Kɔlɔsikalu 3:8 - Ala Ya Salatikan Kula Kitabu

⁸ Kɛɛ tandainɔ yi ne, fɔ ài yi ko minu bɛ dabila butu: josobɔ, mɔnɛ, kɔnɔlɔgbeya, tɔɔtiɲali, ado malobaliya kuma kà bɔ ài da.

Kɔlɔsikalu 3:8 ပူးပေါင်းရင်းမြစ်များ

Matiyu 5:22

Kɛɛ ǹ'a fɔ ài yɛ, mɔɔ min vɛ mɔnɛla a badenma ma, kiti bilatɔ wo tii la. Ni do mɔɔ min v'a badenma dɔɔyala, ai yi taa wo tii le kititɛɛbalu ɲakɔlɔ. Ni do mɔɔ min v'a fɔla a badenma ma ko ‹mɔɔ kolon›, wo la yi fili jahanama taa lɔ.

Malɛkɛ 7:22

natabaya, yonya, janvandeya, malobaliya, keleya, jɛvɛli, fannɔbaya, ani hangilindanya.

Lɔmukalu 13:13

Ài m'i taama mɔɔsɔvɛya boloma iwo m'i taamana teme tele gba la. Ài m'i mɔ jɛlɛ matanga dannatimin tolonnu ma, ani gbɛtɔya, ani kanukɛko, ani malobaliya, ani sɔsɔyalilu, ani keleya.

1 Kolɛntikalu 3:3

kamasɔlɔn dunuɲamɔɔlu dajoo le y'ài la bene. Komi keleya ni bɛnbaliya y'ài tɛma, jalasa wo t'a jiyala ko dunuɲamɔɔlu dajoo le ài la, ani ài yi taamana iwo adamaden jɛlɛla?

2 Kolɛntikalu 12:20

M̀'ɛ siyan k'a fɔ ko ni ǹ ka taa ài fɛlɔ, ǹ kɛtɔ ài talanna boloɲa dɔ ma min tɛnala bɛnna m̀ ma. Ado àilu fana kɛtɔ ǹ yena boloɲa dɔ ma min tɛnala bɛnna ài ma. M̀'ɛ siyan k'a fɔ ko ǹ kɛtɔ sɔsɔyali talanna ài tɛma, ani keleya ni josobɔ ni jɛlɛlafisaya ni tɔɔtiɲali ni mafɔli ni fannɔbaya ani sɔɔnsɔɔn.

Galatiyakalu 5:15

Kɛɛ do, ni ài ka kɛ i ɲɔɔ kinna k'i ɲɔɔ lɔfalafala, ài y'alama ài kana ài ɲɔɔ siyasa.

Galatiyakalu 5:20

joosɔko, subaya, lagbeyaɲɛ, sɔsɔyali, keleya, josobaya, ɲangbeya, bɛnbaliya, falanɲɔɔya,

Galatiyakalu 5:26

Mɔ kà fannɔbaya kɛ, ka baa i ɲɔɔ ma, ani k'i ɲɔɔ ɲangbeya.

Ɛfɛsikalu 4:22

ko ài y'ài dajoo kɔlɔ dabila, ài tɛɛ min ya siya lataamana kɔlɔkɔlɔ le, min lɔ yi tiɲala ka bɛn a mɔɔmanɛɛ nata yonnu ma.

Ɛfɛsikalu 4:25

Wo ma yi ne, ài yi faɲafɔ dabila. Ài kelenkelenna bɛ yi tuɲa fɔ ài mɔɔɲɔɔlu yɛ, kamasɔlɔn mɔ bɛ yi falikolo kelen ɲɔɔmalu le le.

Ɛfɛsikalu 4:26

Ài vɛ mɔnɛla, ài y'alama ài kana julumbu ta. Ài do kà mɔnɛya ladalo haan fɔɔ tele yi ben,

Ɛfɛsikalu 4:29

Ado ài kà diɲa kuma kɛwonnu yi bɔ ài da, mafɔ kuma minu yi se mɔɔlu lasawatila ani k'ai mako laɲia boloɲa dɔ ma, fɔsa ài lamɛnbalu yi nafa sɔlɔn.

