Kɔlɔsikalu 3:9 - Ala Ya Salatikan Kula Kitabu

⁹ Ài kà faɲa fɔ i ɲɔɔ yɛ, kamasɔlɔn ài vɛ ài dajoo kɔlɔ ni a kɛko kɔlɔlu bɛ to ài kɔ.

Kɔlɔsikalu 3:9 ပူးပေါင်းရင်းမြစ်များ

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Lɔmukalu 6:6

Mɔ do k'a lɔn ko mɔ dajoo kɔlɔ gbaanyine kɔlɔman ma Isa fɛ, fɔsa julumbu min tɛɛ mɔ dajoo kɔlɔ lɔ, wo fanga yi ban ani mɔ kana to julumbu ya jɔnya lɔ butu.

Ɛfɛsikalu 4:22

ko ài y'ài dajoo kɔlɔ dabila, ài tɛɛ min ya siya lataamana kɔlɔkɔlɔ le, min lɔ yi tiɲala ka bɛn a mɔɔmanɛɛ nata yonnu ma.

Ɛfɛsikalu 4:25

Wo ma yi ne, ài yi faɲafɔ dabila. Ài kelenkelenna bɛ yi tuɲa fɔ ài mɔɔɲɔɔlu yɛ, kamasɔlɔn mɔ bɛ yi falikolo kelen ɲɔɔmalu le le.

Kɔlɔsikalu 3:8

Kɛɛ tandainɔ yi ne, fɔ ài yi ko minu bɛ dabila butu: josobɔ, mɔnɛ, kɔnɔlɔgbeya, tɔɔtiɲali, ado malobaliya kuma kà bɔ ài da.

1 Timote 1:10

ani kanukɛbalu, ani kɛ́ minu yi lala i ɲɔɔ fɛ, ani jɔn felebalu, ani faɲafɔbalu, ani faɲafɔ selelu, ani ko minu bɛ yi nala sɔsɔyali le kalan bɛlɛ kanma.

Ko Lankɛnɛmayanin 21:27

Kɛɛ fen kɔsɔnin foi tɛnala donna je, kumatɛ kolakɔsɔninkɛbalu ni faɲafɔbalu ma. Mɔɔ minu do tɔɔ sɛvɛnin Saa Bolan ya niimaya kitabu kɔnɔ, wolu le kɛtɔ donna je dein.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»

Ko Lankɛnɛmayanin 22:15

Kɛɛ jɛlɛlakɔsɔmɔɔlu kɛtɔ tola so kɔma, wolu ni subalu ni kanukɛbalu, ani mɔɔfaabalu ni joosɔbalu, ani mɔɔ minu yi faɲafɔko ladiyaɲɛla ka to faɲa fɔla kudein.