Kɔlɔsikalu 3:5 - Ala Ya Salatikan Kula Kitabu

⁵ Wo ma, àiya dunuɲa dajoo kɔlɔlu minu y'ài lɔsunna koyonkɛ kanma, ài yi wolu lɔsa: kanukɛko, kokɔsɔninnu, niikanuko, miliya yon, ani natabaya (min taanin kɛla joo batoko suu dɔ le).

Kɔlɔsikalu 3:5 ပူးပေါင်းရင်းမြစ်များ

Matiyu 15:19

Kamasɔlɔn miliya yon bɛ yi bɔla mɔɔ kɔnɔ le lɔ, ani a josokun nɔ: mɔɔfaako, jalonya, kanukɛko, suɲali, faɲafɔ seleya, ani tɔɔtiɲali.

Lɔmukalu 1:26

Wo le n'a kɛla, Ala k'ai bila ai jɛlɛ ma ko ai y'ai niikanukolu kɛ malobaliya boloma. Wo lɔ, aiya mosolu ma kafonɲɔɔya kɛ butu a kɛɲa ma, mafɔ ai ka kafonɲɔɔya kɛ i ɲɔɔ le fɛ.

Lɔmukalu 1:29

Ai josokun lafanin tɛɛ telenbaliyako suu bɛ dɔ la, ani koyon, ani natabaya, ani juuya, ani keleya, ani mɔɔfaako, ani mɔɔwotɛfalanko, ani janvandeya, ani kɔnɔlɔgbeya. Tɔɔfɔlikɛba le ai le,

Lɔmukalu 6:13

Ài k'ài falikolo fan suu suu di julumbu ma k'a kɛ telenbaliyakokɛfen ne. Mafɔ, ài y'ài jɛlɛ di Ala ma iwo mɔɔ minu wulinin ka bɔ saya lɔ, k'ài falikolo fan bɛ don Ala bolo k'ai kɛ kolatelenninkɛfen ne.

Lɔmukalu 6:6

Mɔ do k'a lɔn ko mɔ dajoo kɔlɔ gbaanyine kɔlɔman ma Isa fɛ, fɔsa julumbu min tɛɛ mɔ dajoo kɔlɔ lɔ, wo fanga yi ban ani mɔ kana to julumbu ya jɔnya lɔ butu.

Lɔmukalu 7:23

Kɛɛ wo bɛ n'a kɛ, ǹ'i seliya dɔgbɛlɛ le yena baalela ǹ falikolo fannu lɔ, min yi ǹ kɛlɛla m̀ miliya lɔ ka bɛn seliya latelenko ma. Seliya wo vɛ ǹ kɛ julumbu ya jɔn ne le, min lasawatinin ǹ falikolo fannu lɔ.

Lɔmukalu 7:5

Kamasɔlɔn mɔ tɛɛ taamana ka bɛn mɔ falikolo niikanukolu ma waate min nɔ, maa seliya lɔnko tɛɛ julumbuta lɔɔ le lawulila, ka mɔ falikolo fannu labaale kolu la minu laban yi saya le.

Lɔmukalu 8:13

Kamasɔlɔn ni ài vɛ kɛla taamana ka bɛn ài falikolo ladiyanankolu ma, ài yi sale feu. Kɛɛ ni ài do k'ài falikolo ya koyonnu lɔsa Nii Sɛnɛyanin sabu la, ài yi niimaya sɔlɔnne.

1 Kolɛntikalu 5:1

Tuɲa le, m̀'ɛ a mɛn ko kanukɛko yi kɛla ài tɛma, min suu tɛ kɛla hali Alalɔnbalilu gbu tɛma, haan fɔɔ kɛ́ y'a fa moso ta.

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

1 Kolɛntikalu 6:13

Mɔɔ dɔlu fana y'a fɔla, ai vɛɛ: «Dɔnnifen dinin kɔnɔgbolo le ya ko lɔ, ani kɔnɔgbolo dinin dɔnnifen ne ya ko lɔ.» Tuɲa le, kɛɛ Ala kɛtɔ fen fila wo bɛ le halakila. Mɔɔ falikolo koni la ma dan kanukɛko lɔ, kamasɔlɔn mɔ Tii ta le falikolo le, ado falikolo fana ta le mɔ Tii le.

