Kɔlɔsikalu 3:15 - Ala Ya Salatikan Kula Kitabu

¹⁵ Masa Tɔɔmasenin ya josolajii yi sawati ài josokun nɔ, kamasɔlɔn Ala n'ài kilila wo le kanma, k'ài kɛ falikolo kelen ne, ado ài yi kɛ koɲumalɔnba le.

Kɔlɔsikalu 3:15 ပူးပေါင်းရင်းမြစ်များ

Yohana 14:27

«Ǹ'i josolajii le tola ài bolo, ǹa josolajii, ǹ'i wo le donna ài bolo. Ǹ t'a dila ài ma iwo dunuɲa y'a dila teme. Ài joso kà tɔlɔ, ài do kà siyan.

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Lɔmukalu 1:21

Hali ai yi Ala ya ko kalama, ai ma magbiliyali di a ma iwo Ala, niwotɛ ka balika bɔ a yɛ. Mafɔ, ai hangili la ka gbasi, ado aiya hangilindanya vɛ ai bila divi lɔ.

Lɔmukalu 14:17

Kamasɔlɔn Ala ya masaya tɛ dɔnni ni minni ko le, mafɔ telenmandeya ani josolajii ani josoladiya, Nii Sɛnɛyanin yi minu dila.

Lɔmukalu 15:13

Ala min yi jeisii dila, wo y'ài josoladiya k'ài josolajii bɛlɛbɛlɛ kɛ àiya limaniya fɛ, fɔsa a dɔ yi to lala àiya jeisii kɔkan ka bɛn Nii Sɛnɛyanin ya seetiiya ma.

Lɔmukalu 5:1

Mɔ vɛ jate telenmande le Ala ɲakɔlɔ limaniya fɛ, wo lɔ, josolajii vɛ don ǹu ni Ala wotɛ mɔ Tii Masa Tɔɔmasenin Isa sabu la.

1 Kolɛntikalu 10:17

Komi bulukala kelen ne, hali ni mɔ walanin ka kɛ, falikolo kelen ne mɔ le butu, kamasɔlɔn mɔ bɛ dɛnnin bulukala kelen wo le la.

1 Kolɛntikalu 7:15

Kɛɛ ni limaniyabali dɔ y'a fɛ ka bɔ limaniyamɔɔ dɔ kun, ài y'a to ten, a yi taa. Wo vɛ kɛla, limaniyamɔɔ wo silinin tɛ wo tii ma butu. Kamasɔlɔn Ala n'ài kilila josolajii le kanma.

2 Kolɛntikalu 4:15

Tuɲa le, ko wo bɛ yi mɔ masɔlɔnna àiya ko le lɔ, fɔsa Ala ya nɛɛma la vɛ sena mɔɔ jilika jilika ma, ai yi balika bɔ Ala yɛ a magbiliyako lɔ.

2 Kolɛntikalu 9:11

A do kɛtɔ ài labanayala boloɲa bɛ ma, fɔsa ài bolo yi fɔlin waate bɛ. Ado mɔɔ siyama kɛtɔ balika bɔla Ala yɛ ka bɛn àiya niilifennu ma, m'i minu lasena ai ma.

Ɛfɛsikalu 4:16

Aa kuntiiya lɔ, falikolo fan bɛ la yi dɛnna k'ai tuun i ɲɔɔ na a tuunɲa bɛ le. Wo lɔ, falikolo fan kelenkelenna bɛ vɛ kɛla a ta baale kɛla a ɲa ma, falikolo lakunnin la yi sawatile kanundeya boloma.

Ɛfɛsikalu 4:4

Mɔ bɛ dɛnnin falikolo kelen ne la, ani Nii Sɛnɛyanin kelen, iwo ài kilinin teme jeisii kelen kanma.

Ɛfɛsikalu 5:1

Komi Ala diyanan den ne ài le, wo lɔ, ài yi suma a ma,

Ɛfɛsikalu 5:20

Ài yi kɛ balika bɔla mɔ Fa Ala yɛ waate bɛ ni ko bɛ lɔ, mɔ Tii Masa Tɔɔmasenin Isa tɔɔ lɔ.

Kɔlɔsikalu 1:12

Ài do yi balika bɔ mɔ Fa Ala yɛ, kamasɔlɔn a yi balayi minu ladalola mumininnu yɛ aa masaya lakɛnɛyanin nɔ, a na see dila ài ma fɔsa ài fɛ yi kɛ wo la.

Kɔlɔsikalu 2:7

k'ài lilen don k'ài bama aa ko lɔ, ani k'ài sawati limaniya lɔ iwo ài kalannin a la teme, ài vɛ balika bɔla Ala yɛ kudein.

Kɔlɔsikalu 3:17

Ài vɛ ko ko si kɛla, ani ài vɛ kuma suu suu fɔla, ài yi wo bɛ kɛ mɔ Tii Isa tɔɔ lɔ ka balika bɔ mɔ Fa Ala yɛ ale Isa fɛ.

1 Tɛsalonikakalu 5:18

Ài yi balika bɔ Ala yɛ ko bɛ lɔ, kamasɔlɔn a sawo le wo le ài yɛ Masa Tɔɔmasenin Isa ya kafonɲɔɔya lɔ.

1 Timote 2:1

Ǹ'i ko kunfɔlɔ min fɔla k'a magbeleya, wo le ài yi Ala madiya, ka Ala dali i ɲɔɔ yɛ, ani ka balika bɔ a yɛ mɔɔ bɛ ya ko lɔ.

1 Timote 6:12

I i lɔja ka kɛlɛ ɲuma kɛ ka bɛn limaniya ma. I i bolo kɛ niimaya banbali la, Ala n'i kilila min kanma, i na seleya ɲuma dila waate min nɔ sele siyama ɲakɔlɔ.

Hebululu 13:15

Wo lɔ saa, ài m'i tanuli kɛ salaka le min la yi sena Ala ma waate bɛ ka bɛn Isa ma, mɔ v'i lɔla a tɔɔ la bala lɔ.

Ko Lankɛnɛmayanin 7:12

Ai v'a fɔla, ai vɛɛ: «Amiina! Tanuli ni magbiliyali ni hangilimaya ni balikabɔ ni buɲali ni seetiiya ani fangamaya, wo bɛ yi mɔ Tii Ala ta le le waate bɛ ani habadan. Amiina!»