Kɔlɔsikalu 3:13 - Ala Ya Salatikan Kula Kitabu

¹³ Ài do sɔn yi kun i ɲɔɔ nɔ, k'i ɲɔɔ makoto. Ni a dɔ ka hakɛ ta a dɔ la, ài ɲɔɔ makoto iwo mɔ Tii n'ài makotola teme.

Kɔlɔsikalu 3:13 ပူးပေါင်းရင်းမြစ်များ

Matiyu 5:44

Kɛɛ ǹ'a fɔ ài yɛ, ài y'ài juulu kanu, ka Ala dali ài jangatabalu yɛ,

Matiyu 6:12

I yi maa koyonnu lɔkoto, iwo ǹu fana vɛ mɔɔlu makoto teme, minu na koyon kɛla mɔ la.

Malɛkɛ 11:25

I lɔnin vɛ kɛla Ala dalila, ni i hangili ka bila ko, ko dɔ ile ni mɔɔ dɔ wotɛ, wo vɛ kɛla, i yi wo tii makoto, fɔsa i Fa min yi haijɛnɛ, wo fana ile gbu ya hakɛlu lɔkoto.»

Luka 11:4

I yi maa koyonnu lɔkoto, baa ǹu gbu yi mɔɔlu makotola minu yi koyon kɛla mɔ la. I do kà diɲa mɔ ma yi nɛɛ ka bila koyon nɔ.»

Luka 23:34

Isa do vɛɛ: «Ǹ Fa, i y'ai makoto, kamasɔlɔn ai m'a lɔn ai yi min kɛla.» Wo kɔ, sɔdasilu ka kalabila kɛ ka bɛn aa faanilu lɔtalako ma i ɲɔɔ wotɛ.

Lɔmukalu 15:7

Wo lɔ, ài y'ài bolo sii i ɲɔɔ kɔlɔ iwo Masa Tɔɔmasenin n'a bolo siila ài kɔlɔ teme Ala magbiliyako lɔ.

2 Kolɛntikalu 2:10

Ni ài do ka mɔɔ min makoto yi ne, ǹe fana vɛ wo tii makoto. Ni do ko dɔ ka kɛ je, ǹ ka kan ka min lɔkoto, m̀'ɛ a lɔkoto àiya ko lɔ ka Masa Tɔɔmasenin kɛ ǹ sele le,

2 Kolɛntikalu 6:6

Mɔ v'a jiya ko Ala ya bɔiden ne mɔ le maa sɛnɛya fɛ, ani maa lɔnni fɛ, ani maa sawali fɛ, ani maa ɲumaya fɛ, ani Nii Sɛnɛyanin ya see fɛ, ani maa kanundeya bɛlɛbɛlɛ fɛ.

Galatiyakalu 6:2

Ài ɲɔɔ madɛmɛn ài kunkolu ma, wo vɛ kɛla, Masa Tɔɔmasenin ya seliya da yi fale.

Ɛfɛsikalu 4:2

Ko bɛ lɔ, ài y'ài fanmajii, k'ài sɔniya, ani k'ài sawali. Àiya kolu yi kun i ɲɔɔ nɔ kanundeya boloma.

Ɛfɛsikalu 4:32

Kɛɛ ài yi ɲumaya ni henandeya jiya i ɲɔɔ na, k'ài ɲɔɔ makoto iwo Ala n'ài makotola teme Masa Tɔɔmasenin fɛ.

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

Kɔlɔsikalu 3:12

Komi Ala n'ài tala k'ài kɛ a diyananmɔɔ sɛnɛyaninnu le, wo lɔ, ài yi dajoo kula ta ka kɛ maɲumande le, ani mɔɔ ɲuma, ani mɔɔ fanmajiinin, ani mɔɔ mafanin, ani mɔɔ sawalinin.

Janguba 2:13

Kamasɔlɔn ni mɔɔ min ma hena dɔlu la, wo tii ya kiti tɛnala tɛɛla henandeya boloma. Henandeya le yi see sɔlɔnna kiti ma.

1 Piyɛli 2:21

Ài kilinin wo le kanma, kamasɔlɔn Masa Tɔɔmasenin gbu le na tɔlɔya masɔlɔnna ka bɛn àiya ko ma, ka wo kɛ misali le ài yɛ, fɔsa àilu gbu yi taama a sennɔ lɔ.