Kɔlɔsikalu 4:2 - Ala Ya Salatikan Kula Kitabu

² Ài y'ài lɔgbeleya Aladaliko ma kudein, ka to ài ɲana, ka kɛ balika bɔla Ala yɛ.

Kɔlɔsikalu 4:2 ပူးပေါင်းရင်းမြစ်များ

Matiyu 26:41

Ài yi to ài ɲana ka Ala dali, alako ài ma kana nɛɛ k'ài bila koyon nɔ. Koɲumakɛ miliya yi mɔɔ la, kɛɛ wo see tɛ a falikolo yɛ.»

Malɛkɛ 13:33

Ài yi to ài ɲana, kamasɔlɔn ài ma ko wolu kɛ waate lɔn.

Luka 18:1

Wo kɔ, Isa ka sana dɔ la a kɔbiladennu yɛ, k'a jiya ko ai ka kan ka Ala dali waate bɛ. Ai do jei kà tɛɛ ka wo boloka.

Luka 21:36

Wo lɔ saa, ài yi to ài ɲana ka to Ala dalila waate bɛ, fɔsa ài yi fanga sɔlɔn ko natɔ wolu ma, ani ài yi se ài lɔla Mɔɔnivin Tanin ɲakɔlɔ teme.»

Kɛkolu 1:14

Ai bɛ tɛɛ ai ladɛnna Aladaliko lɔ miliya kelen ne kan waate bɛ, ailu ni moso dɔlu, ani Isa ba Mɔyamu, ni a dɔɔkɛlu.

Lɔmukalu 12:12

Ài yi sawa ka bɛn ài jeisii ma, ka tɔlɔyalu mina ài ma sawali boloma, ka kɛ Ala dalila kudein.

Ɛfɛsikalu 6:18

Ài yi Ala dali waate bɛ iwo Nii Sɛnɛyanin y'ài lɔla a la teme ka madiyalikan ni dailikan suu bɛ lase a ma. Wo ma, ài y'ài lɔgbeleya k'ài to ài ɲana ka kɛ Ala dalila mumininnu bɛ yɛ.

Filipikalu 4:6

Ài do sɔn kà ja ko ko si lɔ, mafɔ ài mako vɛ kɛla ko ko la, ài yi wo dali Ala la, k'a madiya, ani ka balika bɔ a yɛ.

Kɔlɔsikalu 1:9

Wo le n'a kɛla, ka ta mɔ na àiya ko mɛnna lon min na, mɔ ma mɔ nɔningɛ Ala dalila ka bɛn ài ma, fɔsa ài yi Ala sawo dafanin lɔn ka bɛn hangilimaya ni koɲaye suu bɛ ma, Nii Sɛnɛyanin yi minu dila.

Kɔlɔsikalu 2:7

k'ài lilen don k'ài bama aa ko lɔ, ani k'ài sawati limaniya lɔ iwo ài kalannin a la teme, ài vɛ balika bɔla Ala yɛ kudein.

Kɔlɔsikalu 3:15

Masa Tɔɔmasenin ya josolajii yi sawati ài josokun nɔ, kamasɔlɔn Ala n'ài kilila wo le kanma, k'ài kɛ falikolo kelen ne, ado ài yi kɛ koɲumalɔnba le.

Kɔlɔsikalu 3:17

Ài vɛ ko ko si kɛla, ani ài vɛ kuma suu suu fɔla, ài yi wo bɛ kɛ mɔ Tii Isa tɔɔ lɔ ka balika bɔ mɔ Fa Ala yɛ ale Isa fɛ.

Kɔlɔsikalu 4:12

Ɛpafalasi, min y'ài dɔ le ani Masa Tɔɔmasenin Isa ya bɔiden, wo y'ài fola. A lɔgbeleyayine Aladaliko ma ài yɛ waate bɛ, fɔsa ài yi lɔjanin yi to, ka sawati, ani ka to hangililatɛɛ lɔ, ka dafa Ala sawo bɛ lɔ.

1 Piyɛli 4:7

Dunuɲa laban waate ma vɛ sulunya. Wo le y'a ma, ài y'ài hangili sii k'ài kɛ jɛlɛlɔminamɔɔ le, fɔsa ài yi se Ala dalila a ɲa bɛlɛbɛlɛ ma.