Kɔlɔsikalu 3:12 - Ala Ya Salatikan Kula Kitabu

¹² Komi Ala n'ài tala k'ài kɛ a diyananmɔɔ sɛnɛyaninnu le, wo lɔ, ài yi dajoo kula ta ka kɛ maɲumande le, ani mɔɔ ɲuma, ani mɔɔ fanmajiinin, ani mɔɔ mafanin, ani mɔɔ sawalinin.

Kɔlɔsikalu 3:12 ပူးပေါင်းရင်းမြစ်များ

Matiyu 24:22

Ni Ala tɛɛ ma wo tɔlɔya waate lɔsulunya, adamaden foi tɛɛ tɛnala kisila. Kɛɛ ka bɛn Ala ya mɔɔ taninnu ma, a kɛtɔ a dɔ bɔla tele wolu la.

Matiyu 24:24

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Matiyu 24:31

Wo kɔ, a kɛtɔ aa mɛlɛkalu lataala dunuɲa tongun naani bɛ la buulufɛkan ba le. Ka damina dunuɲa kun ma ka taa sii a juu la, aa mɛlɛkalu kɛtɔ aa mɔɔ taninnu ladɛnna.»

Malɛkɛ 13:20

Ni mɔ Tii tɛɛ ma wo tɔlɔya waate lɔsulunya, adamaden foi tɛɛ tɛnala kisila. Kɛɛ ka bɛn Ala ya mɔɔ taninnu ma, a kɛtɔ a dɔ bɔla tele wolu la.

Malɛkɛ 13:22

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ni kawanankolu kɛla, fɔsa Ala ya mɔɔ taninnu la yi fili, ni wo ka se kɛla.

Malɛkɛ 13:27

Wo kɔ, a kɛtɔ aa mɛlɛkalu lataala dunuɲa tongun naani bɛ la. Ka damina dunuɲa kun ma ka taa sii a juu la, aa mɛlɛkalu kɛtɔ aa mɔɔ taninnu ladɛnna.»

Luka 1:78

Ka bɛn mɔ Tii Ala ya henandeya ba ma, kɛnɛya bɔtɔ mɔ yɛ gbesekele iwo telebɔ,

Luka 18:7

Ni Ala ya mɔɔ taninnu ka to ai makasila a yɛ su ni tele, a tɛ jo di ai ma? Jalasa ai madɛmɛnko ma yi tamale?

Lɔmukalu 1:7

Àilu minu yi Lɔmu so kɔnɔ, Ala na minu kanula k'ài kili k'ài kɛ mumininnu le, ǹ'i lɛtɛlɛ min sɛvɛla ài bɛ le ma. Mɔ Fa Ala ni mɔ Tii Masa Tɔɔmasenin Isa ya nɛɛma yi kɛ ài yɛ, k'ài josolajii.

Lɔmukalu 13:14

Ài yi mɔ Tii Masa Tɔɔmasenin Isa dajoo ta ài jɛlɛ yɛ. Ài do k'ài sɔnja ài falikolo le butu ka bɛn a niikanukolu ma.

Lɔmukalu 9:11

Jani filaninnu tɛɛ sɔlɔn, k'a talan ai tɛɛ ma koɲuma kɛ ba bene, niwotɛ koyon, Ala ka kolu labaale fɔsa aa mɔɔtako jusiinin yi to aa kolatɛɛnin kɔkan. A do jusiinin tɛ mɔɔ kɛkolu kɔkan, mafɔ ale min yi mɔɔlu kilila.

1 Kolɛntikalu 13:4

Kanundeya yi mɔɔ min josokun nɔ, wo tii le mɔɔ sawalinin ne, ani mɔɔ ɲuma. Keleya tɛ a josokun nɔ, niwotɛ waso. A tɛ mɔɔ kafanin ne.

2 Kolɛntikalu 6:6

Mɔ v'a jiya ko Ala ya bɔiden ne mɔ le maa sɛnɛya fɛ, ani maa lɔnni fɛ, ani maa sawali fɛ, ani maa ɲumaya fɛ, ani Nii Sɛnɛyanin ya see fɛ, ani maa kanundeya bɛlɛbɛlɛ fɛ.

