Kɔlɔsikalu 3:4 - Ala Ya Salatikan Kula Kitabu

⁴ Masa Tɔɔmasenin min kɛnin àiya niimaya le, wo la vɛ nkɛnɛmayala lon min na, àilu fana nɔɔlɔnin lankɛnɛmayatɔ a fɛ.

Kɔlɔsikalu 3:4 ပူးပေါင်းရင်းမြစ်များ

Matiyu 13:43

Wo waate lɔ, Ala ya mɔɔ telenninu kɛtɔ mɛnɛnna iwo tele ai Fa Ala ya masaya lɔ. Tolo yi mɔɔ min kun, wo tii y'a tolomalɔ kuma min ma.»

Luka 17:30

Mɔɔnivin Tanin vɛ bɔla gbɛ la lon min na, a kɛtɔ wo boloɲa kelen ne ma.

Yohana 11:25

Isa do vɛɛ a yɛ: «Ǹe le fulenilu lawuliba le, ani niimayadiba. Ni mɔɔ mɔɔ si ka limaniya m̀ ma, wo tii totɔ niimaya le lɔ hali ni a ka sa.

Yohana 14:3

M̀'ɛ taala ài siiya lɔbɛnna, ǹ seikɔtɔ ka na ài ta ka taa ài le, fɔsa ǹ'i tɛɛminja, àilu fana yi kɛ woja.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 17:24

«Ǹ Fa, ǹ'a fɛ ǹ'i tɛɛminja, i na minu dila m̀ ma, wolu fana yi kɛ ǹ fɛ je, fɔsa ai yi ǹa magbiliyali ye, i na min dila m̀ ma kamasɔlɔn i na ǹ kanula jani dunuɲa tɛɛ dan.

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Kɛkolu 3:15

Min yi niimayadiba le, ài na wo le faala, kɛɛ Ala n'a lawulila ka bɔ saya lɔ. Mɔ do vɛ kɛ wo sele le.

Lɔmukalu 8:18

Ǹ ta miliya lɔ, bi tɔlɔyalu tɛ se sumala magbiliyali ma min la kɛtɔ nkɛnɛmayala mɔ yɛ sinin.

Lɔmukalu 8:19

Kamasɔlɔn dannifen bɛ kɔlɔtɔnin wo lon nako le la, Ala kɛtɔ a dennu lankɛnɛmayala lon min na.

1 Kolɛntikalu 1:7

Wo lɔ saa, Ala yi sɔli minu dila, ài dɛsɛnin tɛ wo foi la, ài vɛ mɔ Tii Masa Tɔɔmasenin Isa nalon makɔnɔna.

1 Kolɛntikalu 15:43

Ai y'a magbeyanin donna duu kɔlɔ, kɛɛ a lawulitɔ dalaya le lɔ. Ai do y'a donna duu kɔlɔ a fangandanya le lɔ, kɛɛ a lawulitɔ fangamaya le lɔ.

2 Kolɛntikalu 4:17

Ado m'i tɔlɔyani minu masɔlɔnna waateni kɔlɔ, wolu yi mɔ lɔbɛnna habadan magbiliyali le lɔ, min buɲanin ka timin tɔlɔya wolu la feu.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Filipikalu 3:21

Ale le kɛtɔ aa seetiiya labaalela, ka mɔ falikolo fangandan jɛlɛma, ka kɛ ale gbu falikolo nɔɔlɔnin suu le, ka bɛn wo seetiiya ma, a yi min labaalela ka fen bɛ kolo a yɛ.

1 Tɛsalonikakalu 4:17

Wo kɔ, ǹu minu vɛ kɛla mɔ nii la wo waate lɔ, mɔ ni ailu la kɛtɔ jɛlɛla kelen ne sanbiliyalu lɔ, ka taa mɔ Tii Isa labɛn sanma. Wo vɛ kɛla, mɔ bɛ kɛtɔ tola mɔ Tii le fɛ kudein.

1 Timote 6:14

ǹ ko, i yi jamali min labato sɛnɛyali ni jalakibaliya boloma, haan fɔɔ mɔ Tii Masa Tɔɔmasenin Isa la vɛ nkɛnɛmayala

2 Timote 1:1

Ǹe Pɔli le yi lɛtɛlɛ min sɛvɛla, ǹe min kɛnin Masa Tɔɔmasenin Isa ya keladen ne ka bɛn Ala sawo ma, ani ka bɛn niimaya lahedi ma, niimaya min yi sɔlɔnna Masa Tɔɔmasenin Isa ya kafonɲɔɔya lɔ.

2 Timote 4:8

Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

1 Piyɛli 1:13

Wo ma yi ne, ài y'ài hangili sii k'ài kɛ jɛlɛlɔminamɔɔlu le. Ài y'ài jei sii nɛɛma wo la kosɛvɛ, min ditɔ ài ma Masa Tɔɔmasenin Isa la vɛ nkɛnɛmayala waate min nɔ.

1 Piyɛli 5:4

Wo vɛ kɛla, saakunnasii kuntiiba la vɛ nkɛnɛmayala lon min na, ài kɛtɔ masayafula nɔɔlɔnin sɔlɔnna min dalaya tɛnala banna tuun.

1 Yohana 2:28

Wo lɔ saa, dennilu, ài yi to Masa Tɔɔmasenin ya kafonɲɔɔya lɔ, fɔsa a la vɛ nkɛnɛmayala lon min na, lanaya yi kɛ mɔ josokun nɔ, ani mɔ kana mɔ majaanya a la maloya boloma.

1 Yohana 3:2

Ǹ diyananmɔɔlu, Ala den ne mɔ le tandainɔ! Kɛɛ mɔ kɛtɔ teme, wo la ma nkɛnɛmaya ba bene. Ǹu koni k'a lɔn ne ni Masa Tɔɔmasenin la ka nkɛnɛmaya waate min nɔ, mɔ kɛtɔle iwo ale, kamasɔlɔn mɔ kɛtɔ a yena iwo a gbu yi teme.

1 Yohana 5:12

Ni mɔɔ min ka kɛ Denkɛ ta le, niimaya banbali yi wo tii le bolo. Ni do mɔɔ min ma kɛ Ala Denkɛ ta le, niimaya banbali tɛ wo tii bolo.

Jude 1:24

Tanuli ale le yɛ min yi se k'ài matanga fɔsa ài sen kana tuu, ani min yi se ài lalɔla a ɲakɔlɔ jalakibaliya ni sawa ba boloma a nɔɔlɔ lɔ.

Ko Lankɛnɛmayanin 2:7

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ niimaya kɔlɔmanden dila wo tii ma, a a dɔn, niimaya kɔlɔman min yi Ala ya kunnadiyaso la.›

Ko Lankɛnɛmayanin 22:1

A laban nɔ, mɛlɛka ka kɔɔ dɔ jiya ǹ na min yi niimaya ji le. A lakɛnɛyanin tɛɛ iwo sani. Kɔɔ wo tɛɛ bɔla Ala ni Saa Bolan ya masayasiifen kɔlɔ,

Ko Lankɛnɛmayanin 22:14

Duwawuden ne mɔɔ wolu le minu yi aiya pipɔ kola k'a gbɛ, fɔsa see yi di ai ma niimaya kɔlɔmanden dɔnko lɔ, ani ka don so kɔnɔ a dondalu fɛ.