Kɔlɔsikalu 3:24 - Ala Ya Salatikan Kula Kitabu

²⁴ Kamasɔlɔn ài k'a lɔn ne ko mɔ Tii yi balayi minu ladalola a jɛlɛkanu mɔɔlu yɛ, ài kɛtɔ wolu le sɔlɔnna ka kɛ ài sala le. Ài do yi mɔ Tii Masa Tɔɔmasenin Isa ya bɔidenya le la.

Kɔlɔsikalu 3:24 ပူးပေါင်းရင်းမြစ်များ

Matiyu 10:41

Ni mɔɔ min k'a bolo sii Ala ya keladen dɔ kɔlɔ kamasɔlɔn keladen ne a le, keladen yi balayi min sɔlɔnna, wo tii fana kɛtɔ wo suu le sɔlɔnna. Ni do mɔɔ min k'a bolo sii Alaɲasiyanɲɛmɔɔ dɔ kɔlɔ kamasɔlɔn Alaɲasiyanɲɛmɔɔ le a le, Alaɲasiyanɲɛmɔɔ kɛtɔ balayi min sɔlɔnna, wo tii fana kɛtɔ wo suu le sɔlɔnna.

Matiyu 5:12

Ài kɔnɔlɔ yi diya bubale, kamasɔlɔn ài kɛtɔ balayi ba le sɔlɔnna haijɛnɛ, kamasɔlɔn ai ka kela kɔlɔkɔlɔlu jangata ten ne.»

Matiyu 5:46

Niwotɛ, ni ài k'ài niilu kanu dein, ài kɛtɔ balayi mindɛ le sɔlɔnna wo lɔ? Hali niisɔɔnminabalu gbu yi wo ɲɔɔzii kɛla.

Matiyu 6:16

«I vɛ sundonna lon min na, i k'i ɲakɔlɔ sili iwo filangafolu y'a kɛla teme. Wolu y'ai ɲakɔlɔ silila fɔsa mɔɔlu y'a lɔn ai yi sun nɔ. Ǹ'i tuɲa fɔ ài yɛ, ai vɛ ban ai balayi sɔlɔnna.

Matiyu 6:5

«Ài vɛ kɛla Ala dalila, ài kà a kɛ iwo filangafolu y'a kɛla teme. A diyanin ai yɛ k'ai lɔ Aladalibonnu ni siya dalu la ka Aladali kɛ, fɔsa mɔɔlu y'ai ye. Ǹ'i tuɲa fɔ ài yɛ, wolu vɛ ban ai balayi sɔlɔnna.

Luka 14:14

I kɛtɔ balayi sɔlɔnna wo lɔ, kamasɔlɔn wolu tɛ se iya kokein wo suu kɛla i yɛ. Ala gbu le kɛtɔ i salala wo ma, Telenmandelu Lawulilon ka bɔ saya lɔ.»

Luka 6:35

Àilu koni, fɔ ài y'ài juulu kanu ka kokein kɛ ai yɛ. Ài yi julu la k'ài jii bɔ a salako kɔ. Wo vɛ kɛla, ài kɛtɔ balayi ba sɔlɔnna ka kɛ Masa Taala dennu le. Kamasɔlɔn ale le yi kokein kɛla mɔɔ bɛ yɛ, hali koɲumalɔnbalilu ni mɔɔ yonnu.

Yohana 12:26

Ni mɔɔ min y'a fɛ ka baale kɛ ǹ yɛ, fɔ wo tii yi bila ǹ kɔ, ado m̀'ɛ kɛla tɛɛminja, ǹa bɔiden fana kɛtɔ je le. Ni mɔɔ min ka baale kɛ ǹ yɛ, ǹ Fa kɛtɔ wo tii buɲala.»

Kɛkolu 20:32

«Tandainɔ yi ne, ǹ'ài kalifala Ala le la ani aa nɛɛma kuma, wo min yi se k'ài lasawati ani ka balayi di ài ma, min ladalonin aa mɔɔ lasɛnɛyaninnu yɛ.

Lɔmukalu 1:1

Ǹe Pɔli, Masa Tɔɔmasenin Isa ya jɔn ne yi lɛtɛlɛ min sɛvɛla, ǹe min kilinin ka ǹ kɛ keladen ne, ani ka m̀ bila ǹ ta fan Ala ya Samakan Kein yɛ.

