isa malimaniyamɔɔlu bɛ yɛ, ka damina Jahudiyalu ma ani siboloma gbɛlɛ mɔɔlu fana.

Lɔmukalu 4:11

A do ka kɛnɛkɛ nɔ tɔɔmase sɔlɔn min k'a jiya ko Ala tɛɛ v'a jate telenmande le aa kɛnɛkɛbaliya lɔ ka bɛn aa limaniya le ma. Wo boloɲa kelen ma, Ibulahima kɛnin mɔɔ bɛ le bema le minu jatenin telenmande le Ala bolo ka bɛn aiya limaniya ma a ma, hali ai ka to kɛnɛkɛbaliya lɔ.

Lɔmukalu 6:17

M'i balika bɔla Ala yɛ, kamasɔlɔn àilu minu tɛɛ julumbu ya jɔn ne kɔlɔman ne, ài vɛ kalan min latelen ài josokun bɛ la, min dinin ai ma.

2 Kolɛntikalu 1:22

ka tɔɔmase bila mɔ ma, ani ka Nii Sɛnɛyanin don mɔ josokun nɔ iwo tɔima ka bɛn koɲuma natɔlu ma.

2 Kolɛntikalu 6:7

M'i tuɲa le fɔla, ado mɔ fanga bɔnin Ala le bolo. Mɔ do yi telenmandeya tala ka kɛ iwo maa kɛlɛkɛfennu, ka mɔ juulu kɛlɛ ani ka mɔ jɛlɛ lakana wolu le.

Galatiyakalu 3:14

A na mɔ kunmakala fɔsa Nabi Ibulahima balaka yi la siboloma gbɛlɛ mɔɔlu kɔkan Masa Tɔɔmasenin Isa sabu la, ani ǹu gbu yi Nii Sɛnɛyanin sɔlɔn limaniya fɛ, min lahedi tanin Ala bolo.

Ɛfɛsikalu 4:21

Ǹ jii y'a ma le k'a fɔ ko ài na Isa ya ko mɛnna k'ài kalan aa tuɲa la,

Ɛfɛsikalu 4:30

Ài kà Ala Nii Sɛnɛyanin josomakasi, ale min yi tɔɔmase le ài ma ka bɛn ài kunmaka lon ma.

1 Tɛsalonikakalu 2:13

M'i balika bɔla Ala yɛ waate bɛ ka bɛn min ne ma, kamasɔlɔn ài na Ala kumakan mɛnna mɔ da mingɛ, ài ma a jate iwo adamaden kumakan dein, mafɔ ài n'ài bolo siila a kɔlɔ iwo a yi teme bɛlɛbɛlɛ kɛ, min yi Ala kumakan ne. Wo le do yi baalela àilu limaniyamɔɔlu josokun nɔ.

2 Timote 2:15

I i lɔja ka kɛ baaleden ne, Ala diɲanin min ya baale ma, maloya tɛ min na aa baaledalu lɔ, min yi mɔɔlu kalanna tuɲa kuma la kobɛn.

2 Timote 2:19

Wo bɛ n'a kɛ, Ala gbu le na bonjusii min lɔla, wo bamayine kpekpe. Kuma minu le sɛvɛnin bonjusii wo kɔkan, ko: «Mɔ Tii k'a jɛlɛkanu mɔɔlu lɔn.» Ani ko: «Mɔɔ min v'a fɔla ko mɔ Tii ta le a le, fɔ wo tii y'a kɔdon telenbaliyakolu la.»

2 Timote 3:15

Ka ta iya denniya waate ma, i vɛ lɔhɔlɔma kitabulu lɔn, minu yi se ka hangilimaya di i ma kisiko lɔ ka bɛn limaniya ma Masa Tɔɔmasenin Isa ma.

Tite 2:11

Kamasɔlɔn Ala ya nɛɛma la vɛ nkɛnɛmaya, min yi nala kisiko le adamaden bɛ yɛ.

Hebululu 2:3

ǹu do kɛtɔ mɔ gbanna di vɛ kolatɔn kunna, ni mɔ ka jɔ kisiko makawanin min suu ma? Kisiko min la ka se mɔ Tii bolo kunfɔlɔ le, wo do lamɛnbalu k'a lasawati mɔ yɛ,

Janguba 1:18

Ka bɛn a jɛlɛkanu sawonanko ma, a ka mɔ sɔlɔn kula kɛ aa tuɲa kuma sabu la, fɔsa m'i lɔya kunfɔlɔ sɔlɔn aa dannifennu bɛ tɛma.

Janguba 1:21

Wo le y'a ma, ài yi kokɔsɔnin ni dannatimin yon bɛ dabila, k'ài bolo sii Ala kumakan kɔlɔ fanmajii boloma, a na min donna ài josokun nɔ, min yi se k'ài nunakili lakisi.

1 Piyɛli 2:10

Waate lɔ, Ala ya mɔɔ tɛɛ tɛ ài le, kɛɛ ài vɛ kɛ aa mɔɔ le butu. Ài do tɛɛ ma aa henandeya sɔlɔn, kɛɛ ài v'a sɔlɔn yi ne.

Ko Lankɛnɛmayanin 7:2

Ǹ ka mɛlɛka dɔgbɛlɛ ye kɔtunun, wo tɛɛ jɛlɛla ka bɔ telebɔ fannɔ, Ɲɛnɛmayatii Ala ya tɔɔmasebilafen vɛ a bolo. Mɛlɛka wo ka dɔ mɛlɛka naani kili kan ba lɔ, see tɛɛ vɛ di minu ma ko ai yi duukolo ni kɔɔji halaki.