Kɔlɔsikalu 4:5 - Ala Ya Salatikan Kula Kitabu

⁵ Ài yi taama hangilimaya boloma limaniyabalilu tɛma ka waate tɔnɔ bɔ kobɛn.

Kɔlɔsikalu 4:5 ပူးပေါင်းရင်းမြစ်များ

Matiyu 10:16

«Ǹ'ài kelayala ka kɛ iwo saa minu bilanin soofalilu tɛma. Wo ma, ài hangili yi sii, iwo sa hangili siinin teme. Ài kɛko ma yi fa, iwo poponi mafanin teme.

Malɛkɛ 4:11

A do vɛɛ ai yɛ: «Ala vɛ aa masaya gbonokolu lɔnni di ài ma, kɛɛ ko bɛ yi fɔla dɔlu yɛ sana le lɔ.

Lɔmukalu 16:19

Kɛɛ àilu koni, bɛ k'a lɔn ài yi Samakan Kein labatola teme. Wo lɔ, ǹ sawanin àiya ko lɔ. Kɛɛ ǹ'a fɛ le ài yi kɛ hangilima le koɲuma lɔ, ani k'ài fɛ bɔ koyon na.

Kɔlɔsikalu 3:16

Masa Tɔɔmasenin kumakan yi sawati ài tɛma boloɲa bɛ ma, ài v'i ɲɔɔ kalanna k'i ɲɔɔ lali hangilimaya bɛ la, ani ka Zabuli kitabu dɔngililu la, ani baiti ni dɔngililu Nii Sɛnɛyanin yi minu dila, ka balika bɔ Ala yɛ ài josokun bɛ le.

1 Tɛsalonikakalu 4:12

Wo vɛ kɛla, ài taamaɲa yi bɛnne limaniyabalilu ɲakɔlɔ, ài do tɛnala ài bolomalala mɔɔ mɔɔ si ma.

1 Timote 3:7

Wo bɛ kɔ, mangutu ɲuma yi kɛ a kɔ mɔɔlu bolo, hali minu fɛ tɛ limaniyajama la, alako a kana bila maloya lɔ ka kɛlɛ Soitana ya sɔɔ la.

Janguba 1:5

Ni ài dɔ dɛsɛnin ka kɛ hangilimaya la, wo tii yi Ala dali, a do yi hangilimaya dile wo tii ma. Ale le bolo fɔlinnin bɛ sɔko lɔ, makumali tɛ min nɔ.

Janguba 3:13

Jene yi lɔnnila ni hangilima le ài tɛma? Fɔ wo tii y'a jiya a taamaɲa ɲuma fɛ ko a a kɛkolu kɛla fanmajii le lɔ hangilimaya boloma.

Janguba 3:17

Kɛɛ hangilimaya min yi bɔla haijɛnɛ, wo yi nala sɛnɛyali le le kunfɔlɔ le, ka josolajii tuun wo la, ani sɔniyali ni nɔya. Henandeya y'a lɔ, a do kɛkolu ɲumayanin kosɛvɛ. A do tɛ lafisayali ni filangafoya kɛla.

1 Piyɛli 3:1

Wo boloɲa kelen ma, àilu mosolu y'ài fanmajii ài kɛ́nu yɛ, fɔsa ni a dɔlu kolonin ma kɛ Ala kumakan yɛ, hali ni kuma ma fɔ ài bolo, ài taamaɲa yi kɛ sabu le k'ài kɛ́nu latube,