1 Kolɛntikalu 6:18

Ài yi bɔli kanukɛko ma feu! Ka bɔ kanukɛko kɔ, ni mɔɔ ka hakɛ suu gbɛlɛ ta, wo tɛ a falikolo ya ko le. Kɛɛ kanukɛba yi hakɛ tala ale jɛlɛkanu falikolo le la.

2 Kolɛntikalu 12:21

M̀'ɛ siyan fana k'a fɔ ko m̀'ɛ nala ài fɛlɔ kɔtunun, ǹ Tii Ala kana ǹ lafeya ài ɲakɔlɔ, ani ǹ kana josomakasi masɔlɔn ka bɛn mɔɔ siyama ya ko ma, minu tɛɛ julumbu tala kɔlɔman ne, kɛɛ ai ma ai dajoo mafalin ka bɔ aiya kokɔsɔninnu ma, ani kanukɛkolu, ani malobaliyakolu.

Galatiyakalu 5:24

Mɔɔ minu yi Masa Tɔɔmasenin Isa ta le, wolu vɛ ai falikolo gbaan kɔlɔman ma, wo ni a niikanukolu ani a natalu.

Ɛfɛsikalu 4:19

Maloya den kelen tɛ ai la butu. Ai do vɛ ai jɛlɛ bila manamanakolu lɔ, ka kokɔsɔnin suu bɛ dɔ kɛ dannatimin boloma.

Kɔlɔsikalu 2:11

Ài vɛ jii kɛnɛ lɔ aa kafonɲɔɔya lɔ, kɛɛ ài makɛnɛkɛko tɛ mɔɔnivin bolonɔ le, mafɔ Masa Tɔɔmasenin nɔ, min n'ài lafɛlɛla k'ài bɔ ài falikolo ladiyanankolu ya fanga kɔlɔ.

1 Tɛsalonikakalu 4:3

Ala a fɛ le ài yi kɛ mɔɔ sɛnɛyanin ne k'ài matanga kanukɛko ma feu.

1 Tɛsalonikakalu 4:5

Ài do kà bila ài falikolo niikanukolu kɔ, iwo Alalɔnbalilu y'a kɛla teme.

1 Timote 6:10

Kamasɔlɔn koyon suu siyama jusiinin wɔliko nata le kɔkan. Ka bɛn nafolo lɔɔ ma, mɔɔ dɔlu vɛ limaniya siya bila k'ai josokun tɔlɔya ko siyama le.

Hebululu 12:16

Ài y'ài jando ài jɛlɛ lɔ, fɔsa ài suu suu kana kɛ kanukɛba le, niwotɛ Alabuɲabali le iwo Esawu, min ka aa kɔlɔya fele kunan kelen ko lɔ.

Hebululu 13:4

Fɔ bɛ yi fulu buɲa, ado fuluɲɔɔmalu ya lafen ma kà kɔsɔ, kamasɔlɔn Ala kɛtɔ jalon ni kanukɛbalu latɔnna.

Hebululu 13:5

Ài yi wɔliko nata bɔ àiya dunuɲalɔtɛɛ lɔ, ài sɔlɔnfennu y'ài ɲɛnɛ, kamasɔlɔn Ala n'a fɔla, a vɛɛ: «Ǹ tɛnala i bilala, kumatɛ ka m̀ ban i lɔ.»

Janguba 4:1

Kɛlɛko ni sɔsɔyali minu y'ài tɛma, wolu bɔnin min ne? Jalasa wolu ma bɔ àiya niikanukolu le lɔ, minu y'ài kɛlɛla waate bɛ ài falikolo lɔ?

1 Piyɛli 2:11

Ǹ diyananmɔɔlu, komi kɔɔkanmɔɔ ni lona le ài le dunuɲa, wo lɔ, ǹ'a fɔla ài yɛ k'a magbeleya, ài y'ài ban ài falikolo niikanukolu ma minu y'ài nunakili kɛlɛla.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»

Ko Lankɛnɛmayanin 22:15

Kɛɛ jɛlɛlakɔsɔmɔɔlu kɛtɔ tola so kɔma, wolu ni subalu ni kanukɛbalu, ani mɔɔfaabalu ni joosɔbalu, ani mɔɔ minu yi faɲafɔko ladiyaɲɛla ka to faɲa fɔla kudein.