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Ɛfɛsikalu 1:4

Jani dunuɲa tɛɛ dan, Ala na mɔ tala ka mɔ ladon Isa ya kafonɲɔɔya lɔ fɔsa m'i kɛ mɔɔ sɛnɛyanin ne ani jalakibali le a ɲakɔlɔ. Kanundeya boloma,

Ɛfɛsikalu 4:2

Ko bɛ lɔ, ài y'ài fanmajii, k'ài sɔniya, ani k'ài sawali. Àiya kolu yi kun i ɲɔɔ nɔ kanundeya boloma.

Ɛfɛsikalu 4:24

ani ka dajoo kula ta, Ala na min ladanna a jɛlɛkanu sawula lɔ telenmandeya ni sɛnɛya boloma, minu yi sɔlɔnna tuɲa sabu la.

Ɛfɛsikalu 4:32

Kɛɛ ài yi ɲumaya ni henandeya jiya i ɲɔɔ na, k'ài ɲɔɔ makoto iwo Ala n'ài makotola teme Masa Tɔɔmasenin fɛ.

Filipikalu 1:8

Ala le ǹ sele le k'a fɔ ko ài lɔɔ yi gbala ǹ na teme ka bɛn Masa Tɔɔmasenin Isa ya kanundeya ma.

Kɔlɔsikalu 3:10

Ài do vɛ dajoo kula ta, min ma yi falinna kudein ka kɛ a kula le, fɔsa ài yi wo lɔn bɛlɛbɛlɛ kɛ min na a ladanna a jɛlɛkanu sawula lɔ.

1 Tɛsalonikakalu 5:15

Ài y'alama ài dɔ kà koyon julu sala koyon na, kɛɛ ài y'ài lɔja kudein ka koɲuma kɛ i ɲɔɔ yɛ, ani mɔɔ bɛ yɛ.

2 Timote 1:9

min na mɔ lakisila, ka mɔ kili ka mɔ kɛ aa mɔɔ sɛnɛyaninnu le. Wo do ma kɛ ka bɛn mɔ kɛkolu ma, mafɔ a jɛlɛkanu ya kolatɛɛnin ma, ani aa nɛɛma min dinin mɔ ma Masa Tɔɔmasenin Isa ya kafonɲɔɔya lɔ, jani dunuɲa tɛɛ dan.

2 Timote 2:10

Wo lɔ, ǹ'i ko bɛ le minala m̀ ma ka bɛn Ala ya mɔɔ taninnu ya ko ma, fɔsa ailu fana yi kisi Masa Tɔɔmasenin Isa sabu la ka habadan magbiliyali sɔlɔn.

Tite 1:1

Ǹe Pɔli le yi lɛtɛlɛ min sɛvɛla, ǹe min yi Ala ya bɔiden ne ani Masa Tɔɔmasenin Isa ya keladen. Ǹ tayine ka ǹ kelaya ko ǹ'i Ala ya mɔɔ taninnu madɛmɛn aiya limaniya lɔ, k'ai lalɔnni tuɲa la min y'ai taamaɲa bɛn Ala ɲakɔlɔ,

1 Piyɛli 1:2

Ka bɛn mɔ Fa Ala ya kojatesiininnu ma, a n'ài tala mɔɔlu tɛma kɔlɔkɔlɔ le k'ài kɛ mɔɔ sɛnɛyanin ne Nii Sɛnɛyanin sabu la, fɔsa ài yi kolo Masa Tɔɔmasenin Isa yɛ k'ài lasɛnɛya ka bɛn a jeli bɔnko ma. Nɛɛma ni josolajii la yi sawati ài yɛ bɛlɛbɛlɛ kɛ.

2 Piyɛli 1:10

Wo le y'a ma, m̀ badenmalu, Ala n'ài kilila k'ài ta ko min kanma, ài y'ài lɔgbeleya k'a dɔ la wo kɔkan. Ni ài do ka wo kɛ, ài sen tɛnala tuula tuun k'ài ben.

1 Yohana 4:19

Ǹu koni yi kanundeya kɛla, kamasɔlɔn Ala le na mɔ kanula kunfɔlɔ le.

2 Yohana 1:13

Ala na i badenmamoso min tala ka kɛ a ta le, wo dennu i fola.

Ko Lankɛnɛmayanin 17:14

Ai kɛtɔ kɛlɛ bilala Saa Bolan na, kɛɛ Saa Bolan kɛtɔ see sɔlɔnna ai ma, kamasɔlɔn ale le tiilu ta Tii le, ani masalu ya Masa. A kɔbiladen minu kɛtɔ see sɔlɔnna a fɛ, wolu le aa mɔɔ kilininnu le, ani aa mɔɔ taninnu, ani lanandelu.»