Lɔmukalu 14:18

Mɔɔ min yi baalela Masa Tɔɔmasenin yɛ boloɲa min ma, wo tii ya ko diyayine Ala yɛ. A do yi tanuli sɔlɔnne mɔɔlu bolo.

1 Kolɛntikalu 11:23

Kamasɔlɔn ǹ na kalan min sɔlɔnna mɔ Tii la, ǹ'i wo le lasena ài ma: Ai ka mɔ Tii Isa janva su min nɔ, a ka bulu ta

1 Kolɛntikalu 3:8

Mɔɔ min yi fen sɛnɛna ani min y'a sɔla ji la, wolu kaanyine. Ai kelenkelenna bɛ kɛtɔ ai sala sɔlɔnna ka bɛn aiya baale le ma.

1 Kolɛntikalu 7:22

Ni mɔ Tii ka jɔn min kili, wo tii vɛ kɛ mɔ Tii ya mɔɔ lafɛlɛnin ne. Wo boloɲa kelen ma, ni mɔ Tii ka mɔɔ lafɛlɛnin min kili, wo tii vɛ kɛ Masa Tɔɔmasenin ya jɔn ne.

Galatiyakalu 1:10

Jalasa ǹ'i adamadennu ya matɔɔli le ɲininna yi ne, baa Ala ta? Jalasa ǹ'a fɛ ǹa ko yi diya mɔɔlu le yɛ? Ni ǹ tɛɛ a fɛ ǹa ko yi diya mɔɔlu yɛ kɔtunun, ǹ tɛɛ tɛnala kɛla Masa Tɔɔmasenin ya bɔiden ne.

Ɛfɛsikalu 6:6

Ài kà baale kɛ ka bɛn ai ɲakɔlɔla ma fɔsa àiya ko yi diya ai yɛ teme, mafɔ ài yi Ala sawo le kɛ ài josokun bɛ le, iwo Masa Tɔɔmasenin ya jɔnnu.

Ɛfɛsikalu 6:8

Ài k'a lɔn ko mɔ Tii kɛtɔ mɔ kelenkelenna bɛ salala, jɔn ni hɔlɔlu bɛ, ka bɛn maa koɲumakɛko ma.

Kɔlɔsikalu 2:18

Ài kà diɲa mɔɔ suu suu y'ài jobaliya, minu yi faɲafɔ fanmajii kɛla ani ka mɛlɛkalu bato. Mɔɔ wolu yi ko siyama le ɲafɔla, ai vɛɛ ko Ala le na wolu lajɛlɛla ai ɲa ma, k'ai fannɔbuɲa fuun ka bɛn aiya adamadenya miliya ma dein.

Hebululu 10:35

Wo lɔ saa, ài kà àiya lanaya sɔvɛ to je, kamasɔlɔn wo yi nala balayi ba le le.

Hebululu 11:6

Ka bɔ limaniya kɔ, mɔɔ tɛ se diyala Ala yɛ feu. Ni mɔɔ min y'a fɛ k'i masulunya Ala la, fɔ wo tii yi limaniya k'a fɔ ko Ala yi je, ani a yi mɔɔlu balayila minu y'a ɲininna.

Hebululu 9:15

Wo le y'a ma, Isa le mɔɔwotɛlɔbɛnba le salatikan kula lɔ, fɔsa mɔɔ minu kilinin Ala bolo, wolu yi habadan balayi sɔlɔn min lahedi tanin. Kamasɔlɔn saya le kɛnin mɔɔlu kunmakako lɔ k'ai bɔ aiya hakɛlu lɔ, ai na minu tala salatikan kunfɔlɔ waate lɔ.

1 Piyɛli 1:4

Wo ma, Ala yi balayi minu ladalola haijɛnɛ, minu tɛ se tiɲala, niwotɛ ka kɔsɔ, niwotɛ k'a dɔ bɔ ai dalaya la, wolu ladalonin àilu le yɛ,

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

Jude 1:1

Ǹe Jude, min yi Masa Tɔɔmasenin Isa ya bɔiden ne ani Janguba badenma, ǹ'i lɛtɛlɛ min sɛvɛla mɔ Fa Ala ya mɔɔ kilininnu le ma, a yi minu kanula, ani k'ai ladalo Masa Tɔɔmasenin Isa yɛ.