Kɔlɔsikalu 3:3 - Ala Ya Salatikan Kula Kitabu

³ kamasɔlɔn ài vɛ sa, ado àiya niimaya ladalonin Masa Tɔɔmasenin ne fɛ Ala ya foniseleya lɔ.

Kɔlɔsikalu 3:3 ပူးပေါင်းရင်းမြစ်များ

Matiyu 11:25

Wo waate kelen nɔ, Isa k'a fɔ, a vɛɛ: «Ǹ Fa, sangbolo ni duukolo Tii, ǹ'i balika bɔla i yɛ, kamasɔlɔn i na ko minu doonna hangilima ni lɔnnilalu ma, i vɛ wolu jiya kalanbalilu la.

Yohana 14:19

A lɔ tɛnala mɛnna, dunuɲa tɛnala ǹ yena butu. Kɛɛ àilu kɛtɔ ǹ yena kɔtunun. Komi ǹ'i ǹ nii la, wo lɔ, àilu fana kɛtɔ niimaya kɛla.

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Yohana 4:14

Kɛɛ ǹ'i ji min dila, mɔɔ mɔɔ vɛ wo dɔ minna, minkɛlɔɔ tɛnala wo tii minala butu tuun. Wo kɛtɔle a kɔnɔlɔ iwo kɔɔkun min yi woyola ka niimaya banbali di a ma.»

Yohana 5:21

Kamasɔlɔn Fa yi fulenilu lawulila ka niimaya di ai ma teme, wo boloɲa kelen ma, a Denkɛ yi niimaya dila mɔɔlu ma, minu vɛ a diyala.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Yohana 5:40

Ài do tɛ diɲala ka na m̀ ma fɔsa ài yi niimaya sɔlɔn.

Lɔmukalu 5:10

Ala juu le tɛɛ mɔ le, kɛɛ a na ale ni ǹu wotɛbɛnna a Denkɛ ya saya le fɛ. Komi mɔ wotɛ vɛ bɛn butu, a lagbɛyine feu ko mɔ kɛtɔ kisila a Denkɛ ya niimaya le fɛ.

Lɔmukalu 5:21

Julumbu na fanga sɔlɔnna ka bɛn saya le ma. Wo boloɲa kelen ma, Ala ya nɛɛma yi fanga sɔlɔnna ka bɛn telenmandeya le ma, min yi nala niimaya banbali le mɔ Tii Masa Tɔɔmasenin Isa sabu la.

Lɔmukalu 6:11

Wo boloɲa kelen ma, àilu gbu y'ài jɛlɛ jate iwo mɔɔ saninnu minu vɛ bɔ julumbu fanga kɔlɔ, ani mɔɔ minu yi niimaya kɛla Ala yɛ Masa Tɔɔmasenin Isa ya kafonɲɔɔya lɔ.

Lɔmukalu 6:2

Ɛnɛn dɛ! Julumbu ta fanfɛla lɔ, mɔ vɛ sa ka bɔ wo kɔlɔ. Wo lɔ saa, m'i se ka maa dunuɲalɔtɛɛ kɛ julumbutɔya lɔ di?

Lɔmukalu 8:2

Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

1 Kolɛntikalu 15:45

Wo le n'a kɛla, a sɛvɛnin kitabu kɔnɔ, ko: «Mɔɔ kunfɔlɔ, min taanin kɛla Adama le, wo ka kɛ niimafen ne.» Kɛɛ Adama laban ka kɛ Nii le le, min yi niimaya dila.

1 Kolɛntikalu 2:14

Kɛɛ adamaden jɛlɛla tɛ a bolo siila Ala Nii Sɛnɛyanin kolu kɔlɔ, kamasɔlɔn wolu y'a ɲana ko kundan ne le. A do tɛ ai ɲayena, kamasɔlɔn wolu wotɛbɔ yi lɔnna Nii Sɛnɛyanin ne fɛ dein.

2 Kolɛntikalu 5:14

Kamasɔlɔn Masa Tɔɔmasenin ya kanundeya le yi mɔ lamalala. Mɔ do v'a ɲaye ko kɛ́ kelen ne sanin bɛ ya ko lɔ. Wo ma, bɛ fɛ y'aa saya la.

2 Kolɛntikalu 5:7

M'i taamana limaniya le boloma, ɲala yeni tɛ.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Ɛfɛsikalu 3:9

Ado Dannimasa Ala tɛɛ vɛ jatesiili min doon ka ta waate jaan timinninu ma, ko ǹ'i gbonoko wo lankɛnɛmaya bɛ yɛ,

Filipikalu 4:7

Wo vɛ kɛla, Ala ya josolajii min timinnin adamadennu ya koɲaye bɛ la, wo kɛtɔ ài josokun ni ài miliya ladalola Masa Tɔɔmasenin Isa ya kafonɲɔɔya lɔ.

Kɔlɔsikalu 1:5

Ài yi wo bɛ kɛla ka bɛn ài jeisii le ma, min ladalonin ài yɛ haijɛnɛ. Ài do jii tɛɛ wo le ma ka ta ài na tuɲandeya kuma mɛnna waate min nɔ kunfɔlɔ le, min taanin kɛla Samakan Kein ne.

Kɔlɔsikalu 2:20

Ni àilu ni Masa Tɔɔmasenin vɛ sa kelen ne, ani ài la vɛ fɛlɛ ka bɔ dunuɲa fangatii yenbalilu ya seetiiya kɔlɔ, wo lɔ, mindɛ lɔ ài y'a kɛla iwo dunuɲa ta le ài le, k'ài fanmajii tɔn minu yɛ hali bi, ko:

Kɔlɔsikalu 2:3

hangilimaya ni lɔnni nafololu bɛ doonnin ale le lɔ.

Kɔlɔsikalu 3:4

Masa Tɔɔmasenin min kɛnin àiya niimaya le, wo la vɛ nkɛnɛmayala lon min na, àilu fana nɔɔlɔnin lankɛnɛmayatɔ a fɛ.

Hebululu 7:25

Wo le y'a ma, a yi sene mɔɔlu lakisila feu, minu yi timinna ale fɛ k'i madon Ala la, kamasɔlɔn a a nii la kudein k'ai masolonali mina Ala ma.

1 Piyɛli 3:4

mafɔ àiya keinya yi kɛ ài josokun ne lɔ, ka bɛn ài dajoo sɔniyanin ni ài mafaɲa ma. Keinya wo suu tɛ tununna, a do kulugbeleyayine Ala ɲakɔlɔ.

1 Piyɛli 4:2

Wo le y'a ma, a sɔnjanin tɛ adamaden niikanukolu le butu aa dunuɲalɔtɛɛ tɔ bɛ lɔ, mafɔ Ala sawonankolu.

1 Yohana 3:2

Ǹ diyananmɔɔlu, Ala den ne mɔ le tandainɔ! Kɛɛ mɔ kɛtɔ teme, wo la ma nkɛnɛmaya ba bene. Ǹu koni k'a lɔn ne ni Masa Tɔɔmasenin la ka nkɛnɛmaya waate min nɔ, mɔ kɛtɔle iwo ale, kamasɔlɔn mɔ kɛtɔ a yena iwo a gbu yi teme.

Ko Lankɛnɛmayanin 2:17

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ mana doonnin dɔ dila wo tii ma. Ǹ kɛtɔ kawakulun gbɛ dila a ma fana, tɔɔ kula dɔ sɛvɛnin vɛ min kɔkan, mɔɔ mɔɔ si ma min lɔn, mafɔ mɔɔ min kɛtɔ a sɔlɔnna.›