Ɛfɛsikalu 5:4

Ài do kà malobaliya kumalu fɔ, ani kundanya kumalu, ani jɛlɛmako kɔsɔninnu, wolu foi bɛnnin tɛ. Kɛɛ min bɛnnin, wo le ka to balika bɔla Ala yɛ.

Kɔlɔsikalu 3:5

Wo ma, àiya dunuɲa dajoo kɔlɔlu minu y'ài lɔsunna koyonkɛ kanma, ài yi wolu lɔsa: kanukɛko, kokɔsɔninnu, niikanuko, miliya yon, ani natabaya (min taanin kɛla joo batoko suu dɔ le).

Kɔlɔsikalu 3:9

Ài kà faɲa fɔ i ɲɔɔ yɛ, kamasɔlɔn ài vɛ ài dajoo kɔlɔ ni a kɛko kɔlɔlu bɛ to ài kɔ.

1 Timote 1:13

Waate lɔ, ǹ tɛɛ a jɛvɛla ka aa mɔɔlu jangata kafaya boloma. Kɛɛ wo bɛ n'a kɛ, a na henandeya jiyala ǹ na, kamasɔlɔn ǹ tɛɛ ko suu wolu kɛla kolɔnbaliya ni limaniyabaliya le lɔ.

1 Timote 1:20

iwo Himene ni Alɛzandele kɛnin teme, ǹ na minu labilala Soitana yɛ, fɔsa ai yi falan kuma yon fɔla Ala ma.

Hebululu 12:1

Komi mɔ lamininnin sele jama ba suu min ne, wo le y'a ma, ài m'i ko bɛ to je min yi mɔ lasumayala ani julumbu minu ta diyanin mɔ bolo, fɔsa m'i se bɔli manɔla min latɛɛnin mɔ ma,

Janguba 2:7

Wolu le tɛ kuma yon fɔla tɔɔ ɲuma wo ma, min lanin ài la?

1 Piyɛli 2:1

Wo lɔ saa, ài yi koyon suu bɛ dabila, ani janvandeya, ani filangafoya, ani keleya, ani tɔɔfɔlikolu bɛ.

2 Piyɛli 2:18

Ai y'ai wasola kuma kundannu le, fɔsa mɔɔ minu yi kisi boloma ka bɔ mɔɔ filininnu tɛma, ai yi wolu manɛɛ ka bɛn falikolo niikanukolu ma.

2 Piyɛli 2:7

Kɛɛ a ka telenmande Luti lakisi, min nii tɔlɔyanin tɛɛ bubale ka bɛn koyonkɛbalu ya malobaliyakolu ma.

Jude 1:13

Ai kɛyine iwo kɔɔji kilinkilin magbɛlɛn min yi taa ni sei kɛla, aiya malobaliyakolu vɛ bɔla gbɛ la iwo kɔɔji kaanvu yi bɔla teme. Ai do kɛyine kɔtunun iwo loloni minu yi timintiminna sanma. Divi fin mainmain le ladalonin ai kanma kudein.

Jude 1:8

Wo boloɲa kelen ne ma, faɲafɔ kalanmɔɔ minu bolomalanin aiya kibalokannu ma, wolu y'ai falikolo lakɔsɔla, ka kuntiiya lagbeyaɲɛ, ani ka nii nɔɔlɔnilu lafeya minu yi haijɛnɛ.

Ko Lankɛnɛmayanin 16:9

Ai do ma ka bula wuyen ba bolo, wo bɛ n'a kɛ, ai tɛɛ Ala tɔɔ lafeyala, see yi ale min yɛ jangata wolu kunna. Ai do m'ai dajoo mafalin ka magbiliyali di a ma.